بیگناہ انسانوں کونشانہ بنانے والے دہشتگرد انسانیت کے دشمن ہیں،مشتاق غنی
بس مردان سے پشاور آرہی تھی جس میں سرکاری ملازمین سوار تھے ۔وزیر اعلیٰ خیبرپختونخوا نے بس دھماکہ کی انکوائری کاحکم دے دیا ہے،ترجمان خیبرپختونخواحکومت
بدھ 16 مارچ 2016 18:59
پشاور(اُردو پوائنٹ اخبارتازہ ترین - این این آئی۔16 مارچ۔2016ء) وزیر اعلیٰ خیبرپختونخوا کے معاون خصوصی برائے اطلاعات وتعلقات عامہ اوراعلیٰ تعلیم مشتاق احمد غنی نے پشاور کے پوش علاقے صدر میں بس دھماکہ کی شدید الفاظ میں مذمت کرتے ہوئے اسے ایک بزدلانہ کاروائی قراردیا ہے۔ انہوں نے دھماکہ کے نتیجے میں بیگناہ انسانی قیمتی جانوں کے ضیاع پر اپنے دلی رنج وغم کااظہار کیاہے۔
واقعہ کی اطلاع ملتے ہی معاون خصوصی اطلاعات فوری طورپر جائے حادثہ پہنچے اوروہاں موجود میڈیا کے نمائندوں سے گفتگوکرتے ہوئے انہوں نے کہا کہ بے گناہ انسانوں کونشانہ بنانے والے دہشتگرد انسانیت کے دشمن ہیں جو کسی بھی رعایت کے مستحق نہیں۔ انہوں نے کہا کہ بس مردان سے پشاور آرہی تھی جس میں سرکاری ملازمین سوار تھے ۔(جاری ہے)
وزیر اعلیٰ خیبرپختونخوا نے بس دھماکہ کی انکوائری کاحکم دے دیا ہے ۔
مشتاق احمدغنی کاکہنا تھا کہ خیبرپختونخوا فاٹا سے منسلک ہونے کی وجہ سے براہ راست دہشت گردی کی زد میں ہے جس سے نجات دلانے کے لئے فوری طورپروفاق صوبہ کو فرنٹیئر کانسٹیبلری کی خدمات صوبے کے حوالے کرے تاکہ ایف سی اہلکاروں کوان کی اصل ڈیوٹی کے لئے فاٹا اورخیبرپختونخوا کی سرحدوں کی حفاظت پر تعینات کیاجاسکے۔بعد ازاں معاون خصوصی اطلاعات نے لیڈی ریڈنگ ہسپتال پشاورکادورہ کیا اوربس دھماکے کے زخمیوں کی عیادت کی ۔انہوں نے اس موقع پر ہسپتال انتظامیہ کو وزیراعلیٰ خیبرپختونخوا کی ہدایت کے مطابق زخمیوں کو ہرممکن بہترین طبی امداد کی فراہمی یقینی بنانے کی بھی ہدایت کی ۔انہوں نے اس موقع پر متاثرہ خاندانوں کے ساتھ دلی ہمدردی کااظہار کرتے ہوئے کہا کہ صوبائی حکومت متاثرین کے غم میں برابر کی شریک ہے۔ انہوں نے دھماکہ میں جاں بحق افراد کی مغفرت اورزخمیوں کی جلد صحت یابی کی دعا کی۔متعلقہ عنوان :
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.