نئے آڈیٹر رپورٹنگ ماڈل کے بارے میں آئی سی اے پی کا سیمینار
جمعرات 17 مارچ 2016 22:30
کراچی ۔ 17 مارچ (اُردو پوائنٹ اخبارتازہ ترین - اے پی پی۔17 مارچ۔2016ء) انسٹی ٹیوٹ آف چارٹرڈ اکاوٴنٹنٹس آف پاکستان (آئی سی اے پی) نے لسٹڈ کمپنیوں کے نمائندوں کے لئے آئی سی اے پی ہاوٴس کراچی میں ”نئے آڈیٹر رپورٹنگ ماڈل - ایک بنیادی تبدیلی“ کے موضوع پر سیمینار کا انعقاد کیا۔ متعلقین اور صارفین کے لئے آڈیٹرز کی رپورٹ کی قدر میں اضافے کے لئے انٹرنیشنل آڈیٹنگ ایشورنش سٹینڈرڈز بورڈ (IAASB) نے آڈٹ رپورٹ سے متعلق آڈیٹنگ کے بارے میں بین الاقوامی سٹینڈرڈز کا ایک نظر ثانی شدہ سیٹ جاری کیا ہے۔
آڈیٹرز کی رپورٹ میں نظرثانی کی اہم خصوصیات میں آڈٹ کے اہم امور کا تعارف، جاری تشویش کا تجزیہ اور سالانہ رپورٹ کا حصہ بننے والی دیگر معلومات کے بارے میں رپورٹنگ شامل ہے۔(جاری ہے)
سٹینڈرڈز کے نظر ثانی شدہ سیٹ کا اطلاق دسمبر 15، 2016ء کو ختم ہونے والے عرصے یا اس کے بعد کے لئے مالی اسٹیٹمنٹس کے بارے میں آڈٹ رپورٹس پر ہوگا۔ لسٹڈ کمپنیوں کے لئے اہم آڈٹ امور کا تعارف ایک قابل ذکر اضافہ ہے جو نہ صرف آڈیٹر کی رپورٹ بلکہ مالی رپورٹنگ کے معیار کو زیادہ وسیع انداز میں تبدیل کر دے گا ، اور اس طرح سرمایہ کاروں اور دیگر اہم متعلقین کی معلوماتی قدر میں بھی اضافہ ہوگا۔
آئی سی اے پی کی سدرن ریجنل کمیٹی کے چیئرمین ذوالفقار اختر نے کہا ہے کہ ”یہ سیشن بنیادی تبدیلی کے بارے میں ہے اور یہ کہ یہ کیسے آڈٹ رپورٹ میں بھروسے میں اضافے کی حوالے سے قدر میں اضافہ کرنے جارہا ہے۔“آئی سی اے پی ساوٴتھ کے نائب صدر ندیم یوسف عادل نے کہا کہ ”آڈیٹر کی رپورٹ میں قابل ذکر تبدیلیوں پر غور کرتے ہوئے، انسٹی ٹیوٹ آف چارٹرڈ اکاوٴنٹنٹس آف پاکستان ، ملک کے بہت سے شہروں میں آگہی سیمینارز منعقد کر رہی ہے۔ یہ سیشنز عملی اطلاق اور ان کی نتائج پر تبادلہ خیال کے لئے منعقد کئے جا رہے ہیں۔“انہوں نے کہا کہ ”انسٹی ٹیوٹ یہ یقین رکھتا ہے کہ مالی اسٹیٹمنٹس کی آڈٹ کی ادراکی قدر کے لئے آڈیٹر کی رپورٹنگ میں اضافہ انتہائی اہمیت کا حامل ہے جو نتیجتاً مالی اسٹیٹمنٹس کی رپورٹنگ پر بھروسے میں اضافہ کرتا ہے جو کہ عوامی مفاد میں ہے۔“سدرن ریجن کمیٹی کے رکن اور سی پی ڈی کنوینر ارسلان خالد نے نئی آڈٹ رپورٹ کے پہلووٴں پر ایک پریزنٹیشن پیش کی۔ چیف آپریٹنگ آفیسر اور سیکریٹری آئی سی اے پی فیروز رضوی نے نئی آڈٹ رپورٹ کے اطلاق سے پیدا ہونے والے عملی مسائل کے بارے میں بات کی۔ چیئرمین آڈیٹنگ سٹینڈرڈز کمیٹی آئی سی اے پی فرخ رحمٰن نے سوالات و جوابات کے سیشن کا انعقادکیا۔صدر آئی سی اے پی حافظ محمد یوسف نے کہا کہ ”اس سیشن میں نئے آڈیٹر رپورٹ ماڈل کے بارے میں بہت زیادہ معلومات فراہم کی گئی ہیں۔ اگر کوئی بھی الجھن محسوس کی جارہی ہے تو وہ وقت کے ساتھ ساتھ کم ہوتی چلی جائے گی۔“سیمینار میں شرکت کرنے والوں میں لسٹڈ کمپنیوں کے چیف ایگزیکٹو آفیسرز، چیف فنانشل آفیسرز اور آڈٹ کمیٹیوں کے چیئرمین شامل تھے۔ مہمانوں نے نئے آڈیٹر رپورٹنگ ماڈل اور اس بارے میں اپنے خیالات کا تبادلہ کیا کہ کارپوریٹ دنیاکے لئے نئی آڈیٹر رپورٹ کی کیا اہمیت ہے۔متعلقہ عنوان :
مزید قومی خبریں
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.