دنیا میں امن مختلف مذاہب اور مسالک کے قائدین کی کوششوں سے ہی ممکن ہوسکتا ہے‘ پاکستان علماء کونسل
شام ،عراق،یمن،فلسطین ، کشمیر اورلیبیا کی صورتحال کی فوری اصلاح نہ ہوئی تو داعش جیسی اور تنظیمیں پیدا ہوں گی اقوام متحدہ اسلامی سربراہی کانفرنس عرب لیگ مسلمانوں کے مسائل کے حل میں ناکام ہوئے‘ چیئرمین حافظ طاہر محمود اشرفی
جمعہ 18 مارچ 2016 20:07
لاہور ( اُردو پوائنٹ اخبارتازہ ترین - این این آئی۔18 مارچ۔2016ء) دنیا میں امن مختلف مذاہب اور مسالک کے قائدین کی کوششوں سے ہی ممکن ہوسکتا ہے،شام ،عراق،یمن،فلسطین ، کشمیر اورلیبیا کی صورتحال کی فوری اصلاح نہ ہوئی تو داعش جیسی اور تنظیمیں پیدا ہوں گی،اقوام متحدہ اسلامی سربراہی کانفرنس عرب لیگ مسلمانوں کے مسائل کے حل میں ناکام ہوئے۔یہ بات پاکستان علماء کونسل کے مرکزی چیئرمین اور وفاق المساجد پاکستان کے صدر حافظ محمد طاہر محمود اشرفی نے مختلف ممالک سے آئے ہوئے مختلف مذاہب کے قائدین کے وفد سے گفتگو کرتے ہوئے کہی۔
اس موقع پر پادری عمانویل کھوکھر،ڈاکٹر حسن رشید،مولانا محمد مشتا ق لاہوری،مولانا عبد القیوم، مولانا اسلم قادری، سردار بشن سنگھ،ڈاکٹر رابرٹ بھی موجود تھے۔(جاری ہے)
حافظ محمد طاہر محمود اشرفی نے کہا کہ مختلف مذاہب اور مسالک کے درمیان مکالمہ وقت کی ضرورت ہے ۔تمام مذاہب اور مسالک کے قائدین کو عوام الناس کی رواداری،محبت اور برداشت کی طرف رہنمائی کرنی چاہئے۔
انہوں نے کہا کہ بد قسمتی یہ ہے کہ مسلم ممالک میں مسلسل بحران پیدا ہورہے ہین اور ان کے حل کیلئے کوئی سنجیدہ کوششیں نہیں کی جارہی ہیں۔عراق،افغانستان،لیبیا پر عالمی دنیا کے حملوں سے داعش پیدا ہوئی ہے۔ داعش کا اسلام سے نہیں انتقام سے تعلق ہے۔عالمی دنیا داعش جیسی تحریکوں کو ختم کرنا چاہتی ہے تو شام ،عراق،فلسطین اورکشمیر کا مسئلہ حل کرے۔انہوں نے گزشتہ دنون امریکی صدر باراک اوباما کی طرف سے سعودی عرب کیخلاف لگائے جانے والے الزامات کی مذمت کرتے ہوئے کہا کہ امریکہ نے ہمیشہ سعودی عرب اور عرب ممالک سے مفادات اٹھائے ہیں ۔اب جب سعودی عرب کی قیادت میں مسلم امہ متحد ہورہی ہے تو امریکی صدر اس کو برداشت نہیں کرپا رہے۔انہوں نے کہا کہ مسلم امہ کے مسائل کا حل اعتدال پسند قوتوں کا اتحاد ہے ۔مختلف سوالوں کا جواب دیتے ہوئے حافظ محمد طاہر محمود اشرفی نے کہا کہ پاکستان میں غیر مسلم مذاہب پاکستانیوں کو آئین پاکستان نے مکمل حقوق دے رکھے ہیں اور پاکستان میں اقلیتوں کے احوال بہت سارے ممالک سے بہتر ہیں ۔انہوں نے کہا کہ گزشتہ چند سالوں میں بین المذاہب ہم آہنگی اور رواداری میں بہتری آئی ہے۔
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.