شریف برادران اپنے دور حکومت میں جنرل پرویز مشرف کا کچھ نہیں بگاڑ سکیں گے‘ پاکستان میں آج بھی آئین سے ماورا اور آرٹیکل 6سے زیادہ طاقت رکھنے والے لوگ موجود ہیں‘عدلیہ ، میڈیا اور طاقتور ایسٹبلشمنٹ کی’ خاص محبت‘ کاہمیشہ وار صرف پیپلزپارٹی پر ہی چلا ہے‘آمروں اور آمریت پسندوں نے ہمیشہ جمہوریت اور جمہوری اقدار کا جنازہ نکالا ہے
سابق گورنر پنجاب مخدوم احمد محمود کی پارٹی کارکنوں کے وفد سے بات چیت
ہفتہ 19 مارچ 2016 22:18
فیصل آباد(اُردو پوائنٹ اخبارتازہ ترین - آئی این پی۔19 مارچ۔2016ء ) سابق گورنر پنجاب مخدوم احمد محمود نے کہا ہے کہ شریف برادران اپنے دور حکومت میں جنرل پرویز مشرف کا کچھ نہیں بگاڑ سکیں گے۔ پاکستان میں آج بھی آئین سے ماورا اور آرٹیکل 6سے زیادہ طاقت رکھنے والے لوگ موجود ہیں۔عدلیہ ، میڈیا اور طاقتور ایسٹبلشمنٹ کی’ خاص محبت‘ کاہمیشہ وار صرف پیپلزپارٹی پر ہی چلا ہے۔
ن لیگ سمیت دیگر سیاسی قوتوں کو ہمیشہ ریلیف ہی ملا ہے۔ معاشی بدحالی کے دکھوں اور مصیبت سے نڈھال غریب عوام کو مہنگائی نے بہت پریشان کررکھا ہے۔ آمروں اور آمریت پسندوں نے ہمیشہ جمہوریت اور جمہوری اقدار کا جنازہ نکالا ہے۔ چیئرمین بلاول بھٹو کا دورہ جنوبی پنجاب ورکروں میں ایک نیا ولولہ اور جوش پیدا کرے گا۔(جاری ہے)
پیپلزپارٹی کے کارکنان چیئرمین بلاول بھٹو کا فقیدالمثال استقبال کریں گے۔
پیپلزپارٹی کا رحیم یارخان میں جلسہ عام اور عوامی رابطہ مہم تخت لاہور کے چاروں پائے ہلا کر رکھ دے گی۔ ان خیالات کااظہار انہوں نے اپنی رہائش گاہ لاہور میں پیپلزپارٹی فیصل آباد کے ضلعی جنرل سیکرٹری وٹکٹ ہولڈر محمد اعجاز چوہدری کی قیادت میں ڈویژنل سیکرٹری اطلاعات محمد طاہر شیخ، لال حسین راشد، سرمد فضل حسین راہی اور کوآرڈی نیٹر اے جے کے پیپلزپارٹی چوہدری خادم حسین کے ہمراہ پارٹی کارکنوں کے ایک وفد سے گفتگو کرتے ہوئے کیا۔ جنوبی پنجاب پی پی پی کے صدر مخدوم احمد محمود نے کہا عوام دشمن لیگی قیادت نے ہمیشہ ابن الوقت مفاد پرستی کی سیاست کو فروغ دیا ہے اور جمہوری اقدار کو روندا ہے۔ پیپلزپارٹی نے جمہوریت کی بقاء اور جمہوری اقدار کے فروغ کیلئے اپنی جانوں کے نذرانے پیش کیے ہیں۔ جبکہ لیگی کمیشن مافیا نے غریبوں اور محنت کشوں کی فلاح وبہبود کے نام پر قومی سرمائے کو لوٹا ہے۔ خوشحال پاکستان بنانے والوں نے اپنے دور حکومت میں اب تک مایوسیوں اور تکلیفوں کے علاوہ کچھ نہیں دیا۔ پارٹی جیالے اپنی صفوں میں اتحاد قائم کریں بلاول بھٹو عنقریب پورے پنجاب کے طوفانی دورے کریں گے اور پیپلز پارٹی کو شہید بھٹو بے نظیر کے ویژن کے مطابق دوبارہ منظم وفعال کریں گے۔ ناقدین اور مخالفین کے تمام تر تبصرے اور دعوے جھوٹ کا پلندہ ثابت ہوں گے۔ کیونکہ بھٹوازم کی تکمیل ہماری منزل ہے۔مزید اہم خبریں
-
امریکی سینیٹ نے یوکرین، اسرائیل اور تائیوان کے لیے 95 ارب ڈالر جنگی امداد کا بل منظور کر لیا
-
بغیر اجازت دوسری شادی پر شوہر کو سنائی گئی 3ماہ کی سزا معطل
-
امریکی کانگریس نے مقبول سوشل میڈیا ایپ ”ٹک ٹاک“ پر مشروط پابندی کا بل بھاری اکثریت سے منظور کرلیا
-
تحریک انصاف کے نئے انٹرا پارٹی انتخابات پر بھی اعتراضات عائد
-
پاکستان کی ترقی و خوشحالی کے لیے وفاق اور صوبوں میں گہرا تعاون اور تعلق کو پذیرائی دینے کی ضرورت ہے.شہبازشریف
-
سکھر ملتان موٹر وے کے قریب مسلح افراد کا پولیس چوکی پر حملہ،فائرنگ سے پولیس اہلکار شہید
-
تحریک انصاف کی رہنماءیاسمین راشد نے چیف جسٹس کو خط لکھ دیا
-
معاشی استحکام کے لئے وفاق اور صوبوں کےمابین قریبی تعلق اور ہم آہنگی بہت اہم ہے، کسی بھی صوبے اور عوام کی ترقی پاکستان کی ترقی ہے، وزیراعظم محمد شہباز شریف کی سندھ کابینہ کے ارکان سے گفتگو
-
عمران خان کی رہائی کسی ڈیل کا حصہ نہیں ہوگی، علی محمد خان
-
وزیراعلیٰ پنجاب مریم نواز کی زیرصدارت اجلاس، ہائوسنگ پراجیکٹ کی اصولی منظوری
-
وزیراعلیٰ سندھ نے وزیراعظم کو وفاق کی جانب سے سندھ کو نظر انداز کرنے کا شکوہ کر دیا
-
ایرانی صدر کے دورہ پاکستان پر دونوں ملکوں کا 28 نکاتی مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.