عالمی تجار ت میں مندی کو علاقائی تجارت میں اضافے کے ذریعے دورکیا جا سکتا ہے،وفاقی وزیر تجارت انجنئیر خرم دستگیر خان کی سارک چیمبرز آف کامرس اینڈ انڈسٹری کے وفد سے گفتگو
جمعرات 14 اپریل 2016 22:59
اسلام آباد ۔ 14 اپریل (اُردو پوائنٹ اخبارتازہ ترین - اے پی پی۔14 اپریل۔2016ء) وفاقی وزیر تجارت انجنئیر خرم دستگیر خان نے کہا کہ عالمی تجار ت میں مندی کو علاقائی تجارت میں اضافے کے ذریعے دورکیا جا سکتا ہے، پاکستان علاقائی تجارت میں اضافے، تجارتی سہولیات کی فراہمی اور علاقائی رابطہ کاری کا علمبردار ہے،خطے میں تجارت میں اضافے کیلئے نان ٹیرف رکاوٹوں کو دور کرنا حکومتوں کی اولین ترجیح ہونی چاہیے جس سے خطے کے عوام بلا تفریق مستفید ہو سکیں، ان خیالات کا اظہار وفاقی وزیر نے پاکستان کے دورے پر آئے سارک چیمبرز آف کامرس اینڈ انڈسٹری کے وفد سے ملاقات کے دوران کیا۔
وفد کی صدارت چیمبر کے صدر سوراج ویدیا نے کی۔اس موقع پر چیف ایگزیکٹو ٹریڈ ڈویلپمنٹ اتھارٹی آف پاکستان ایس ایم منیر، فیڈریشن آف پاکستان چیمبرز آف کامرس کے صدر رؤ ف عالم اور نمایاں کاروباری شخصیات بھی موجود تھیں۔(جاری ہے)
وفاقی وزیر نے گفتگو کے دوران کہا کہ سارک ممالک کے مابین تجارت دنیا کے دوسرے خطوں مثلاً یورپی یونین، آسیان ، مرکوسور جیسے خطوں کی باہمی تجارت کی نسبت انتہائی کم ہے، علاقائی تجارت کی بدولت چھوٹی اور درمیانے درجے کی صنعتوں کے مالکان بھی اپنا مال آسانی سے برآمد کر سکتے ہیں،انھوں نے کہا کہ پاکستان نے افغانستان کو ٹرانزٹ ٹریڈ میں حال ہی میں کئی ایک سہولیات فراہم کی ہیں جس کی بدولت پاکستان کے راستے افغان ٹرانزٹ ٹریڈ میں اضافہ ہوا ہے، سری لنکا کے ساتھ پاکستان نے آزاد تجارتی معاہدے کو مزید وسعت دینے اور اس میں سرمایہ کاری اور سروسز کو شامل کرنے پر آمادگی کا اظہار کیا ہے ، خطے میں کاروباری حضرات کیلئے ویزے میں نرمی سے علاقے میں تجارتی سرگرمیوں میں اضافہ کیا جا سکتا ہے۔
سارک چیمبر کے صدر سوراج ویدیا نے اپنی گفتگو میں کہا کہ چیمبر کو رواں سال کے آخر میں پاکستان میں منعقد ہونے والی سارک سربراہی کانفرنس کے بہت توقعات وابستہ ہیں، سارک چیمبر خطے کی تمام حکومتوں سے تجارتی اور معاشی تعاون میں اضافے کیلئے ملاقات کرے گا۔مزید اہم خبریں
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
8 فروری کو ن لیگ پنجاب میں زیادہ سے زیادہ صرف 40 نشستیں جیتی
-
ٰآئی ایم ایف کے نئے پروگرام کیلئے اسٹاف لیول معاہدہ جولائی میں ہونے کا امکان ہے، محمد اورنگزیب
-
پنجاب میں ن لیگ ختم ہوگی تو کوئی ایسا ہوگا جو خلاء کو پُر کرے گا
-
نان بائی ویلفیئرایسوسی ایشن نے روٹی، نان کے سرکاری نرخ کو چیلنج کردیا
-
جنرل (ر) قمر باجوہ نے نوازشریف کو باہر بھیجنے میں سہولتکاری کی تھی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.