قصاص ودیت کے مقدمات میں مقتول کے قانونی ورثاء ہی مجرم کو معاف کر نے کے مجاز ہیں،سپریم کور ٹ
بدھ 27 اپریل 2016 22:57
اسلام آباد ۔ 27 اپریل (اُردو پوائنٹ اخبارتازہ ترین - اے پی پی۔27 اپریل۔2016ء) سپریم کور ٹ نے قرار دیا ہے کہ قصاص و دیت قرآن کا قانون تمام تعزیری قوانین سے افضل ہے ، قصاص ودیت کے مقدمات میں مقتول کے قانونی ورثاء ہی مجرم کو معاف کر نے کے مجاز ہیں بدھ کو جسٹس مشیر عالم اور جسٹس دوست محمد خان پر مشتمل دو رکنی بنچ نے ڈکیتی کے دوران دوافرادکوقتل کرنے کے کیس میں سزایافتہ مجرمان مواز ،ریحان اور عرفان کی جانب سے دائر اپیلوں کی سماعت کی، اس موقع پرملزمان کی جانب سے راجہ اکرام امین منہاس ایڈوکیٹ نے پیش ہوکر دلائل دئیے اورکہا کہ ان کے موکلوں نے مقتولین کے ورثاء کے ساتھ صلح کرلی ہے ،وہ عمر قید کی حد تک سز ا بھی کاٹ چکے ہیں ،اس لئے انہیں ڈکیتی کیس میں مزید قید میں نہیں رکھا جاسکتا، انہوں نے اس حوالہ سے مختلف عدالتی نظائر پیش کرتے ہوئے بتایا کہ یہ ایک مسلمہ اصول ہے کہ کسی ایک جرم میں دو دو سزائیں نہیں دی جاسکتیں اس لئے میری استدعا ہے کہ مجھے قتل و ڈکیتی کے ایک ہی جرم میں صلح کوتسلیم اور جیل میں کاٹی گئی سزا کو شمارکرنے کی صورت میں کیا مجرم کورہا کیاجاسکتاہے یا نہیں “ کے نکتہ پر دلائل دینے کی اجازت دی جائے ،جس پر عدالت نے ان کی درخواست ابتدائی سماعت کے لئے منظور کرتے ہوئے ریاست اور فریقین کو نوٹسز جاری کرتے ہوئے سماعت غیر معینہ مدت کے لئے ملتوی کردی ،یاد رہے کہ مجرم مواز ،ریحان اور عرفان نے جہلم کے علاقہ لِلہ میں موٹر وے پر بس ڈکیتی کے دوران مزاحمت پر عرفان اور ریحان نامی دو افراد کو قتل اور دو خواتین زخمی کردیا تھا ، ٹرائل کورٹ نے انہیں دو دو دفعہ سزائے موت ، دو دو لاکھ روپے جرمانہ اور دو دو سال مزید قید کی سزائیں سنائی تھیں، تاہم اپیل پر لاہور ہائیکورٹ نے ان کی سزائے موت کو عمر قید میں تبدیل کردیا تھا ، جس کیخلاف اپیل پر سپر یم کورٹ نے بھی فیصلہ برقرار رکھا تھا،اس دوران فریقین میں صلح ہوگئی تو ایڈیشنل سیشن جج جہلم نے قتل کے کیس کی حد تک صلح کو تسلیم کرلیا تاہم ڈکیتی کے کیس میں سزا کو برقرار رکھا ،جس کے خلاف ہائی کورٹ میں اپیل دائر خارج ہونے پرمجرمان نے سپریم کورٹ میں اپیل دائرکی جس کوعدالت نے سماعت کیلئے منظورکرلیا۔
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.