عمران خان اظہار یکجہتی کیلئے مجلس وحدت المسلمین کے دھرنے میں پہنچ گئے ، خیبر پختونخوا کی جانب سے ہر ممکن تعاون کی یقین دہانی
خیبرپختونخوا حکومت نے اپنے کپتان کو بھی صحیح رپورٹ نہیں دی،سب سے زیادہ شکوہ عمران خان سے تھا وہ اب دور ہوگیا ،امید ہے بے گناہ افراد کے قاتل کیفر کردار تک پہنچیں گے، مجلس وحدت المسلمین کے سیکرٹری جنرل علامہ ناصر عباس کی میڈیا سے گفتگو
ہفتہ 21 مئی 2016 22:16
اسلام آباد (اُردو پوائنٹ اخبارتازہ ترین - آئی این پی۔21 مئی۔2016ء) چیئرمین تحریک انصاف عمران خان مجلس وحدت المسلمین کے ساتھ اظہار یکجہتی کے لئے ان کے دھرنے اوربھوک ہڑتالی کیمپ میں پہنچ گئے اور خیبر پختونخوا کی جانب سے ہر ممکن تعاون کا یقین دلاتے ہوئے کہا کہ مجھے تو خیبرپختونخوا میں جاری ظلم و ستم کا آج علم ہواہے،ڈی آئی خان میں ایک دہشت گرد تنظیم پھر سے منظم ہوگئی ہے،لوگوں کی جان و مال کی حفاظت حکومت کا فرض ہے،خیبرپختونخوا حکومت مجلس وحدت المسلمین سے مکمل تعاون کرے گی۔
مجلس وحدت المسلمین کے سربراہ علامہ راجہ علامہ ناصر عباس نے کہا کہ خیبرپختونخوا حکومت نے اپنے کپتان کو بھی صحیح رپورٹ نہیں دی،مجھے سب سے زیادہ شکوہ عمران خان سے تھا جو اب دور ہوگیا،امید کرتا ہوں کہ پشاور،ہنگو،کوہاٹ اورڈی آئی خان کے بے گناہ افراد کے قاتل کیفر کردار تک پہنچیں گے۔(جاری ہے)
ہفتہ کو عمران خان مجلس وحدت المسلمین کے بھوک ہڑتالی کیمپ میں اظہار یکجہتی کے لئے پہنچ گئے۔
اس موقع پر انہوں نے ایم ڈبلیو ایم کے سربراہ علامہ راجہ ناصر عباس کے ہمراہ میڈیا سے گفتگوکرتے ہوئے کہا کہ مجھے تو خیبرپختونخوا میں ظلم کا آج علم ہوا ہے، ڈی آئی خان میں ایک دہشت گرد تنظیم پھر سے منظم ہوگئی ہے۔ پاکستان میں تمام شہریوں کے حقوق برابر ہیں۔انہوں نے کہا کہ لوگوں کی جان و مال کی حفاظت حکومت کا فرض ہے،خیبرپختونخوا حکومت علامہ راجہ ناصر عباس اور ایم ڈبلیو ایم سے مکمل تعاون کرے گی،معاملے کو اپپکس کمیٹی کے اجلاس میں اٹھائیں گے۔عمران خان نے کہا کہ کے پی کے اور اتحادی حکومت کی جانب سے تعاون کی یقین دہانی کراتاہوں،ایم ڈبلیو ایم کے نمائندے کی وزیراعلی اورآئی جی سے ملاقات کراؤں گا۔انہوں نے کہا کہ سورن سنگھ خطرے کے باوجود بونیر میں رہے۔ہماری حکومت نے پولیس کو غیرسیاسی بنایااوراسی وجہ سے سورن سنگھ کے قاتلوں کو24گھنٹے میں گرفتارکیا گیا۔قبائلی علاقے کی طرف سے شدت پسند آتے ہیں اورکے پی میں لوگوں کو قتل کرکے واپس روپوش ہوجاتے ہیں۔عمران خان نے علامہ ناصر عباس کو یقین دہانی کروائی کہ ایم ڈبلیوایم کے تمام تحفظات دور کئے جائیں گے۔ علامہ ناصر عباس نے میڈیا سے گفتگو میں کہا کہ بے گناہ افراد کے قتل پر بھوک ہڑتال کر رہے ہیں ، جب تک ہمارے بے گناہ افراد کے قاتلوں کو کیفر کردار تک پہنچانے کے لئے کوئی حقیقی پیش رفت نہیں ہو گی تب تک دھرنے سے نہیں جاؤں گا۔ کے پی کے حکومت کا مسئلہ حل ہونے پر شکریہ ادا کر کے جاؤں گا۔انہوں نے کہا کہ امیدکرتا ہوں پشاور، ہنگو،ڈی آئی خان اور کوہاٹ کے قاتل کیفرکردار تک پہنچیں گے،پنجاب میں بھی ہزاروں مسائل ہیں جنہیں حل کرنے کی ضرورت ہے ۔علامہ ناصر عباس نے کہا کہ مجھے افسوس ہے کہ خیبر پختونخوا حکومت نے اپنے کپتان کو بھی صحیح رپورٹ نہیں دی ۔ مجھے سب سے زیادہ شکوہ عمران خان سے تھامگر اب ان کے آنے سے مطمئن ہوں۔مزید اہم خبریں
-
سپریم کورٹ کا تمام عمارتوں اور سڑکوں سے رکاوٹیں و تجاوزات ہٹانے کا حکم
-
ملالہ کی اسرائیل کی مذمت، غزہ کی حمایت کا اعادہ
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
-
شیرافضل مروت کی قصورمیں درج مقدمے میں حفاظتی ضمانت منظور
-
2023میں پاکستان کو 2 ارب 35 کروڑ ڈالرز فراہم کیے، ایشیائی ترقیاتی بینک
-
پولیس یونیفارم پہننا جرم ہے جس کی قانون میں سزا ہے،یاسمین راشد
-
سرکاری ادارے ملازمین کو پال رہے، ان کو بٹھا کر تنخواہیں دی جارہی ہیں، چیف جسٹس
-
عدالت نے عمران خان و بشریٰ بی بی کو ریاستی اداروں اور آفیشلز کیخلاف بیان دینے سے روک دیا
-
نواز شریف ملکی مفاد کی خاطرعمران خان سے بات چیت کیلئے تیار ہیں،رانا ثناءاللہ
-
پولیس وردی پہننے پر مریم نواز کیخلاف مقدمہ درج کرنے کی درخواست دائر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.