دنیا بھر میں دہشت گردی کا ذمہ دارامریکہ ہے، حکمران مزیدغلامی سے توبہ کرلیں‘ پیر اعجاز ہاشمی
امریکہ کو اپنے جاسوس شکیل آفریدی کی رہائی کی بڑی فکر ہے،ہمارے حکمران ڈاکٹر عافیہ صدیقی کو بھول گئے پارلیمنٹ کو امریکی کانگریس کے فیصلے کا نوٹس لینا چاہیے ، پاکستان میں اقلیتیں محفوظ ہیں دہشت گردی کا شکارمسلمان ہیں‘میڈیا سے گفتگو
پیر 23 مئی 2016 18:14
لاہور (اُردو پوائنٹ اخبارتازہ ترین - این این آئی۔23 مئی۔2016ء ) جمعیت علما پاکستان کے سربراہ پیر اعجازاحمد ہاشمی نے امریکی کانگریس کی طرف سے پاکستان پر فوجی امداد کی سخت شرائط عائد کرنے اور بلوچستان میں ڈرون حملے کی شدید مذمت کرتے ہوئے کہا ہے کہ امریکہ نے ہمیشہ مسلم ممالک کو دھوکہ دیا او ر اسلام دشمن قوتوں کی سرپرستی کی،حکمرانوں کے لئے قومی غیرت کے اظہار اورملکی مفادات کے تحفظ کا بہترین موقع ہے کہ امریکہ سے ہر قسمی سفارتی تعلقات منقطع کریں ۔
جے یو پی کی میڈیا ٹیم سے گفتگو کرتے ہوئے پیر اعجاز ہاشمی نے کہا کہ دنیا بھر میں دہشت گردی کا ذمہ دار خودامریکہ ہے، جس نے القاعدہ، طالبان اور داعش جیسے دہشت گرد گروپ خود پیدا کئے۔ انہیں روس کے خلاف افغانستان جنگ میں استعمال کیا ۔(جاری ہے)
اور نائن الیون کے واقعہ کے بعد سے اب دہشت گردوں کے خاتمے کے لئے پاکستان سے کرائے کے ٹٹو کا کردار ادا کروانا چاہتا ہے۔
انہوں نے کہا کہ پالیسی سازوں اور حکمرانوں کے لئے باعث شرم ہے کہ لاکھوں فوجی جوانوں اور عوام کی قربانیوں کے باوجود امریکہ اور عالمی برادری نے پاکستان کی قربانیوں کو نہیں سراہا۔ دہشت گردی کے خلاف جنگ اغیار کی تھی اور اس کا شکار ہم ہوئے۔ ان کا کہنا تھا کہ خود کش دھماکوں اور تخریب کاری سے پاکستان کی سماجی ، عسکری اور اقتصادی حیثیت کو شدید نقصان پہنچا ہے، اس پر امریکہ نے وہی رویہ اختیار کیا جو اس کی بدطینت کاخاصا رہا ہے۔انہوں نے کہا کہ پاکستانی حکمرانوں کو اب غیرت کا مظاہرہ کرنا چاہیے کہ ان کی غلامی کی قیمت امریکہ نے احسان فراموشی اور ہٹ دھرمی سے دی ہے۔ امریکی کانگریس کے فیصلے سے ہی حکمرانوں کو سبق سیکھ لینا چاہئے اور غیرت کا مظاہرہ کرتے ہوئے اب مزید امریکی غلامی سے توبہ کرلینی چاہیے۔پیر اعجاز ہاشمی نے کہا کہ حقانی نیٹ ورک امریکی ایجنڈے کو افغانستان میں پروان چڑھاتا رہا ہے۔اب اس کا خاتمہ وہ پاکستان سے چاہتے ہیں۔انہوں نے کہا کہ پارلیمنٹ کو امریکی کانگریس کے اس فیصلے کا سخت نوٹس لیتے ہوئے امریکہ سے ہر قسمی تعاون ختم کردینا چاہیے۔ان کا کہنا تھا کہ امریکہ کا واضح جھکاو ہندوستان کی طرف ہے، تو ہم کیوں ابھی تک سمجھنے سے قاصر ہیں کہ اب خارجہ پالیسی پر نظر ثانی کرکے ہمیں خود انحصاری اختیار کرنی چاہیے۔ہم کب تک لاشیں اٹھاتے رہیں گے اور ڈو مور کی ڈکٹیشن لیتے رہیں گے۔ ان کاکہنا تھا کہ پاکستان میں فرقہ واریت اور دہشت گردی کو فروغ دینے والا امریکہ اور اس کے اتحادی ممالک ہیں۔ جن کی سرپرستی میں جہادی لشکر تیار کئے گئے۔اور پاکستان اپنی فوج اور عوام کے اتنے نقصان کے بعد بھی نہیں سمجھ سکاتو عوام حکمرانوں کے خلاف اٹھ کھڑ ے ہوں گے۔پیر اعجاز ہاشمی نے کہا کہ امریکہ کو اپنے جاسوس شکیل آفریدی کی رہائی کی بڑی فکر ہے اور فوجی شرائط میں اس کا ذکر بھی کرتا ہے، مگر پاکستانی ڈاکٹر عافیہ صدیقی امریکی جیل میں سالہا سال سے بے گناہی کی سزا کاٹ رہی ہیں۔اس پر تو پاکستانی دفتر خارجہ اور حکومت چپ سادھے ہوئے ہے۔اس کی رہائی کا ذکر تک نہیں ہوتا۔حتیٰ کہ میاں نواز شریف انتخابی مہم کے دوران رہائی کے وعدے کرنے کے باوجود قوم کی اس بیٹی کو بھول گئے ہیں۔انہوں نے کہا کہ پاکستان میں اقلیتیں محفوظ ہیں کسی کے خلاف کوئی دہشت گردی نہیں ہورہی، البتہ پاکستانی مسلمان ہی اس کا شکار ہیں، کبھی فرقہ واریت کے نام پر ٹارگٹ کلنگ اور کبھی دہشت گردی کے نا م پر قربانیاں دی جارہی ہیں۔متعلقہ عنوان :
مزید اہم خبریں
-
بھارت: سیاسی رہنما مختار انصاری کی موت فطری یا 'قتل'؟
-
وزیرِ اعظم شہباز شریف نے مشترکہ مفادات کونسل کی تشکیلِ نو کر دی
-
شانگلہ حملے کے اصل ملزمان کو قانون کے کٹہرے میں لائیں گے، وفاقی وزیرداخلہ کی چینی سفارت خانے کے دورے کے موقع پر گفتگو
-
آئی ایم ایف کے ساتھ نئے پروگرام کیلئے اسٹاف لیول معاہدہ جون تک کرنا چاہتے ہیں، وفاقی وزیر خزانہ
-
اپریل کو سندھ بھر میں عام تعطیل کا اعلان
-
فرانس: بالوں سے متعلق امتیازی سلوک ختم کرنے کا نیا قانون
-
امریکی سفیرکی اڈیالہ جیل میں بانی پی ٹی آئی سے ملاقات پروضاحت
-
کیا جرمنی شام کی اسد حکومت کی بالواسطہ مالی مدد کر رہا ہے؟
-
بھائی کے ہاتھوں قتل ہونے والی ماریہ کی ابتدائی میڈیکل رپورٹ منظر عام پر آگئی
-
وزیراعظم نے مشترکہ مفادات کونسل کی تشکیل نو کر دی،وزیرخزانہ کی جگہ وزیرخارجہ کونسل میں شامل
-
اللہ کو حاضر ناظرجان کر کہتا ہوں کسی کے ساتھ کوئی ناانصافی نہیں کی ،چیف جسٹس پشاور ہائیکورٹ
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.