پی ٹی آئی چئیر مین عمران خان نے بٹگرام میں بجلی منصوبوں کا افتتاح کر دیا۔
مقامی لوگ فیصلہ کریں گے کہ بجلی کی فی یونٹ قیمت کیا رکھنی ہے؟ اس منصوبے کے تحت مقامی افراد کو چوبیس گھنٹے بجلی کی فراہمی ہو گی اور کوئی لوڈ شیڈنگ بھی نہیں کی جائے گی۔ ڈرون حملوں کی سخت مذمت کرتا ہوں۔عمران خان کی میڈیا سے گفتگو
سمیرا فقیرحسین بدھ 25 مئی 2016 13:38
بٹگرام (اُردو پوائنٹ تازہ ترین اخبار۔25مئی2016ء) : پاکستان تحریک انصاف کے چئیر مین عمران خان شملئی پہنچے جہاں انہوں نے بٹگرام کے لیے بجلی کے منصوبوں کا افتتاح کیا۔تین منی اینڈ مائیکرو ہائیڈرل پاور پراجیکٹ پر تین کروڑ پچاس لاکھ روپے لاگت آئی۔تین سو پانچ کلو واٹ کے منصوبوں سے قریبا سات سو گھروں کو بجلی فراہم کی جائے گی۔ اس موقع پر میڈیا سے بات کرتے ہوئے پی ٹی آئی چئیر مین عمران خان نے کہا کہ پاکستان خوش قسمت ملک ہے ، منصوبے سے مقامی افراد کے دو سو گھروں کو بجلی فراہم ہو گی۔
انہوں نے کہا کہ مقامی لوگ فیصلہ کریں گے کہ بجلی کی فی یونٹ قیمت کیا رکھنی ہے؟ عمران خان کا کہنا تھا کہ اس منصوبے کے تحت مقامی افراد کو چوبیس گھنٹے بجلی کی فراہمی ہو گی اور کوئی لوڈ شیڈنگ بھی نہیں کی جائے گی۔(جاری ہے)
اس منصوبے کو کمیونٹی چلائے گی اور وہی پیسے لے گی۔ انہوں نے کہا کہ جو شریف فیملی کی حمایت کے گا اس کا مطلب یا تو وہ بک گیا ہے یا اپنی کرپشن سے ڈر رہا ہو گا۔
شریف فیملی کے سارے لوگ مختلف بیانات دے رہے ہیں۔ انہوں نے کہا کہ میں ڈرون حملوں کی سخت مذمت کرتا ہوں، کیا ڈرون حملوں سے یہ جنگ جیتی جا سکتی ہے؟ ڈرون حملوں سے جنگ جیتنے کے کوئی امکانات نہیں ہیں، ڈرون حملوں سے اگر جنگ جیتی جا سکتی تو ہم یہ کڑوی گولی بھی کھالیتے۔ کبھی بھی دوست دوست پرحملہ نہیں کرتا۔ انہوں نے کہا کہ نواز شریف جب اپوزیشن میں تھے تو ڈرون حملوں ہر بڑکیں مارتے تھے۔ ڈرون حملے نواز شریف کی حکومت کی بڑی ناکامی ہیں، نواز شریف کے رویہ سے لگتا ہے کہ وہ اقتدار میں رہنے کے لیے کچھ بھی کر سکتے ہیں۔ڈرون حملوں کا رد عمل پاکستان کو برداشت کرنا پڑتا ہے۔ انہوںنے مزید کہا کہ اگر لندن فلیٹس قانونی ہوتے تو شریف خاندان اب تک بتا چکا ہوتا۔بجلی منصوبوں کے افتتا ح کے بعد عوامی اجتماع سے خطاب کرتے ہوئے پی ٹی آئی چئیر مین عمران خان نے کہا کہ اس منصوبے سے لوگوں کو چوبیس گھنٹے اور سارا سال بجلی ملے گی۔مقامی لوگ فیصلہ کریں گے کہ بجلی کی فی یونٹ قیمت کو دو روپے مقرر کرنا ہے یا چار روپے۔ان کا کہنا تھا کہ پاور اسٹیشن مقامی لوگ چلائیں گے جس کے لیے ان کو تربیت دی جا رہی ہے۔ عمران خان نے کہا کہ میاں صاحب بار بار پوچھتے ہیں کہ نیا خیبر پختونخواہ کہاں ہے؟ پانامہ لیکس کے بعد میاں صاحب نے ایک ہزار ارب کے نئے پراجیکٹس کا اعلان کیا۔جبکہ ہم پانچ ارب روپے میں تین لاکھ لوگوں تک سستی بجلی پہنچائیں گے۔ عمران خان نے کہا کہ ہم سب سے پہلے بچوں اور بچیوں کی تعلیم اور اسپتالوں کی حالت کو بہتر بنائیں گے۔ جن علاقوں میں بجلی نہیں ہے وہاں چشموں کے پانی سے سستی بجلی دے سکتے ہیں۔ انہوں نے عوامی اجتماع سے خطاب کرتے ہوئے کہا کہ یہاں بیٹھے لوگ اپنے لیے بہتر فیصلے کر سکتے ہیں۔ انہوں نے کہا کہ لاہور میں ستائیس کلو میٹر کے ٹریک پر دو سو ارب روپے خرچ کر کے اورنج لائن ٹرین بنائی جا رہی ہے۔انہوں نے کہا کہ پشاور میں بیٹھ کر بٹگرام کے فیصلے نہیں ہو سکتے ۔ ہم ایسا بلدیاتی نظام لائیں گے جس میں علاقائی لوگ اپنے لیئے بہتر فیصلے کر سکیں گے اور اپنا نظام خود چلائیں گے۔متعلقہ عنوان :
مزید اہم خبریں
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ایف بی آرکا ٹریک اینڈ ٹریس سسٹم ناکام
-
خیبر پختونخواہ حکومت کا لاکھوں ٹن گندم کی خریداری کا فیصلہ
-
بھارتی شہری نے پاکستانی لڑکی کو دل کا عطیہ کرکے نئی زندگی دے دی
-
نجی شعبہ زراعت تبدیل کرنے میں موثر کردار ادا کرسکتا ہے، وزیرخزانہ
-
افغان شہریوں کو ڈھائی لاکھ روپے لیکر شناختی کارڈ جاری کرنیوالا نادرا کا افسر گرفتار
-
وزیر اعلیٰ مریم نواز سے ہالینڈ کی سفیر مسز ہینی ڈی وریس کی ملاقات، ڈچ کمپنیوں کوسرمایہ کاری کی دعوت
-
عمران خان کو ریاستی اداروں کے خلاف بیانات سے اجتناب برتنے کے حکم پر تنقید و سوالات
-
وزیردفاع کی شنگھائی تعاون تنظیم کے سالانہ اجلاس میں شرکت ، فاعی تعاون کے اقدامات سمیت علاقائی سلامتی کے امورکا جائزہ لیا
-
وزیراعلی مریم نواز نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
گھریلو اور کمرشل سولر پینل لگانے والوں پر ٹیکس لگانے کی تجویز سامنے آگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.