پاک چائنا اکنامک کوریڈور معاہدے میں خیبر پختونخوا کو اس کا مکمل حصہ دیا جائے،آفتاب شیرپاؤ
دور افتادہ اورپسماندہ علاقوں کی تعمیرو ترقی ،پختونوں کی خوشحالی اور خطے پر امن کا پائیدار قیام قومی وطن پارٹی کے اہداف ہیں وفاقی حکومت بے گھرہونے والے قبائیلوں کیلئے خصوصی پیکج کا اعلان کرکے ان کی جلداز جلد اپنے آبائی علاقوں کو با عزت و اپسی یقینی بنائی جائے،چیئرمین قومی وطن پارٹی آفتاب شیرپاؤ کاعوامی اجتماع سے خطاب
ہفتہ 28 مئی 2016 20:18
پشاور(اُردو پوائنٹ اخبارتازہ ترین - این این آئی۔28 مئی۔2016ء) قومی وطن پارٹی کے مرکزی چیئرمین آفتاب احمد خان شیرپاؤ نے کہا ہے کہ دور افتادہ اورپسماندہ علاقوں کی تعمیرو ترقی ،پختونوں کی خوشحالی اور خطے پر امن کا پائیدار قیام قومی وطن پارٹی کے اہداف ہیں اوران مقاصد کے حصول کو یقینی بنانے کیلئے ہماری جدوجہد جاری رہے گی۔ان خیالات کا اظہار انھوں نے ہفتہ کے روز تحصیل تنگی کے علاقہ پڑانگ غارروڈ کے افتتاح کے بعد عوامی اجتماع سے خطاب کرتے ہوئے کیا۔
اس موقع پر سینئر صوبائی وزیر اور قومی وطن پارٹی کے صوبائی چیئرمین سکندر حیات خان شیرپاؤاور پارٹی کے دیگر رہنماؤں نے بھی خطاب کیا ۔آفتاب شیرپاؤنے کہا کہ صوبہ کے عوام کومواصلات سمیت تمام بنیادی سہولیات کی فراہمی قومی وطن پارٹی کامشن ہے تاکہ وہ دیگر ترقیافتہ اقوام کے برابر ترقی کرسکے ۔(جاری ہے)
انھوں نے وفاقی حکومت سے پر زور مطالبہ کرتے ہوئے کہا کہ پاک چائنا اکنامک کوریڈور معاہدے میں خیبر پختونخوا کو اس کا مکمل حصہ دیا جائے اور اس سے منسلک تمام ثمرات سے صوبے کے عوام اور باالخصوص دہشت گردی سے متاثرہ علاقوں کو مستفید کیا جائے۔
انھوں نے کہا کہ آنے والے وفاقی بجٹ میں چھوٹے صوبوں اور وہاں پر بسنے والے عوام کو تمام سطحوں پر ریلیف دیا جائے اور ترقیاتی بجٹ میں ان کوبھرپور حصہ دیا جائے تاکہ وہاں پر پائی جانے والی احساس محرومی اور پسماندگی کا ازالہ ہو سکے۔ فاٹاکے حوالے سے بات کر تے ہوئے مرکزی چیرمین نے کہا کہ فاٹا ریفامز کمیٹی نے تمام ایجنسیوں کا دورہ مکمل کیا ہے اور مختلف قبائلیوں سے ملاقاتیں بھی کی ہیں لہذا اب ضرورت اس امر کی ہے کہ فاٹا ریفارمز کو عملی جامہ پہناکر اس کام کو اور زیادہ تیز کیا جائے تاکہ قبائلیوں کو قومی دھارے میں لاکران میں پائی جانے والی محرومیوں کا ازالہ کیا جائے اور انھیں امن،ترقی اور خوشحالی کی راہ پر گامزن کیا جاسکے۔ انھوں نے کہا کہ وفاقی حکومت بے گھرہونے والے قبائیلوں کیلئے خصوصی پیکج کا اعلان کرکے ان کی جلداز جلد اپنے آبائی علاقوں کو با عزت و اپسی یقینی بنائی جائے تا کہ ان کی مشکلات اور مایوسی و محرومی کا خاتمہ ہوسکے۔اس موقع پرمعاون خصوصی برائے فنی تعلیم ارشد خان عمرزئی،ایم پی اے خالد خان ،پارٹی کے صوبائی عہدیدار طارق احمد خان،اسدآفریدی ایڈوکیٹ،تحصیل ناظم تنگی یحییٰ جان مہمند،مفتی افتخار،ضلع چارسدہ کے ضلعی و تحصیل ممبران اور قومی وطن پارٹی کے کارکن بڑی تعداد میں موجود تھے۔متعلقہ عنوان :
مزید اہم خبریں
-
جرمنی میں الیکٹرک کارکی رجسٹریشن میں کمی
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
گزشتہ تین روز میں سونے کی فی تولہ قیمت میں 5 ہزار 400 روپے بڑا اضافہ ہوگیا
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.