دہشت گردی اور فرقہ واریت کا تدارک صوفی ازم کی ترویج سے کیا جاسکتا ، ملک تنویر اسلم
اقتصادی ترقی کی راہ میں فرقہ واریت اور دہشت گردی سب سے بڑی رکاوٹ ہے، پاک چین اقتصادی راہداری کی تکمیل سے علاقے میں تعمیر و ترقی کے نئے دور کا آغاز ہو گا دیہی علاقوں میں مقامی کھیلوں بالخصوص کبڈی کے بھرپور فروغ کے لیئے تمام وسائل بروئے کار لائے جائیں گے،وزیرمواصلات وتعمیرات پنجاب
ہفتہ 28 مئی 2016 23:07
راولپنڈی(اُردو پوائنٹ اخبارتازہ ترین - آن لائن۔28 مئی۔2016ء) صوبائی وزیرمواصلات وتعمیرات پنجاب ملک تنویر اسلم نے کہا ہے کہ دہشت گردی اور فرقہ واریت کا تدارک صوفی ازم کی ترویج سے کیا جاسکتا ، اقتصادی ترقی کی راہ میں فرقہ واریت اور دہشت گردی سب سے بڑی رکاوٹ ہے، پاک چین اقتصادی راہداری کی تکمیل سے علاقے میں تعمیر و ترقی کے نئے دور کا آغاز ہو گا ․انہوں نے کہا کہ وزیر اعظم محمد نواز شریف نے ملک میں اقتصادی ترقی و خوشحالی کا جو خواب دیکھا تھا علماء و مشائخ کے بھرپور تعاون سے اس خواب کو شرمندہ تعبیر کیا جا سکتا ہے․ انہوں نے کہا کہ دیہی علاقوں میں مقامی کھیلوں بالخصوص کبڈی کے بھرپور فروغ کے لیئے تمام وسائل بروئے کار لائے جائیں گے ان خیالات کا اظہار انہو ں نے عظیم صوفی حضرت سید احمد علی شیرازی کے تین سوسالہ یوم وفات کے موقع پر ڈنڈوت(چکوال) میں منعقدہ سیمنار سے خطاب کرتے ہوئے کیا․ سیمینار میں درگاہ حضرت احمد علی شاہ کے سجادہ نشین راجہ مجاہد افسر, ممتاز سیاسی رہنماملک نعیم اصغر ,پریس کلب چکوال کے چیئرمین خواجہ بابر سلیم محمود, ڈی سی او چکوال جاوید محمود بھٹی , علمائے کرام ,مشائخ عظام , مقامی عمائدین , معتقدین اور مریدین کی کثیر تعداد اس موقع پر موجود تھی ملک تنویر اسلم نے وزیر اعظم پاکستان میاں نواز شریف کوبدنام کرنے کے لیئے جاری سازشوں کی شدید مذمت کرتے ہوئے کہا کہ اصل میں یہ وزیر اعظم نہیں بلکہ ملکی ترقی اور خوشحالی کے لیئے موجودہ حکومت کی طرف سے جاری پروگرامو ں کی مخالفت ہے ․ انہو ں نے کہا کہ موجودہ حکومت کے جاری ترقیاتی منصوبوں کی تکمیل سے عام آدمی کو روزگار , صحت , تعلیم , مواصلات سمیت تمام بنیادی سہولیات گھر کی دہلیز پر میسر ہوں گی ․ وزیر مواصلات نے مزید کہا کہ موجودہ حکومت کی ترقیاتی کاموں پر تنقید کرنے والے عام آدمی کی زندگی کی ترقی کے مخالف ہیں ․ انہوں علماء و مشائخ سے کہا کہ وہ وزیر اعظم پاکستان کی جلد از جلد صحتیابی کے لیئے خصوصی دعاکریں․ تاکہ وزیر اعظم پاکستان جلد از جلد صحتیاب ہو کر دوبارہ ملک کو قوم کی مزید تندہی سے خدمت کر سکیں سجادہ نشین درگاہ حضرت احمد علی شاہ راجہ مجاہد افسر نے سیمینار سے خطاب کرتے ہوئے وزیراعظم محمد نواز شریف کی تاجکستان میں حضرت شاہ ہمدان کے مزار پر حاضری کا خیر مقدم کرتے ہوئے کہا کہ اس مقبرے کی تعمیر اور پہلی انٹرنیشنل شاہ ہمدان کانفرنس کا انعقاد انجمن تاریخ وآثار شناسی کا کاررنامہ ہے ۔
(جاری ہے)
مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.