ہم نے بہترین اور عوام دوست بجٹ پیش کیا ہے ، رواں مالی سال میں معاشی ترقی کی شرح 4.7 فیصد ہے ، جون 2018ء تک ملکی نظام میں دس ہزار میگاواٹ بجلی شامل کی جائے گی، ملکی ترقی وخوشحالی کے لئے کوشاں ہیں اور ہر شعبے کی بہتری کیلئے موثر اقدامات کئے جارہے ہیں
وفاقی وزیر خزانہ سینیٹر محمد اسحاق ڈار کی نجی ٹی وی چینل سے بات چیت
جمعہ 3 جون 2016 23:13
اسلام آباد ۔ 3 جون(اُردو پوائنٹ اخبارتازہ ترین - اے پی پی۔03 جون۔2016ء) وفاقی وزیر خزانہ سینیٹر محمد اسحاق ڈار نے کہا ہے کہ ہم نے بہترین اور عوام دوست بجٹ پیش کیا ہے جس میں رواں مالی سال میں معاشی ترقی کی شرح 4.7 فیصد ہے جوگزشتہ آٹھ سال میں بلند ترین شرح ہے۔ جمعہ کو نجی ٹی وی چینل سے بات چیت کرتے ہوئے انہوں نے کہا کہ ہم نے کوشش کی ہے کہ جتنا بہتر بجٹ پیش کرنا ہے کریں اور عوام کو ریلیف دیں۔
ایک سوال کے جواب میں انہوں نے کہا کہ موجودہ حکومت کی موثر اور کارآمد پالیسیوں کی بدولت یہاں امن وامان کی صورتحال میں بہتری آئی ہے اس لئے بیرونی سرمایہ کاری کے لئے ملکی حالات بالکل سازگار ہیں اور یہ بات خوش آئند ہے کہ بیرونی سرمایہ کار یہاں سرمایہ کاری میں گہری دلچسپی بھی لے رہے ہیں۔(جاری ہے)
وفاقی وزیر نے کہا کہ ہمیں اپنے معاشی اہداف کی حفاظت کرنی چاہئے اور سیاست اور معیشت کو ساتھ لیکر چلنا چاہئے۔
اکنامک روڈ میپ بھی طے ہونا چاہئے اور اس روڈ میپ پر تمام پارٹیوں کو متفق بھی ہونا چاہئے۔ انہوں نے مزید کہا کہ ہمیں اپنے تمام معاملات مل بیٹھ کر حل کرنا چاہئیں اس لئے میں باربار اپوزیشن کو کہتا ہوں کہ ہمارے ساتھ بیٹھیں اور معاملات کے حل کیلئے بات کریں ۔ ایک سوال کے جواب میں انہوں نے کہا کہ توانائی کا شعبہ ہماری ترجیحات میں شامل ہے اور ہم پرعزم ہیں کہ جون 2018ء تک ملکی نظام میں دس ہزار میگاواٹ بجلی شامل کی جائے گی جی آئی ایس کے لئے مختص فنڈز بھی 115 ارب روپے کئے جائیں گے جبکہ آئندہ مالی سال میں ٹیلی فون کی سہولت کے لئے بھی 11 ارب روپے سے زائد خرچ کئے جائیں گے۔ ایک اور سوال کے جواب میں وفاقی وزیر خزانہ نے کہا کہ ملک میں زرعی شعبے کی بہتری کیلئے حالیہ بجٹ میں بہت کچھ رکھا گیا ہے تاکہ کسان خوشحال ہو، کھاد پر زراعانت کی مد میں 36 ارب روپے دیئے جائیں گے۔ یوریا کھاد کی فی بوری قیمت 2100 روپے تھی جسے کم کرکے 1400 روپے پر لیکر آئے ہیں۔ انہوں نے کہا کہ ہم اپنے کسان کو خوشحال دیکھنا چاہتے ہیں اور اگر ہمارا کسان خوشحال ہوگا تو یقینًا ہمارا ملک بھی خوشحال ہوگا اس لئے زرعی شعبے کی بہتری اور کسانوں کی خوشحالی کے لئے موثر اقدامات کئے جارہے ہیں اور ہم پرعزم ہیں کہ رواں مالی سال کے اپنے اہداف کے حصول میں ضرور کامیاب ہوجائیں گے۔ ہم ملکی ترقی وخوشحالی کے لئے کوشاں ہیں اور ہر شعبے کی بہتری کیلئے موثر اقدامات کئے جارہے ہیں۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.