نیو ٹی وی نے عمران خان کی سابقہ اہلیہ ریحام خان کو نوکری سے فارغ کر دیا

محمد علی جمعہ 10 جون 2016 00:37

لاہور(اُردو پوائنٹ اخبارتازہ ترین۔09 جون ۔2016ء) نیو ٹی وی کی جانب سے عمران خان کی سابقہ اہلیہ ریحام خان کو نوکری سے فارغ کر دیا گیا ہے۔ تفصیلات کے مطابق تحریک انصاف کے سربراہ عمران خان کی سابقہ اہلیہ ریحام خان کو بڑا دھچکا پہنچا ہے۔

(جاری ہے)

ریحام خان کو نجی ٹی وی چینل نیو ٹی وی کی جانب سے نوکری سے فارغ کر دیا گیا ہے۔ ریحام خان کو 6 ماہ قبل نیو ٹی وی کی جانب سے ملازمت دی گئی تھی۔ ریحام خان تبدیلی کے نام سے ایک ٹی وی شو کر رہی تھیں جس پر چینل کی انتطامیہ کی جانب سے بھاری سرمایہ لگایا گیا تھا۔ تاہم 6 ماہ گزرنے کے باوجود شو مطلوبہ ریٹنگز حاصل کرنے میں ناکام رہا جس کے باعث انتظامیہ نے ریحام خان کو نوکری سے فارغ کر دیا ہے۔