مون سون کی آمد اور ممکنہ سیلاب سے نمٹنے کیلئے متعلقہ محکموں اور اداروں کو متحرک کردار ادا کرنا ہے، شہباز شریف
سیکرٹری بلدیات کو اضلاع میں جا کر خود پیشگی انتظامات اور تیاریوں کا جائزہ لینے کی ہدایت
بدھ 15 جون 2016 23:12
لاہور ۔15جون (اُردو پوائنٹ اخبارتازہ ترین - اے پی پی۔15 جون ۔2016ء) وزیراعلیٰ پنجاب محمد شہباز شریف کی زیر صدارت یہاں اعلی سطح کا اجلاس منعقد ہوا -جس میں مون سون کی آمد اور ممکنہ سیلاب سے نمٹنے کے لئے پیشگی انتظامات اور تیاریوں کا جائزہ لیا گیا-وزیر اعلی نے اجلاس سے خطاب کرتے ہوئے کہا کہ مون سون کی آمد اور ممکنہ سیلاب سے نمٹنے کے لئے متعلقہ محکموں اور اداروں کو متحرک اور فعال کردار ادا کرنا ہے - متعلقہ محکمے اور ادارے پیشگی احتیاطی اقدامات اور ضروری انتظامات مکمل رکھیں -ڈرینوں اور سیور لائنوں کی صفائی کا کام وقت سے پہلے مکمل ہونا چاہیے - وزیر اعلی نے ڈرینوں اور سیور لائنوں کی صفائی کے کام کا تھرڈ پارٹی آڈٹ کرانے کی ہدایت کرتے ہوئے کہا کہ محکمے اور ادارے موجودہیں اور ان کی بنیادی ذمہ داریاں بھی ہیں - محکموں اور اداروں کو اب کام کر کے دکھانا ہوگا اور نتائج دینا ہوں گے- انہوں نے کہا کہ واسا کے آلات اور مشینری کا تھرڈپارٹی آڈٹ کر کے رپورٹ پیش کی جائے - وزیر اعلی نے سیکرٹری ہاؤسنگ کو ہدایت کی کہ وہ خود سائٹ پر جا کر وزٹ کریں اور صورتحال کا جائزہ لیں - انہوں نے کہا کہ اورنج لائن میٹروٹرین کے روٹ پر پانی کے نکاس کا الگ سے خصوصی انتظام کیا جائے- محکمہ بلدیات کے پاس موجود آلات و مشینری کا تھرڈ پارٹی آڈٹ کرایا جائے -مون سون کی آمد اور ممکنہ سیلاب کے تناظر میں متعلقہ مشینری اور آلات ہر قیمت پر چالوں حالت میں ہونے چاہیں-وزیر اعلی نے ہدایت کی کہ سیکرٹری بلدیات اضلاع میں جا کر خود پیشگی انتظامات اور تیاریوں کا جائزہ لیں-انہوں نے کہا کہ کسی بھی ناگہانی صورت میں محکمہ صحت کے پاس ضروری ادویات اور ساز و سامان موجود ہونا چاہیے - سانپ کے ڈسنے سے متعلقہ دوائی اضلاع میں وافر مقدار میں دستیاب ہونی چاہیے -انہوں نے کہا کہ انتظامات اور تیاریوں کی موثر مانیٹرنگ انتہائی ضروری ہے - اجلاس کے دوران متعلقہ محکموں کے سیکرٹریز نے پیشگی انتظامات کے بارے میں بریفنگ دی-صوبائی وزراء رانا مشہود احمد، یاور زمان ، بلال یاسین ، محمد شفیق ، تنویر اسلم ملک ، خواجہ احمد حسان ، ایم پی اے چوہدری شہباز احمد، چیف سیکرٹری اور متعلقہ محکموں کے سیکرٹریز صاحبان نے اجلاس میں شرکت کی جبکہ مشیر صحت خواجہ سلمان رفیق ویڈیولنک کے ذریعے اجلاس میں شریک ہوئے۔
متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.