وزیر اعلی شہباز شریف سے سپریم کورٹ بار ایسوسی ایشن کے صدر سید علی ظفر کی قیادت میں وفد کی ملاقات
جمعہ 17 جون 2016 23:09
لاہور(اُردو پوائنٹ اخبارتازہ ترین - آئی این پی۔17 جون ۔2016ء) وزیراعلیٰ پنجاب محمد شہباز شریف سے آج یہاں سپریم کورٹ بار ایسوسی ایشن کے صدر سید علی ظفر کی قیادت میں وفد نے ملاقات کی-سپریم کورٹ بار ایسوسی ایشن کے صدر اور سیکرٹری نے ایسوسی ایشن کی جانب سے وزیر اعلی شہباز شریف کو وزیر اعظم محمد نواز شریف کے کامیاب آپریشن کے بعد صحت یابی پر مبارکباد دی-وزیر اعلی محمد شہباز شریف نے سپریم کورٹ بار ایسوسی ایشن کے وفد سے گفتگو کرتے ہوئے کہا کہ قانون اور انصاف کی عملداری یقینی بنانے کے لئے وکلاء برادری کا کردار کلیدی حیثیت رکھتا ہے اورعام آدمی کو انصاف کی فراہمی کے لئے بھی وکلاء برادری کو موثر کردارادا کرنا ہے - انہوں نے کہا کہ سپریم کورٹ بار ایسوسی ایشن کی جانب سے مجوزہ قانونی اصلاحات کے حوالے سے اقدامات حوصلہ افزاء ہیں- وزیر اعلی نے سپریم کورٹ بار ایسوسی ایشن کو وکلاء برادری کی فلاح و بہبودکے لئے 10 کروڑ روپے کی گرانٹ دینے کا اعلان کرتے ہوئے کہا کہ وکلاء برادری کی فلاح و بہبود کے لئے ہر ممکن اقدام کریں گے - ہاؤسنگ سوسائٹی کے قیام کے حوالے سے بھی وفاقی حکومت سے بات کروں گا جبکہ ہسپتالوں میں وکلاء برادری کو طبی سہولتوں کی فراہمی یقینی بنائی جائے گی اور اس ضمن میں اعلان کردہ فیصلے پر عملدرآمد کرائیں گے - انہوں نے کہا کہ بدقسمتی سے آج عام آدمی کے لئے انصاف کا حصول ناممکن ہو چکا ہے -نظام میں موجود خامیوں اور کمزوریوں کو دور کرنے کی اشد ضرورت ہے - انہوں نے کہا کہ معاشی و سماجی انصاف کسی بھی معاشرے کی ترقی کے لئے ضروری ہے - افسوس کی بات ہے کہ سیاسی حکومتیں ہوں یا فوجی کسی نے انصاف کی فراہمی کے نظام کوبہتر کرنے پر توجہ نہیں دی-انہوں نے کہا کہ 69 سال سے کرپشن اور لوٹ مار کا بازار گرم رہا ہے -پاکستان کو آگے لیکر جانا تو قانون و انصاف کی عملداری یقینی بنانی ہو گی -پاکستان اس لئے نہیں بنا تھا کہ یہاں پر لوٹ مار ہواور عام آدمی کو انصاف نہ ملے -عام آدمی کو انصاف دلانے کے لئے وکلاء برادری کو اپنا بھرپور کردار ادا کرنا ہو گا -انہوں نے کہا کہ کفر پر مبنی معاشرہ تو قائم رہ سکتا ہے لیکن نا انصافی پر مبنی معاشرہ قائم نہیں رہ سکتا-وزیر اعلی نے کہا کہ چین کی حکومت نے 46 ارب ڈالر کا تاریخی سرمایہ کاری پیکیج دے کر پاکستان پر احسان عظیم کیا ہے - دشمن کو چائنہ پاکستان اکنامک کوریڈور سے بہت تکلیف ہے لیکن ہم نے مل کر سی پیک کو آگے بڑھانا ہے - اورنج لائن میٹروٹرین کے منصوبے کا تذکرہ کرتے ہوئے کہا کہ اس منصوبے کے باعث کوئی تاریخی ورثہ یا عمارت متاثر نہیں ہو رہی -سپریم کورٹ بار ایسوسی ایشن کے صدر سید علی ظفر نے کہا کہ وزیر اعلی شہباز شریف نے اینٹوں کے بھٹوں سے چائلڈ لیبر کے خاتمے کے لئے لائق تحسین اقدامات کئے ہیں اوررمضان بازاروں سے بھی عام آدمی کو ریلیف مل رہا ہے - اٹارٹی جنرل آف پاکستان اشتر اوصاف ، صوبائی وزیر رانا مشہود احمد، ایڈوکیٹ جنرل پنجاب شکیل الرحمن، ایڈیشنل اٹارنی جنرل آف پاکستان نصیر بھٹہ ، خواجہ احمد حسان اور اعلی حکام کے علاوہ سپریم کورٹ بار ایسوسی ایشن کے عہدیداران بھی اس موقع پر موجود تھے-
متعلقہ عنوان :
مزید اہم خبریں
-
قومی اسمبلی میں قائد حزب اختلاف کی تقرری معاملہ،حکومت اور سنی اتحاد کونسل میں تنازعہ حل نہیں ہو سکا
-
ای روزگار ٹریننگ پروگرام کے نئے مرحلے کیلئے پنجاب بھر سے 17 ہزار سے زائد درخواستیں موصول
-
ماسکو مشرقی یورپ میں امریکی اتحادی ریاستوں کے ساتھ تصادم کا خواہاں نہیں ہے. روسی صدر
-
اروند کیجریوال کی گرفتاری پر امریکا کی جانب سے اظہار تشویش کرنے پر بھارت نے امریکی سفارت کار کو طلب کرلیا
-
خطے کے 9 ممالک کے ساتھ پاکستان کا تجارتی خسارہ 10 اعشاریہ98 فیصد بڑھ گیا
-
وفاقی وزیرداخلہ محسن نقوی پشاور پہنچ گئے، امن و امان اور سکیورٹی کی صورتحال کا جائزہ لیں گے
-
سپریم کورٹ نے فوجی عدالتوں کو محفوظ شدہ فیصلے سنانے کی مشروط اجازت دیدی
-
نیپرا نے بجلی کی فی یونٹ قیمت4روپے99پیسے بڑھانے پر فیصلہ محفوظ کر لیا
-
عمران ریاض، سمیع ابراہیم سمیت 24 افراد کے نام ای سی ایل میں شامل کرنے کی منظوری
-
قرآن نذر آتش کرنے والا عراقی سویڈن کے رویے سے مایوس
-
وزیرمملکت برائے آئی ٹی شزہ فاطمہ خواجہ سے پاکستان سافٹویئر ہاوسز ایسوسی ایشن کے اعلی سطح وفد کی ملاقات
-
سپریم کورٹ نے فوجی عدالتوں کو محفوظ شدہ فیصلے سنانے کی مشروط اجازت دیدی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.