ہائیکورٹ کاکسانوں کی ادائیگیاں نہ کرنے پر برادر شوگر مل کو سیل کرنیکا حکم ،آئی جی کو شوگر کین کمشنر کی معاونت کی ہدایت
فاضل عدالت نے ادائیگیاں نہ کرنیوالی دیگر شوگر ملوں کے بی او ڈی کو بھی رقم کی فراہمی کا شیڈول لے کر 27 جون کو عدالت طلب کر لیا کسانوں کی زندگی انہی پیسوں پر چلتی ہے ،کسی کو کسانوں کی سانسیں بند کرنے کی اجازت نہیں دی جا سکتی‘ جسٹس سید منصور علی شاہ کے ریمارکس
جمعہ 24 جون 2016 23:17
لاہور(اُردو پوائنٹ اخبارتازہ ترین - آئی این پی۔24 جون ۔2016ء)لاہور ہائیکورٹ نے کسانوں کی ادائیگیاں نہ کرنے پر برادر شوگر مل کو سیل کرنے کا حکم دیتے ہوئے آئی جی پنجاب کو شوگر کین کمشنر کی معاونت کرنے کی ہدایت کرتے ہوئے ادائیگیاں نہ کرنے والی دیگر شوگر ملوں کے بورڈ آف ڈائریکٹرز کو بھی کسانوں کو رقم کی فراہمی کا شیڈول لے کر 27 جون کو عدالت طلب کر لیا جبکہ فاضل عدالت نے ریمارکس دئیے ہیں کہ کسانوں کی زندگی انہی پیسوں پر چلتی ہے ،کسی کو کسانوں کی سانسیں بند کرنے کی اجازت نہیں دی جا سکتی۔
جمعرات کے روز لاہور ہائیکورٹ کے جسٹس سید منصور علی شاہ نے کیس کی سماعت کی۔درخواست گزار کسانوں کے وکلاء نے موقف اپنایا کہ نجی شوگر ملوں نے کسانوں کی جانب سے گنا فراہم کرنے کے باوجود82 کروڑ روپے کی ادائیگیاں نہیں کیں جس سے انہیں نئے سیزن کی کاشت میں مشکلات کا سامنا ہے۔(جاری ہے)
سماعت کے دوران فاضل عدالت نے کین کمشنر سے استفسار کیا کہ عدالتی حکم کے باوجود بینکوں کے پاس شوگر ملوں کی گروی رکھی گئی چینی بیچ کر کسانوں کو پیسوں کی ادائیگی کیوں نہیں کی گئی؟جس پر کین کمشنر نے موقف اپنایا کہ شوگر ملوں اور بینکوں کے درمیان لین دین کی بناء پر وہ مداخلت نہیں کر سکتے۔
فاضل عدالت نے ریمارکس دئیے کہ عدالت کو بینکوں اور شوگر ملوں کے درمیان طے پانے والے معاملے سے کوئی سروکار نہیں۔یہ قبول نہیں کہ کسانوں کے82 کروڑ روپے کی ادائیگی نہ کی جائے ،کسی کو بھی کسانوں کے پیسوں کو اس طرح ہضم کرنے کی اجازت نہیں دی جا سکتی۔فاضل عدالت نے عدالتی احکامات کی خلاف ورزی پربرادر شوگرمل کو سیل کرنے کا حکم دیتے ہوئے آئی جی پنجاب کو شوگر کین کمشنر کی معاونت کرنے کی ہدایت کردی۔ فاضل عدالت نے ادائیگی نہ کرنے والی دیگر شوگر ملوں کے بورڈ آف ڈائریکٹرز کو بھی کسانوں کو رقم کی فراہمی کا شیڈول لے کر 27 جون کو عدالت میں طلب کر لیا۔یاد رہے کہ برادر شوگر ملز شریف برادران کے قریبی عزیزوں کی فیکٹری ہے۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.