روزے 29ہونگے،عید کا چاند 5جولائی کو نظر آنے کا قوی امکان ہے، محکمہ موسمیات کی پیشنگوئی

جمعرات 30 جون 2016 23:10

کراچی(اُردو پوائنٹ اخبارتازہ ترین - آئی این پی۔30 جون ۔2016ء) محکمہ موسمیات نے پیشنگوئی کی ہے کہ اس بار روزے 29ہونے اور عید کا چاند 5 جولائی کا نظرآنے کا قوی امکان ہے۔جمعرات کو ایک نجی ٹی وی کے مطابق محکمہ موسمیات کا کہنا ہے کہ شوال کا چاند 4 جولائی کی صبح 4 بجے پیدا ہوجائے گا ۔5 جولائی کی شام اس کی عمر 27 گھنٹے 51 منٹ ہوگی۔

(جاری ہے)

مطلع صاف ہونے کی صورت میں کراچی سمیت سندھ اور بلوچستان کے ساحلی علاقوں میں عوام کسی دوربین کے بغیر بھی چاند دیکھ سکیں گے۔محکمہ موسمیات کے ذرائع کے مطابق 29 ویں روزے کو کراچی میں غروب آفتاب کے بعد عید کا چاند 44 منٹ تک دیکھا جاسکے گا اس کے علاوہ پسنی اور حیوانی میں سورج غروب ہونے کے بعد بھی 18 منٹ تک چاند کو دیکھا جاسکے گا۔

متعلقہ عنوان :