ہیلری کلنٹن کو امریکہ کے اگلے صدر کے طور پر منتخب ہونے میں مدد دینے کا خواہاں ہوں:صدراوباما
میاں محمد ندیم بدھ 6 جولائی 2016 15:44
واشنگٹن (اردو پوائنٹ اخبارتازہ ترین-انٹرنیشنل پریس ایجنسی۔6جولائی۔2016ء) صدر براک اوباما نے ریاست نارتھ کیرولینا کے شہر شارلے میں ڈیمو کریٹک پارٹی کی متوقع صدارتی امیدوار ہیلری کلنٹن کی حمایت میں انتخابی مہم کی ایک ریلی سے خطاب کیا، جس میں انھوں نے ووٹروں سے کہا کہ وہ ہیلری کلنٹن کو امریکہ کے اگلے صدر کے طور پر منتخب ہونے میں مدد دینے کے خواہاں ہیں۔
اوباما نے یاد دلایا کہ8 برس قبل صدارتی مہم کے دوران ڈیموکریٹک پارٹی کی پرائمریز کی سطح پر دونوں نے ایک دوسرے کے خلاف انتخابی مہم چلائی تھی۔صدر نے کہا کہ 2008 میں اس صدارتی مہم کے دوران انھوں نے کلنٹن کی تیاری، سمجھ بوجھ اور قوتِ برداشت کا مظاہرہ دیکھا تھا جس کے باعث وہ خود مزید تیاری کر کے میدان میں اترتے تھے۔(جاری ہے)
انھوں نے کہا کہ وہ اور ہیلری کلنٹن امریکہ کے بارے میں مشترکہ نصب العین کے حامی ہیں اور ایسے میں جب قوم اعتماد اور پیش رفت دکھا رہی ہے مستقبل کے بارے میں دونوں کی سوچ مزید پختہ ہو گئی ہے۔
امریکی وزیر خارجہ کے طور پر، صدر نے کلنٹن کے ریکارڈ کو سراہتے ہوئے کہا کہ ملک کی اعلیٰ ترین سفارت کار کی حیثیت سے انھوں نے عمدہ کام کیا۔ ساتھ ہی صدر نے کہا کہ وہ ایک طویل عرصے سے عام آدمی کے لیے قابلِ قبول صحت عامہ کی سہولت اور وہ شروع سے عام امریکی خاندان کی اعانت کی پالیسیوں کی حامی رہی ہیں۔اپنے خطاب میں ہیلری کلنٹن نے نمایاں خدمات کی انجام دہی پر صدر اوباما کو سلام پیش کیا۔ کیرولینا میں ریلی کے خطاب کے دوران شرکا کی دلچسپی اور ولولہ نمایاں تھا۔ کلنٹن نے کہا کہ ہم دونوں اِس بات پر متفق ہیں کہ امریکہ کا مستقبل درخشاں ہے۔انھوں نے اپنے خطاب میں اپنی پالیسی ترجیحات کا تفصیلی ذکر کیا تاکہ ’وال اسٹریٹ’ کے امیر ادارے ٹیکس کی ادائیگی کو بہتر بنائیں، ان کمپنیوں پر جرمانے عائد ہوں گے جو روزگار کے مواقع بیرون ملک منتقل کریں گی، ان اداروں کو بہتر منافع دیا جائے گا جو امریکی کارکنان کو روزگار فراہم کرتے ہیں اور یونیورسٹی کی تعلیم کے دوران امریکی طالب علموں کے ذمے بڑے قرضوں کو کم یا ختم کرنے کا اہتمام کیا جائے گا۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.