بلاول بھٹو زرداری کی جانب سے ارسون کے سیلاب متاثرین میں امدادی سامان تقسیم
اتوار 17 جولائی 2016 23:44
چترال(اُردو پوائنٹ اخبارتازہ ترین - آئی این پی۔17جولائی۔2016ء) پاکستان پیپلز پارٹی کے چیئرمین بلاول بھٹو زرداری کی جانب سے ارسون کے سیلاب متاثرین میں امدادی سامان تقسیم کی گئی۔اس سلسلے میں ارسون کے مقام پر ایک تقریب بھی منعقد ہوئی۔ رکن صوبائی اسمبلی اور سابق صوبائی وزیر سلیم خان اس موقع پر مہمان حصوصی تھے۔تقریب سے خطاب کرتے ہوئے مقررین نے کہا کہ اس وادی میں ابھی تک نہ تو سڑک ہے نہ سکول یا کالج اور پوری بستی صحت کی سہولت سے بھی محروم ہیں۔
اس وادی میں بنیادی مرکز صحت تک نہیں ہے۔ انہوں نے کہا کہ دو جولائی کو جو تباہ کن سیلاب آیا تھا اس نے اس وادی کی اینٹ سے اینٹ بجادی۔ کھڑی فصلیں تباہ ہوئی۔ سڑکیں ویراں ہوئی۔ پینی کی پانی کی پائپ لاین اور آبپاشی کی نہریں بھی سیلاب کی وجہ سے حتم ہوئی۔(جاری ہے)
انہوں نے کہا کہ دو ہفتے گزر گئے مگر ابھی تک اس تباہ شدہ وادی کی سڑکیں بحال ہوئی نہ دیگر انفراسٹرکچر۔
انہوں نے کہا کہ اس وادی کی خواتین دور دراز علاقوں سے مٹکوں میں سروں پر پینے کی پانی لانے پر مجبور ہیں جبکہ ندی کی پانی پینے سے متعدد بیماریاں پھیلتی ہیں۔تقریب سے خطاب کرتے ہوئے رکن صوبائی اسمبلی نے کہا کہ وہ ان کی مسائل حل کرنے میں کوئی دقیقہ فروگزاشت نہیں کرے گا اور جتنا اس سے ہوسکے ان کیلئے ہر قربانی دینے کو تیار ہیں۔سلیم خان نے اس موقع پر عوام کے مطالبہ پر جنویش میں ایک پرائمری سکول، ارسون کی لنک روڈ کی مرمت کیلئے دس لاکھ روپے، مسجد پیتا سون کی بحالی اور تعمیر نو کیلئے پانچ لاکھ روپے، پیتا سون کی مدرسہ کی بحالی اور دوبارہ تعمیر کیلئے پانچ لاکھ روپے اور بجلی بحال کرنے کیلئے ٹرانسفارمر فراہم کرنے کا اعلان کیا۔انہوں نے یقین دہانی کی کہ وہ اسمبلی کے فلور پر بھی اس علاقے کے مسائل کو اٹھائیں گے انہوں نے کہا کہ پچھلے سال بھی سیلاب اور زلزلہ نے چترال کو تباہ کیا تھا مگر صوبائی حکومت نے ان کو کچھ بھی نہیں دیا نہایت رقم ریلیز ہوئی جو اونٹ کے منہ میں زیرہ کے برابر ہے۔بعد میں انہوں نے پی پی پی کی چئیرمین بلاول زردار ی کی جانب سے متاثرین میں پچاس حیمے، سو کمبل، 150 وکی رضائیاں تقسیم کی جن پر متاثرین نے ان کا شکریہ ادا کیا کہ مصیبت کے اس گھڑی نے بلاول بھٹو زرداری نے بھی ان کو یاد کیا۔اس تقریب میں کثیر تعداد میں لوگوں نے شرکت کی۔ تاہم چند متاثرین نے شکایت کی کہ اب تک جو امداد ہوا ہے وہ ناکافی ہے اور حکومت کو چاہئے کہ اس وادی میں زندگی کو معمول پر لانے کیلئے تباہ شدہ انفراسٹرکچر کو فوری بحال کرے۔متعلقہ عنوان :
مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.