بلوچستان خوشحالی کی راہ پر گامزن ہے، چائنہ پاکستان اکنامک کوریڈور کے منصوبوں کی تکمیل پر صوبہ میں معاشی و سماجی ترقی کے ایک نئے دور کا آغاز ہو گا، شرپسندوں سے سختی سے نمٹا جائے گا، بلوچستان میں امن و ترقی کیلئے کوئی کسر نہیں چھوڑی جائے گی،صدر ممنون حسین کی گورنر بلوچستان محمد خان اچکزئی اور وزیراعلیٰ نواب ثناء اﷲ زہری کے ساتھ ملاقات میں گفتگو
جمعرات 4 اگست 2016 23:03
کوئٹہ(اُردو پوائنٹ اخبارتازہ ترین - آئی این پی۔4 اگست ۔2016ء) صدر مملکت ممنون حسین نے کہا ہے کہ بلوچستان خوشحالی کی راہ پر گامزن ہے اور چائنہ پاکستان اکنامک کوریڈور کے منصوبوں کی تکمیل پر صوبہ میں معاشی و سماجی ترقی کے ایک نئے دور کا آغاز ہو گا۔ جمعرات کو یہاں گورنر ہاؤس میں گورنر بلوچستان محمد خان اچکزئی اور وزیراعلیٰ نواب ثناء اﷲ زہری کے ساتھ ملاقات میں گفتگو کرتے ہوئے صدر نے بلوچستان میں امن و امان کی بہتر صورتحال پر اطمینان کا اظہار کیا اور کہا کہ شرپسندوں سے سختی سے نمٹا جائے گا۔
انہوں نے کہا کہ بلوچستان میں امن و ترقی کیلئے کوئی کسر نہیں چھوڑی جائے گی۔ انہوں نے کہا کہ چائنہ پاکستان اکنامک کوریڈور پراجیکٹس، گوادر میں گہرے سمندر کی بندرگاہ کی اپ گریڈیشن، گوادر پورٹ ایکسپریس وے اور گوادر انٹرنیشنل ایئرپورٹ صوبہ میں معاشی ترقی کو یقینی بنائے گا اور ان سے روزگار کے زبردست مواقع پیدا ہوں گے۔(جاری ہے)
صدر مملکت نے کہا کہ حکومت نے بلوچستان کو دیگر صوبوں کے برابر لانے کیلئے صوبہ میں جاری تمام ترقیاتی منصوبوں کی بروقت تکمیل کا عزم کر رکھا ہے۔
صدر نے صوبہ کے عوام کی خدمت کیلئے صوبائی حکومت کے کردار کو سراہا اور کہا کہ ترقیاتی منصوبوں کی شفافیت اور ان کے اعلیٰ معیار کو یقینی بنانے کیلئے ڈویلپمنٹ پراجیکٹس کی مسلسل مانیٹرنگ کی جائے۔ انہوں نے کہا کہ جاری منصوبوں کیلئے ہر قیمت پر شفافیت اور اعلیٰ معیار کو یقینی بنایا جانا چاہئے۔ گورنر اور وزیراعلیٰ بلوچستان نے بلوچستان کی ترقی میں گہری دلچسپی لینے پر صدر سے اظہار تشکر کیا اور انہیں صوبہ بھر کے ترقیاتی منصوبوں کی مجموعی صورتحال اور ان پر عملدرآمد کے بارے میں آگاہ کیا۔ انھوں نے صوبہ کی ترقی کو یقینی بنانے کیلئے وفاقی حکومت کے تعاون اور تمام سہولیات کی فراہمی پر اظہار تشکر کیا۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.