خیبر پختونخوا اور چائنہ کمیونیکشن اینڈکنسٹرکشن کمپنی لمیٹڈ کا1.6بلین ڈالر مالیت کے سرکولر ریلوے پراجیکٹ پر اتفاق
پشاور،نوشہرہ،مردان اور چارسدہ کے مابین ریلوے سروس چلائی جائے گی ،مستقبل میں اس کو صوابی تک توسیع دی جائیگی، ملک شاہ محمدوزیر
محمد علی جمعرات 4 اگست 2016 23:53
پشاور(اُردو پوائنٹ اخبارتازہ ترین۔4 اگست ۔2016ء) حکومت خیبر پختونخوا اور چائنہ کمیونیکشن اینڈکنسٹرکشن کمپنی لمیٹڈ نے1.6بلین ڈالر مالیت کے سرکولر ریلوے پراجیکٹ پر اتفاق کیا ہے جس کے تحت پشاور،نوشہرہ،مردان اور چارسدہ کے مابین ریلوے سروس چلائی جائے گی اور مستقبل میں اس کو صوابی تک توسیع دی جائے گی جبکہ پشاور سے اسلام آباد تک بھی ایک تیزرفتارسروس چلانے کی گنجائش موجود ہے یہ اتفاق رائے چیف منسٹر سیکرٹریٹ پشاورمیں طے پایا ۔
چائنہ کمیونکیشن اینڈکنسٹرکشن کمپنی لمٹیڈ،چین کی ایک سرکاری بڑی کنسٹرکشن کمپنی ہے جس کو ریل کمیونیکیشن اور انفرا سٹرکچر ڈیویلپمنٹ میں وسیع تجربہ حاصل ہے اور اس نے چین اور دنیاکے دیگر ممالک میں بڑے بڑے پراجیکٹ مکمل کئے ہیں ۔یہ چین کی اربوں ڈالرکی سرکاری کمپنی ہے۔(جاری ہے)
اس سلسلے میں خیبر پختونخوا میں بین الاضلاعی سرکولر ریلوے پراجیکٹ سے متعلق حکومت خیبر پختونخوا اور چائنہ کمیونیکیشن اینڈ کنسٹرکشن کمپنی لمٹیڈکے مابین مفاہمت کی ایک یاداشت(MOU) پر دستخط کئے گئے۔
وزیر اعلیٰ کے معاون خصوصی برائے ٹرانسپورٹ ملک شاہ محمدوزیر اور چائنہ کمیونیکیشن اینڈ کنسٹرکشن کارپوریشن لمٹیڈکے کنٹری ڈائریکٹر مسٹروائنگ ایگژاؤپنگ نے چیف منسٹر سیکرٹریٹ پشاور میں منعقدہ تقریب میں ایم او یو پرباضابطہ دستخط کئے۔ وزیراعلیٰ کے معاون خصوصی برائے قانون عارف یوسف،چیئرمین اکنامک زونزڈیویلپمنٹ مینجمنٹ کمپنی خیبر پختونخوا غلام دستگیر، محسن سید اور دیگر متعلقہ افسران بھی اس موقع پر موجود تھے۔ مفاہمت کے مطابق چائنہ کمیونیکیشن اینڈکنسٹرکشن کمپنی لمیٹڈ ،ڈیزائن اور تخمینہ لاگت سمیت ایک امکاناتی تجزیاتی رپورٹ تیار کرنے کے ساتھ ساتھ مذکورہ پراجیکٹ کو عملی جامہ پہنانے کے لئے صوبائی حکومت کو تکنیکی اور مالیاتی تجاویز بھی دے گی۔وہ زمینی تحقیق اور سروے کیلئے صوبائی حکومت کو مخصوص تکنیکی معاونت بھی فراہم کرے گی جبکہ حکومت خیبر پختونخوا اس سلسلے میں اجازت وغیرہ کیلئے تمام پرمٹس،اراضی کے حقوق یا دیگر ضروری اجازت نامے حاصل کرنے کی ذمہ دار ہوگی تاکہ کمپنی فزیبلٹی کے کام کو مکمل کر سکے۔صوبائی حکومت پراجیکٹ کے سلسلے میں متعلقہ دستیاب مقامی فنی معلومات اور دیگر ضروری دستیاب دستاویزات کی فراہمی کیلئے بھی کمپنی کو سہولت فراہم کرے گی تاکہ کمپنی اپنی ذمہ داریاں اور فرائض اداکر سکے۔مفاہمت کی یاداشت (MOU)کے مطابق ہر فریق اپنے فرائض اور ذمہ داریوں کی ادائیگی کے لئے اخراجات اور اپنے حصے کی ذمہ داریوں کے لئے ذمہ دار ہوگا ۔اس پراجیکٹ کے لئے مالیاتی ماڈل پر، پراجیکٹ کے آغاز سے پہلے ایک معاہدے کے ذریعے اتفاق کیا جائے گاجس پر دستخط تمام قانونی اور قوائد و ضوابط کی کارروائیاں پوری کرنے کے بعد کئے جائیں گے۔مذکورہ ٹرین کی رفتار 220کلو میٹر فی گھنٹہ ہوگی اور یہ شہری زندگی میں ٹرانسپورٹ کے معمولات کو منظم کرنے کا حصہ ہے اور یہ صوبے کے بڑے شہروں کو مربوط بنانے کیلئے ماس ٹرانزٹ کی جانب ، صوبائی حکومت کا ایک اہم اقدام ہے جبکہ پراجیکٹ میں مستقبل میں مزیدعلاقوں اور تجارتی مراکزاور صنعتی زونز تک توسیع دینے کے لئے گنجائش ہوگی اور یہ وہ پراجیکٹ ہے جس سے آمدو رفت کے مسائل حل ہونے کیساتھ ساتھ روزگار کے مواقع بھی پیدا ہوں گے جس سے صوبے بھر کی اقتصادی بحالی و ترقی میں بھی بے حد مدد ا ور معاونت ملے گی۔مزید اہم خبریں
-
قومی و صوبائی اسمبلیوں کی 22 نشستوں پر ضمنی انتخابات کے لیے تیاریاں مکمل‘پولنگ کل ہوگی
-
حیدر آباد،گرلز کالج معذورملازمہ کی مبینہ خود کشی ، مرنے سے پہلے خط میں تفصیلات بتا دیں
-
امریکا میں پاکستانی نژاد شہریوں کی تعدادچار لاکھ جبکہ بھارتی نژاد امریکیوں کی 28لاکھ ہے. امریکی مردم شماری بیورو
-
عدالتی حکم پر بشریٰ بی بی کا نجی ہسپتال سے میڈیکل چیک اپ کروا دیا گیا
-
برطانیہ اور یورپی یونین کو ادویات کی شدید قلت کا سامنا، رپورٹ
-
پاکستان اور چین کے درمیان معاشی اور ثقافتی تعلقات تیزی سے فروغ پا رہے ہیں ،وزیرِ اعظم شہباز شریف کا چینی زبان کے عالمی دن پر پیغام
-
محکمہ صحت خیبرپختونخواہ نے بشریٰ بی بی کے طبی معائنے کیلئے اجاز ت مانگ لی
-
امریکہ نے پاکستان کے بیلسٹک میزائل پروگرام میں معاونت کے الزام میں چار بین الاقوامی کمپنیوں پر پابندیوں کا اعلان کردیا
-
آئی ایم ایف نے 6 سے 8 ارب ڈالر نئے بیل آؤٹ پیکج کی درخواست منظور کرلی
-
پاکستان نے آئی ایم ایف سے اگلے بیل آﺅٹ پیکج کیلئے باضابطہ درخواست کر دی
-
آئی ایم ایف بورڈ کا 29 اپریل تک کا شیڈول جاری، پاکستان ایجنڈے میں شامل نہیں
-
21 اپریل کو آنے والا رزلٹ عمران خان اور شاہ محمودقریشی کی رہائی کا آرڈر ہو گا،زین قریشی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.