کوئٹہ بم دھماکہ پاکستان دشمن ممالک کی ایجنسیوں کا شاخسانہ ہے ،سید قائم علی شاہ
کوئٹہ میں سول اسپتال میں وکلا برادری کو ٹارگٹ کرنے کا عمل کوئی معمولی بات نہیں ہے،سابق وزیراعلیٰ سندھ
پیر 8 اگست 2016 18:49
کراچی(اُردو پوائنٹ اخبارتازہ ترین - این این آئی۔8 اگست ۔2016ء) پاکستان پیپلز پارٹی کے بانی رکن، سینئر سیاستدان اور سابق وزیراعلیٰ سندھ سید قائم علی شاہ جیلانی نے کوئٹہ میں دل لرزہ دینے والی دہشت گرد کارروائی کی شدید مذمت کرتے ہوئے اسے پاکستان دشمن ممالک کی ایجنسیوں کا شاخسانہ قرار دیا ہے اور دہشت گردوں کی شدید مذمت کرتے ہوئے کہا ہے کہ وہ نہ تو مسلمان کہلانے کے مستحق ہیں اور نہ ہی انسان بلکہ وہ درنگی اور سفاکیت کی ایسی مکرہ شکل ہیں جسے کوئی بھی اس زمین پر نہیں دیکھنا چاہتا۔
کوئٹہ میں سول اسپتال میں وکلا برادری کو ٹارگٹ کرنے کا عمل کوئی معمولی بات نہیں ہے کیونکہ وکلا برادری نہ صرف انصاف کی بالادستی بلکہ انسان دوستی، جمہوریت اور قانون کی بالادستی کی ہر تحریک میں سب سے آگے رہی ہے۔(جاری ہے)
وکلا برادری کو خصوصیت کے ساتھ ٹارگٹ کرنے کے پیچھے دہشت گردوں کے سرپرستوں اور منصوبہ سازوں کے کیا مقاصد ہیں اسے بے نقاب کرنے کیلئے معاشرے کے ہر طبقہ بالخصوص سیاستدانوں، سول اور ملٹری انٹیلی جنس اداروں کو بڑی مہارت سے قوم کے سامنے لانا ہوگا۔
انہوں نے کہا کہ کوئٹہ دہشت گردی کے واقعہ کو جسٹس سجاد علی شاہ کے فرزند کے اغوا سے ملا کر دیکھنے کی بھی ضرورت ہے کیونکہ ان کے اغوا کا بظاہر مقصد یہی سامنے آیا تھا کہ دہشت گرد عدلیہ کو اپنی مرضی کے فیصلے سنانے پر مجبور کرنا چاہتے تھے اور اب وکلا برادری کو ٹارگٹ کیا گیا ہے۔ انہوں نے کہا کہ دہشت گردی کے اس ہولناک واقعہ نے پوری قوم کو ایک مرتبہ پھر اضطراب میں مبتلا کر دیا ہے لیکن بطور ایک سیاستدان وہ سمجھتے ہیں کہ دہشت گرد اس بار بھی ناکام رہے ہیں کیونکہ نہ صرف وکلا برادری کے حوصلے بلند ہیں بلکہ سول سوسائٹی بھی وکلا کے ساتھ متحد ہے۔ انہوں نے کہا کہ انہیں کوئٹہ واقع میں جاں بحق ہونے والے اور زخمی ہونے والے ایک ایک شخص سے دلی ہمدردی ہے اور پاکستان پیپلز پارٹی کے کارکن کی حیثیت سے وہ ان دکھی خاندان کے جذبات بخوبی سمجھ سکتے ہیں ۔ آخر میں انہوں نے مقامی چینلز کے دو کیمرہ مینوں کی شہادت پربھی افسوس کااظہار کیااور دعا کی کہ اﷲ تعالیٰ تمام مرحومین کو اپنے جوار رحمت میں جگہ اور سوگوار خاندانوں کو صبر جمیل عطا فرمائے۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.