جماعۃالدعوۃ کے زیر اہتمام کل مسجد شہداء مال روڈ پر کوئٹہ دھماکہ میں شہید ہونیو الوں کی غائبانہ نماز جنازہ ادا کی جائے گی

پیر 8 اگست 2016 22:07

لاہور(اُردو پوائنٹ اخبارتازہ ترین - آئی این پی۔8 اگست ۔2016ء ) جماعۃالدعوۃ پاکستان کے زیر اہتمام کل بروز ( منگل )کو مسجد شہداء مال روڈ پر کوئٹہ دھماکہ میں شہید ہونیو الوں کی غائبانہ نماز جنازہ ادا کی جائے گی۔

(جاری ہے)

شام پانچ بجے ادا کی جانے والی غائبانہ نماز جنازہ امیر جماعۃالدعوۃ پاکستان پروفیسر حافظ محمد سعید پڑھائیں گے جبکہ دیگر مذہبی، سیاسی و سماجی جماعتوں کے قائدین، وکلاء رہنما اور دانشور حضرات بھی شریک ہوں گے۔جماعۃالدعوۃ کی طرف سے اس سلسلہ میں وسیع پیمانے پر تیاریاں و انتظامات کئے جارہے ہیں۔ غائبانہ نماز جنازہ میں شہر بھر سے تمام مکاتب فکراور شعبہ ہائے زندگی سے تعلق رکھنے والے افراد شرکت کریں گے۔