چیف آف آرمی سٹاف جنرل راحیل شریف کا کوئٹہ میں دھماکہ کے بعد سول ہسپتال، بلوچستان ہائی کورٹ اور سی ایم ایچ کا دورہ
سول ہسپتال کے دورہ کے دوران مختلف سیکشنز میں زیر علاج زخمیوں کی عیادت کی
پیر 8 اگست 2016 22:17
راولپنڈی ۔ 8 اگست (اُردو پوائنٹ اخبارتازہ ترین - اے پی پی۔8 اگست ۔2016ء) چیف آف آرمی سٹاف جنرل راحیل شریف نے کوئٹہ کے بڑے ہسپتال میں دھماکہ کے بعد پیر کو سول ہسپتال، بلوچستان ہائی کورٹ اور سی ایم ایچ کا دورہ کیا۔ انہوں نے سول ہسپتال کے دورہ کے دوران مختلف سیکشنز میں زیر علاج زخمیوں کی عیادت کی اور حکام کو ہدایت کی کہ ہسپتال داخل زخمیوں کو بہترین علاج معالجہ فراہم کیا جائے۔
انہوں نے بلوچستان ہائی کورٹ کا بھی دورہ کیا اور بلوچستان کے چیف جسٹس اور پینل ججز سے اظہار تعزیت کیا۔ آئی ایس پی آر کے ڈائریکٹر جنرل لیفٹیننٹ جنرل عاصم سلیم باجوہ کی ٹویٹ کے مطابق بعد ازاں بری فوج کے سربراہ نے سی ایم ایچ کا تفصیلی دورہ کیا جہاں متعدد زخمیوں کو تشویشناک حالت میں داخل کیا گیا۔(جاری ہے)
انہوں نے ہسپتال کے مختلف بلاکس کا دورہ کیا اور بم دھماکہ کے زخمیوں کی صحت دریافت کی۔
سدرن کمانڈ کے کمانڈر لیفٹیننٹ جنرل عامر ریاض نے ہسپتال آمد پر بری فوج کے سربراہ کا استقبال کیا۔ قبل ازیں لیفٹیننٹ جنرل عامر ریاض نے سول ہسپتال کا دورہ کیا اور وہاں ریلیف سرگرمیوں کا جائزہ لیا۔ کوئٹہ میں اے پی پی کے رپورٹر کے مطابق سدرن کمانڈ کے کمانڈر نے اس موقع پر کہا کہ فوج اور قانون نافذ کرنے والے ادارے مشکل کی اس گھڑی میں وکلاء برادری کے ساتھ کھڑے ہیں۔ انہوں نے کہا کہ انتہاء پسند کمزور ہو چکے ہیں اور فورسز ہر قیمت پر انہیں شکست دے گی۔ انہوں نے کہا کہ بے گناہ شہریوں کو نشانہ بنانا انتہائی افسوسناک ہے، دہشت گرد پوری قوم کے عزم کو کمزور نہیں کر سکتے۔مزید اہم خبریں
-
وزیراعظم شہبازشریف کی زیرصدارت انسداد سمگلنگ سے متعلق اہم اجلاس
-
کیا ایک نام نہاد اور پلانٹڈ وزیراعظم خود یہ تعین کرےگا کہ وہ مجرم ہے یا نہیں؟
-
پی ٹی آئی کا چیف جسٹس قاضی فائز عیسٰی اور جسٹس عامر فاروق سے مستعفی ہونے کا مطالبہ
-
جرمنی میں الیکٹرک کارکی رجسٹریشن میں کمی
-
ہفتہ وار مہنگائی کی شرح میں مسلسل دوسرے ہفتے کمی
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
گزشتہ تین روز میں سونے کی فی تولہ قیمت میں 5 ہزار 400 روپے بڑا اضافہ ہوگیا
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.