بھارت پاکستان کے ساتھ علانیہ جنگ لڑرہا ہے جس کی مثال گذشتہ روزکوئٹہ سول ہسپتال میں خود کش دھماکہ ہے ،ملکی خارجہ پالیسی پر نظر ثانی کرنے کی ضرورت ہے ، کمزور پالیسیوں کی بنا پر آج ملک میں بھارتی بدنام زمانہ ایجنسی ـ"راـ"کے ایجنٹ دہشتگردی کر رہے ہیں
امیر جماعت اسلامی لاہور ذکر اﷲ مجاہد کا بیان
منگل 9 اگست 2016 20:27
لاہور (اُردو پوائنٹ اخبارتازہ ترین - آئی این پی۔9 اگست ۔2016ء) امیر جماعت اسلامی لاہور ذکر اﷲ مجاہد نے کہا ہے کہ بھارت پاکستان کے ساتھ علانیہ جنگ لڑرہا ہے جس کی مثال گذشتہ روزکوئٹہ سول ہسپتال میں خود کش دھماکہ ہے ۔ان خیالات کا اظہار گذشتہ روز انہوں نے اپنے بیان میں کیا ۔انہوں نے کہا کہ ملکی خارجہ پالیسی پر نظر ثانی کرنے کی ضرورت ہے ، کمزور پالیسیوں کی بنا پر آج ملک میں بھارتی بدنام زمانہ ایجنسی ـ"راـ"کے ایجنٹ دہشتگردی کر رہے ہیں اور بھارتی فوج کشمیر میں نہتے کشمیریوں پر ظلم کے پہاڑ توڑ رہی ہے ۔
انہوں نے کہا کہ بھارتی خفیہ ایجنسی "را"پاکستانیوں کی قاتل ہے اس کے ہاتھ فاٹا سے کراچی تک پاکستان کی شیعہ ، سنی ، اسماعیلی اور عیسائی آبادی کے خون سے رنگے ہوئے ہیں ۔(جاری ہے)
بھارتی ایجنسی کا مقصد پاکستان میں مختلف لسانی گروہوں ،مذہبی مکاتب فکر کو لڑانا اور ملک کو سیاسی ، معاشی اور معاشرتی عدم استحکام کا شکار کرنا ہے۔انہوں نے کہا کہ عالمی سطح پر پاکستان کی طرف سے بھارت کے مکروہ عزائم کو اجاگر کرنے کی کوشش کی تو بھارتی وزیر دفاع منوہر پار یکر نے واضح طور پر اس کا اعتراف کرتے ہوئے دہشت گردی کو پاکستان کے خلاف استعمال کرنے کا اعادہ کیا ۔
جس پر بھارتی وزیر دفاع کو اپنی پارلیمنٹ میں داد تحسین دی گئی اس بات سے واضح ہو جاتا ہے کہ بھارت پاکستان کے خلاف علانیہ جنگ لڑ رہا ہے ۔ذکر اﷲ مجاہد نے کہا کہ دہشتگردوں کے سہولت کارملک وقوم کے دشمن ہیں ان کا قلع قمع کرنا وقت کی اہم ضرورت بن چکا ہے جب سہولت کا رروں کو پکڑ کر کڑی سے کڑی سزائیں دی جائیں گی تب ملک میں دہشتگردوں کے نیٹ ورک کی بھی کمر ٹوٹ جائے گی ۔انہوں نے کہا کہ حکمران حوش کے ناخن لیتے ہوئے بھارت کے ساتھ کشمیر اوراندرونی مداخلت پر ملکی خارجہ پالیسیوں میں تبدیلی کریں اوربھارت کے ساتھ دلیرانہ اور دو ٹوک موقف اختیار کریں ۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.