مظفرگڑھ، علی پور میں ٹرالر اور مسافر بس میں تصادم ،تین خواتین سمیت پانچ افراد جاں بحق ،16 زخمی

بدھ 10 اگست 2016 11:14

مظفر گڑھ (اُردو پوائنٹ اخبارتازہ ترین - آئی این پی۔10 اگست ۔2016ء ) مظفرگڑھ کی تحصیل علی پور میں ٹرالر اور مسافر بس کے درمیان تصادم کے نتیجے میں تین خواتین سمیت پانچ افراد جاں بحق جبکہ16 زخمی ہوگئے،زخمیوں میں کئی کی حالت تشویشناک ہے،ہلاکتوں میں اضافہ کا خدشہ ہے ۔پولیس کے مطابق تحصیل علی پور میں ہیڈ پنجند کے مقام پر تیزرفتار بس سامنے سے آنے والے ٹریلر سے ٹکراگئی۔

(جاری ہے)

حادثے میں ایک ہی خاندان کی 3 خواتین موقع پر ہی جاں بحق ہوگئیں جبکہ 16 افراد زخمی ہوئے۔ واقعے کی اطلاع ملتے ہی امدادی ٹیمیں جائے وقوعہ پر روانہ ہوگئی اور حادثے میں جاں بحق اور زخمیوں کو ٹی ایچ کیوہسپتال منتقل کردیا گیا۔ہسپتال زرائع کے مطابق کئی زخمیوں کی حالت تشویشناک ہیں۔جاں بحق ہونے والے افراد کی شناخت نہیں ہوسکی ۔ بس کراچی سے پشاور جارہی تھی۔زخمیوں کو تحصیل ہسپتال علی پور منتقل کردیاگیاہے۔

متعلقہ عنوان :