بنوں ‘ طوفانی بارش اور ژالہ باری کے باعث پیش آنے والے مختلف واقعات میں 3 افراد جاں بحق ‘ چالیس سے زائد زخمی

بدھ 10 اگست 2016 14:43

بنوں(اُردو پوائنٹ اخبارتازہ ترین - این این آئی۔10 اگست ۔2016ء) بنوں شہر اور گرد و نواح میں ہونے والی طوفانی بارش اور ژالہ باری کے باعث پیش آنے والے مختلف واقعات میں 3 افراد جاں بحق اور چالیس سے زائد زخمی ہوگئے ۔

(جاری ہے)

اطلاعات کے مطابق بنوں اور گرد و نواح میں علی الصبح ہونے والی طوفانی بارش اور ژالہ باری نے تباہی مچادی، مختلف علاقوں میں مکانات کی چھتیں اور بوسیدہ دیواروں کے گرنے، درخت اکھڑنے اور سائن بورڈز گرنے سے نظام زندگی درہم برہم ہوچکا ہے ‘ مختلف واقعات میں اب تک 3 افراد جاں بحق اور40 سے زائد زخمی ہوچکے ہیں۔

شہر کے نشیبی علاقوں میں پانی کھڑا ہونے کی وجہ سے لوگ اپنے گھروں میں محصور ہوگئے ‘ بیشتر علاقوں میں بجلی کی فراہمی بھی بند رہی۔دوسری جانب محکمہ موسمیات نے بنوں سمیت خیبر پختونخوا کے مختلف علاقوں میں آئندہ 24 گھنٹوں کے دوران مزید بارشوں کی پیش گوئی کی۔