گنداخہ کوتحصیل کا درجہ ملنے کے باوجود سہولیات کا فقدان ،اعلیٰ افسران و دفاتر شہر سے 40کلومیٹر دور
بدھ 10 اگست 2016 17:41
گنداخہ(اُردو پوائنٹ اخبارتازہ ترین - آئی این پی۔10 اگست ۔2016ء)گنداخہ کو تحصیل کا درجہ ملنے کے باوجود مسائلستان بن چکا ہے شہری سخت پریشان۔
(جاری ہے)
تفصیلات کے مطابق سابق وزیراعظم میر ظفراﷲ خان جمالی کی زاتی کوششوں کے بعد 2004میں گنداخہ کو تحصیل کا درجہ ملا اور بارہ سال کا لمبا عرصہ گزرنے کے باوجود گنداخہ میں کوئی سہولت میسر نہیں ہے یہاں تک کے گنداخہ تحصیل کے نام پر جتنے بھی سرکاری ادارے ہیں جن میں جوڈیشنل مجسٹریٹ،ڈی ایس پی آفس،ڈپٹی ڈاریکٹر زراعت آفس،ایس ڈی او محکمہ پبلک ہیلتھ انجینئرنگ ،ایس ڈی او ایریگیشن سمیت کئی دفتر گنداخہ میں ہونے کے بجائے چالیس کلومیٹر دور اوستہ محمد میں کام کررہے ہیں جس کی وجہ سے گنداخہ کے شہری دوہرے عذاب کا شکار ہیں پچاس پچاس کلومیٹر دور اوستہ محمدکا سفر کرکے ہزاروں روپے کا خرچہ کرکے اپنے کاغذات کے ایک دستخط کے لئے مارے مارے پھرتے ہیں،گنداخہ کے مسائل یہاں پر ختم نہیں ہوئے رہی سہی کسر محکمہ ایریگیشن ،سوئی سدرن گیس،واپڈا،بی اینڈ آرنے پوری کردی ایک سروے کے مطابق گنداخہ کے زمیندار اور کاشتکار پانی نہ ہونے کی وجہ سے اپنی زمینیں فروخت کرنے کے بارے میں سوچ رہے ہیں کیونکہ کب تک انسان فصل کے بغیررہے گا،معاشی طور پر گنداخہ کی عوام مکمل طور پر مفلوج ہوچکی ہے جس کے پاس زمینیں ہیں وہ ہر چھ مہینے میں اپنی کچھ نہ کچھ زرعی زمین بیچ کراپنا اور اپنے اہل و عیال کا پیٹ پال رہے ہیں،گنداخہ کی اکثر غریب آبادی نقل مکانی کرکے سندھ کے دور دراز کے علاقوں میں جاکر محنت مزدوری کررہی ہیں دس سال پہلے گنداخہ کو اوستہ محمد سے گیس کی چار انچ کی پائپ لائن دی گئی جوکہ راستے سے گنداخہ پہنچنے تک دو انچ کی ہوگئی اب گنداخہ میں گیس کا نام ونشان ہی نہیں ہے لوگ بھینس کا گوبر اور لکڑیاں جلانے پر مجبور ہوگئے ہیں آخر گنداخہ کی عوام سے سوتیلی ماں جیسا سلوک کب تک ہوتا رہے گا کیا گنداخہ بلوچستان کا شہر نہیں ہے؟گنداخہ تحصیل کے عوامی حلقوں نے حکومت بلوچستان سے پرزور مطالبہ کرتے ہوئے کہا کہ گنداخہ کے مسائل کب حل کئے جائیں گے اور شہریوں کو اس دوہرے عذاب سے کب نکالا جائے گا۔
مزید قومی خبریں
-
معروف عالم دین ڈاکٹر اسرار احمد کا یوم پیدائش 26 اپریل کو منا یاجائے گا
-
دریائوں اور آبی ذخیروں میں پانی کی صورتحال
-
وزیراعلٰی بلوچستان کاصوبے میں اپنی نوعیت کی پہلی پیپلز ائیر ایمبولینس سروس شروع کرنے کا اعلان
-
وزیراعلی نے حالیہ سیلاب متاثرین کیلئے بھروقت اقدامات کرکے اپنی مخلصی اور عوام دوستی کا واضع ثبوت دے دیا،صادق سنجرانی
-
نوازشریف 5 روزہ نجی دورے پر چین روانہ ہو گئے
-
وزیراعلیٰ مریم نوازنے پاکستان کے پہلے ورچوئل ویمن پولیس اسٹیشن ’’میری آواز،مریم نواز‘‘کا افتتاح کردیا
-
ورکرزکنونشن، جلسے کروں گا، مطالبات رکھوں گا، دیکھتا ہوں کون روکتا ہے، علی امین گنڈاپور
-
بجلی کے 200 یونٹ سے کم استعمال کرنے والے صارفین کو بھی پھر زائد نرخ اداکرنا پڑھ رہے ہیں
-
پاکستان سمیت دنیا بھر میں کتب کا عالمی دن 23اپریل بروز منگل منایا جائے گا
-
چیئرمین سینیٹ سید یوسف رضا گیلانی نے پارلیمنٹ کے سبزہ زار میں پودا لگایا
-
رونا پارٹی ملک میں انتشار پھیلانا جانتی ہے : عظمیٰ بخاری
-
دینی طلبہ کابنیادی مقصد رضائے الٰہی کاحصول ہونا چاہی:ڈاکٹرراغب نعیمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.