پراونشل ٹرانزیشن ٹیم نے نئی ضلعی حکومتوں کے انتظامی ڈھانچے کو حتمی شکل دے دی
محمد علی بدھ 10 اگست 2016 17:47
لاہور(اْردو پوائنٹ اخبارتازہ ترین-انٹرنیشنل پریس ایجنسی 10 اگست۔2016ء ) پراونشل ٹرانزیشن ٹیم نے صوبائی حکومت سے نو منتخب مقامی حکومتوں کو اختیارات کی منتقلی اور ضلعی سطح پر ہیلتھ اتھارٹیز اور ضلعی ایجوکیشن اتھارٹیزمیں مقامی حکومتوں کے اہلکاروں کی تعیناتی، اثاثوں اور واجبات کی تقسیم کے علاوہ درجہ با درجہ فنڈز کے اجراء کے حوالے سے تمام تر انتظامات اورضروری پیرامیٹرز کا تعین کر لیا ہے۔
ایڈیشنل چیف سیکرٹری پنجاب شمائل احمد خواجہ کی کنوینر شپ میں یہ کمیٹی وزیراعلیٰ نے قائم کی تھی۔(جاری ہے)
نئے مجوزہ ڈسٹرکٹ ایڈمنسٹریشن سیٹ اپ کے ڈرافٹ بل کے مطابق پنجاب میں لاہور میٹروپولیٹن کارپوریشن کے منتخب لارڈ مےئر، 9ڈویثرنل ہیڈ کوارٹرز میں میونسپل کارپوریشنز کے مےئرز،ڈپٹی مےئرز،25میونسپل کمیٹیوں کے چےئرمینوں ، وائس چےئرمینوں اور ضلع کونسلوں کے چےئرمینوں اور وائس چےئرمینوں کے عہدہ سنبھالتے ہی پنجاب لوکل گورنمنٹ آرڈیننس 2001ء کی جگہ نیا انتظام نافذالعمل ہو جائے گاجس کے تحت ہر ڈویثرن میں کمشنرز کے دفاتر بدستور کام کرتے رہیں گے جبکہ اضلاع میں ڈسٹرکٹ کوآرڈینشن آفیسرزکی بجائے ڈپٹی کمشنرز تعینات کئے جائیں گے-نئے انتظام کے تحت ای ڈی او فنانس اینڈ پلاننگ کی 29آسامیاں جبکہ ای ڈی او کمیونٹی ڈویلپمنٹ کی 18پوسٹیں ختم کر دی جائیں گی-میٹرو پولیٹن کارپوریشن لاہور میں گریڈ20کا چیف آفیسر تعینات ہو گا -باقی اضلاع کی11 میونسپل کارپوریشنزمیں گریڈ19کے چیف آفیسرز تعینات ہوں گے ،ڈویثرنل ہیڈ کوارٹرز والے اضلاع کی ضلع کونسلز میں گریڈ 19کے چیف آفیسرز تعینات کئے جائیں گے جبکہ 18اضلاع میں ڈسٹرکٹ ہیلتھ اتھارٹی اور ڈسٹرکٹ ایجوکیشن اتھارٹی میں گریڈ18کے چیف ایگزیکٹو آفیسرز مقرر کئے جائیں گے -اسی طرح سیالکوٹ اور گجرات کے اضلاع اور تحصیل مری میں بھی گریڈ19کے چیف آفیسرز کی تعیناتی عمل میں آئے گی جبکہ باقی 27ضلع کونسلز میں سے 8بڑی ضلع کونسلوں میں گریڈ18 کے چیف آفیسرزتعینات کئے جائیں گے-ہر ضلع اور تحصیل کی سطح پر میونسپل کیڈر کے ملازمین کو سکولوں اور ڈسپنسریوں میں پہلے کی طرح پروموشن کے حقوق کو تحفظ ملے گا البتہ ان ٹیچرز اور پیرامیڈکس کی خدمات اب ضلعی ایجوکیشن اتھارٹیزاور ضلعی ہیلتھ اتھارٹیز کو ٹرانسفر ہو جائیں گی -ڈسٹرکٹ ہیلتھ اتھارٹی میں چیف ایگز یکٹو آفیسر کے علاوہ منتخب عوامی نمائندوں اور ٹیکنوکریٹس ،ڈسٹرکٹ ہیلتھ افسر،متعلقہ میڈیکل سپرنٹنٹڈنٹ ڈی ایچ کیو ہسپتال ،ایڈیشنل ڈی ایچ او،ڈسٹرکٹ نرسنگ آفیسر،ڈسٹرکٹ میڈیکو لیگل آفیسر،ڈسٹرکٹ ڈرگ کنٹرولر،ڈی ایچ او پریونٹو سروسز ، ایڈیشنل ڈی ایچ او اور ڈسٹرکٹ فنانس اینڈ پلاننگ آفیسرکے علاوہ ڈسٹرکٹ انٹرنل آڈٹ آفیسرپر مشتمل ہو گی-لوکل گورنمنٹ اور ڈپٹی کمشنرز و کمشنرز آفس کے سرکاری ملازمین کے سروس رولز اور کنڈکٹ آف پنجاب گورنمنٹ رولز آف بزنس میں مناسب ترامیم کو بھی حتمی شکل دی جا چکی ہے جبکہ محکمہ فنانس پنجاب نے نو منتخب یونین کونسلوں کو ٹرانزیشن گرانٹ کے طور پر 650ملین روپے فوری گرانٹ جاری کرنے کا فیصلہ کیا ہے -اسی طرح ضلعی حکومتوں کے دیگر افسران کے دفاتر میں ضروری فرنیچر،ایکوئپمنٹ اور گاڑیوں کی فراہمی کے لئے 313ملین روپے مختص کر دےئے گئے ہیں -اجلاس کے دوران ایڈیشنل چیف سیکرٹری شمائل احمد خواجہ نے سیکرٹری لوکل گورنمنٹ اینڈ کمیونٹی ڈویلپمنٹ کو ہدایت کی کہ نئے”انٹیرم فنانس کمیشن ایوارڈ“ کو 15اگست تک حتمی شکل دے دی جائے تاکہ اس کا ڈرافٹ ڈیزائن منظوری کے لئے وزیر اعلی پنجاب کو بھجوایا جا سکے۔
مزید مقامی خبریں
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.