موجودہ حکمران پاکستان کے ساتھ مخلص نہیں انہیں صرف اپنے ذاتی مفادات عزیز ہے ‘اعجازچوہدری
محمود اچکزئی اور مولانا فضل الرحمان کے بیانات کی جتنی مذمت کی جائے کم ہے دونوں کو مودی اور را سے جتنا پیار ہے بھائیوں کی جوڑی پاکستان چھوڑ کر بھارت ہی شفٹ ہوجائے
بدھ 10 اگست 2016 17:54
لاہور(اُردو پوائنٹ اخبارتازہ ترین - این این آئی۔10 اگست ۔2016ء ) پاکستان تحریک انصاف پنجاب کے سابق صدر اعجا ز احمدچوہدری نے کہا کہ موجودہ حکمران پاکستان کے ساتھ مخلص نہیں انہیں صرف اپنے ذاتی مفادات عزیز ہے ، ملک میں دہشت گردی کے بڑھتے ہوئے واقعات کے باوجود حکمرانوں نے اپنی ترجہات میں کوئی ردو بدل نہیں کی ،محمود اچکزئی اور مولانا فضل الرحمان کے بیانات کی جتنی مذمت کی جائے کم ہے ان دونوں کو مودی اور را سے جتنا پیار ہے بھائیوں کی جوڑی پاکستان چھوڑ کر بھارت ہی شفٹ ہو جائے ۔
اپنے ایک بیان میں انہوں نے کہاکہ را کا حاضر سروس افسر پاکستان سے پکڑا گیا اور حکمران ٹولے نے مجرمانہ طور پر خاموشی اختیار کر رکھی ہے بھارت براہ راست دہشت گردی کے واقعات پاکستان میں کروا رہا ہے ۔(جاری ہے)
حکومت بھارت کی مسلسل دہشت گردی کے مسئلے کو عالمی سطح پر اٹھائے، سانحہ کوئٹہ کے واقعہ نے پورے ملک کو ہلا کر رکھ دیا ہے ۔ انہوں نے کہا کہ موجودہ حکومت نا اہل اور کرپٹ ترین ہے محمود خان اچکزئی کی اپنے اداروں پر تنقید سمجھ سے بالاتر ہے کامیاب ضرب عضب آپریشن بھارت کو ہضم نہیں ہو رہا۔
دہشت گرد بوکھلاہٹ کا شکار ہو نہتے عوام پر بزدلانہ حملے کر رہے ہیں، دہشت گردی کی جنگ میں پاکستانی قوم نے بھاری قیمت ادا کی ہے ۔انہوں نے کہا کہ سانحہ اے پی ایس کے بعد پوری قوم دہشت گردی پر ایک ہو گئی تھی ، دہشت گردی اور دہشت گردوں کے خاتمے کے لئے پوری قوم پاک فوج کے شانہ بشانہ کھڑی ہے پنجاب سمیت پورے ملک میں بلا تفریق دہشت گردوں کے خلاف آپریشن کیا جائے ۔آخری دہشت گرد کے خاتمے تک دہشت گردی کے خلاف جنگ جاری رہے گی اور انشاء اﷲ پاکستان ایک مرتبہ پھر امن کا گہوارہ بنے گا اور ملک دشمن قوتوں کو منہ کی کھانے پڑے گی ۔بعد ازاں اعجاز احمد چوہدری نے کسانوں کے احتجاج پر اپنے ردعمل کا اظہار کرتے ہوئے کہا کہ پی ٹی آئی کسانوں کے تمام مطالبات کی حمایت کرتی ہے اور حکومت پنجا ب کو کہتی ہے کہ ہوش کے ناخن لے اور پسے ہوئے کسانوں کے مسائل فوری حل کرے۔ کسان ملکی ترقی اور خوشحالی میں اہم کردار ہے۔ کسانوں کا اپنے حق کے لئے بار بار احتجاج کرنا پنجاب کے حکمرانوں کیلئے لمحہ فکریہ ہونا چاہیے ، حکومت پنجاب کسان دشمنی ترک کرے اور پہلی ترجہیح پر کسانوں کے تمام مطالبات کو پورا کرے۔متعلقہ عنوان :
مزید اہم خبریں
-
تحریک انصاف کا اتوار کو پشاور میں ریلی نکالنے کا اعلان
-
وزیر اعلیٰ پنجاب مریم نواز شریف کی ہدایت پر ستھرا پنجاب مہم کا آخری مرحلہ بھرپور انداز میں جاری
-
قومی ائیر لائن پی آئی اے کی نجکاری میں بڑی رکاوٹ دور ہوگئی
-
صدرمملکت سے برطانوی ہائی کمشنر کی ملاقات ، دوطرفہ تعلقات پر گفتگو
-
وفاقی حکومت کا ججزکے خط پر انکوائری کمیشن بنانے کااعلان
-
ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، ویلیو ایڈڈ مصنوعات کی برآمد سے قیمتی زرمبادلہ کمانے میں مدد مل سکتی ہے، صدر مملکت آصف علی زرداری
-
وزیر اعظم کا نیول ہیڈ کوارٹرز کا دورہ، امیر بحر سے ملاقات ،پاک بحریہ کی آپریشنل تیاریوں سے متعلق امور پر تبادلہ خیال
-
ججزکا خط ، وزیرِاعظم شہبازشریف کی چیف جسٹس پاکستان قاضی فائز عیسیٰ سے ملاقات
-
پاکستان اوربرطانیہ کے مابین تجارتی اوراقتصادی تعلقات مزید مضبوط بنانے کی ضرورت ہے، صدرمملکت
-
چیلنجز سے نمٹنے کیلئے مضبوط معیشت کلیدی حیثیت رکھتی ہے، وزیراعظم
-
عمران خان سے اڈیالہ جیل میں 11پی ٹی آئی رہنماﺅں کو ملاقات کی اجازت
-
اسلام آباد سمیت مختلف علاقوں میں زلزلے کے شدید جھٹکے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.