روئی کے آفیشل اسپاٹ ریٹس 6 ہزار 700 روپے اور 7 ہزار 180 روپے پر بند

بدھ 10 اگست 2016 22:11

کراچی(اُردو پوائنٹ اخبارتازہ ترین - این این آئی۔10 اگست ۔2016ء) روئی کے آفیشل اسپاٹ ریٹس برائے 37.324 کلو گرام اور 40 کلوگرام کے بھاؤ میں مندی کا رجحان رہا۔ بدھ کو 37.324 کلو گرام اور 40 کلوگرام کے ریٹس میں بالترتیب 100 روپے اور 108 روپے کی کمی رونماء ہوئی۔ ایسوسی ایشن سے جاری کردہ اعداد و شمار کے مطابق منگل کو روئی کی نئی فصل 2016-17ء کے آفیشل اسپاٹ ریٹس برائے 37.324 کلو گرام کے نرخ گذشتہ کاروباری روز کے بھاؤ 6 ہزار 800 روپے سے کم ہو کر 6 ہزار 700 روپے اور 40 کلوگرام کے ریٹس 7 ہزار 288 روپے سے کم ہو کر 7 ہزار 180 روپے رہ گئی۔

اسی طرح 37.324 کلوگرام کے بھاؤ 135 روپے اندرون ملک اخراجات کے ساتھ 6 ہزار 835 روپے اور 40 کلوگرام کے ریٹس 145 روپے اندرون ملک اخراجات کے ساتھ 7 ہزار 325 روپے پر بند ہوئے۔

(جاری ہے)

ایسوسی ایشن نے مزید بتایا کہ ملک کے مختلف شہروں سے حاصل کردہ تفصیلات کے مطابق ڈومیسٹک ٹرانزیکشن کے تحت روئی کی نئی فصل برائے 2016-17ء کی 6 ہزار 200 گانٹھوں کے سودے 6 ہزار 750 روپے سے 6 ہزار 950 روپے فی من پر بند ہوئے۔

انہوں نے بتایا کہ میرپورخاص کی روئی کی 900 گانٹھوں کے سودے سب سے کم بھاؤ 6 ہزار 750 روپے سے 6 ہزار 875 روپے فی من پر بند ہوئے جبکہ گولارچی کی روئی کی 300 گانٹھوں کے سودے 6 ہزار 750 روپے سے 6 ہزار 900 روپے فی من رہے۔ اسی طرح مورو کی روئی کی 600 گانٹھوں کے سودے 6 ہزار 800 روپے فی من پر بند ہوئے۔ ایسوسی ایشن نے بتایا کہ چیچہ وطنی کی روئی کی 200 گانٹھوں کے سودے سب سے زیادہ ریٹس 6 ہزار 950 روپے فی من رہے جبکہ وہاڑی، دیپل پور اور بورے والا کی روئی کی فی کس 200 گانٹھوں کے سودے 6 ہزار 900 روپے فی من پر بند ہوئے اور پاک پتن کی روئی کی 400 گانٹھوں کے سودے 6 ہزار 875 روپے سے 6 ہزار 900 روپے فی من پر بند ہوئے۔