بچے ملک و قوم کا سرمایہ ہیں ان کی نگہداشت، حفاظت اور پرورش والدین کے ساتھ ساتھ ریاست کی بھی ذمہ داری ہے‘محمد رفیق رجوانہ
حکومت مستحق اور بے سہارا بچوں کو معاشرے کا کار آمد شہری بنانے کیلئے وسائل بروئے کار لا رہی ہے اس سلسلے میں منتظم اداروں کو تمام ضروری سہولیات فراہم کی جا رہی ہیں ،صاحب ثروت افراد کی یہ ذمہ داری ہے کہ وہ معاشرے کے پسماندہ اور پسے ہوئے طبقے کو ساتھ لے کر چلیں خصوصا یتیم اور بے سہارا بچوں کو بہتر مستقبل دینے کیلئے آگے بڑھیں ‘گورنر پنجاب
جمعرات 11 اگست 2016 18:20
لاہور(اُردو پوائنٹ اخبارتازہ ترین - این این آئی۔11 اگست ۔2016ء ) گورنر پنجاب ملک محمد رفیق رجوانہ نے کہا ہے کہ بچے عطیہ خداوندی ہیں اور ملک و قوم کا سرمایہ ہیں ان کی نگہداشت، حفاظت اور پرورش والدین کے ساتھ ساتھ ریاست کی بھی ذمہ داری ہے،حکومت نے بچوں کے اغواء جیسے اہم معاملے کو ہنگامی بنیادوں پر نپٹنے کے لیے تمام متعلقہ اداروں کو فوری اقدامات اٹھانے کے لیے واضح احکامات جاری کیے ہیں ،ایسے گناؤنے کاروبار میں ملوث اشخاص کو کسی صورت معاف نہیں کیا جائے گا۔
ان خالات کا اظہار انہوں نے گورنر ہاؤس لاہور میں چائلڈ پروٹیکشن اینڈ ویلفیئر بیورو میں زیر کفالت بے سہارا ، مستحق اور نادار بچوں سے ملاقات کے دوران کیا۔ ملاقات میں چائلڈ پروٹیکشن اینڈ ویلفیئر بیورو کی چیئر پرسن صبا صادق بھی موجود تھیں۔(جاری ہے)
گورنر پنجاب نے کہا کہ حکومت مستحق اور بے سہارا بچوں کو معاشرے کا کار آمد شہری بنانے کے لیے تمام وسائل بروئے کار لا رہی ہے اور اس سلسلے میں منتظم اداروں کو تمام ضروری سہولیات فراہم کی جا رہی ہیں ۔
انہوں نے کہا صاحب ثروت افراد کی یہ ذمہ داری ہے کہ وہ معاشرے کے پسماندہ اور پسے ہوئے طبقے کو ساتھ لے کر چلیں خصوصا یتیم اور بے سہارا بچوں کو بہتر مستقبل دینے کے لیے آگے بڑھیں ۔گورنر پنجاب نے کہا کہ معاشرے کے بے سہارا بچوں کو در بدر کی ٹھوکریں کھانے کے لیے نہیں چھوڑا جا سکتا اور یہ امر خوش آئند ہے کہ چائلڈ پروٹیکشن بیورو اس سلسلے میں کلیدی کردار ادا کر رہا ہے۔ انہوں نے ادارے کی سربراہ کو تاکید کی کہ بچوں کی پرورش ،نگہداشت اور تعلیم و تربیت میں کسی قسم کی کسر اٹھا نہ رکھی جائے۔ گورنر پنجاب نے کہا کہ پنجاب کے مختلف علاقوں میں بچوں کے اغواء کے واقعات سے عوام میں خوف و حرا س پایا جا رہا ہے اور اس طرح کے واقعات کی روک تھام کے لیے کوئی کسر نہیں چھوڑی جائے گی ۔ انہوں نے کہا کہ بُردہ فروش کسی طرح سے بھی کسی رعائت کے مستحق نہیں ،پولیس اور سیکیورٹی ایجنسیز کی کارکردگی اس حوالے سے حوصلہ افزاء ہے۔ انہوں نے کہا کہ والدین کو بھی چاہیے کہ وہ اپنے ارد گرد کے ماحول پر کڑی نظر رکھیں اور بچوں کو تنہا باہر مت بھیجیں۔ادارے کی چیئرپرسن صباء صادق نے بتایا کہ ادارے میں سینکڑوں بے سہارا بچوں کو تعلیم اور صحت کی جدید سہولتوں کے ساتھ ساتھ رہائش اور خوراک کی بھی سہولتیں بھی فراہم کی جارہی ہیں ۔ انہوں نے کہا کہ بے سہارا بچوں کے بہتر مستقبل کے لیے ادارے میں باقاعدہ قانون سازی کی گئی ہے اور کوئی بھی بچہ گود لینے سے پہلے تمام قانونی تقاضے پورے کیے جاتے ہیں۔اس موقع پر گورنر پنجاب بچوں میں گھل مل گئے اور انہیں مختلف قسم کے تحائف پیش کئے۔ بچوں کو گورنر ہاؤس لاہور کی سیر بھی کرائی گئی ۔ بچے گورنر پنجاب کو اپنے درمیان پا کر بہت خوش ہوئے۔متعلقہ عنوان :
مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.