بلیک لسٹ اپ ڈیٹ نہ ہونے سے امریکی کو ویزا جاری ہوا
ایف آئی اے نے امریکی شہری کو ویزا جاری کرنے کے حوالے سے امریکا میں تعینات سفیروں کو طلب کرکے ان کے خلاف تحقیقات کا فیصلہ کر لیا۔مقدمے میں نامزد سفارتکا ر سا جدہ الطا ف کو جلد از جلد اسلام آباد پہنچنے کی ہدایت
جمعہ 12 اگست 2016 12:11
(جاری ہے)
ذرائع کا کہنا ہے کہ وفاقی تحقیقاتی ایجنسی (ایف آئی اے) نے امریکی شہری کو ویزا جاری کرنے کے حوالے سے امریکا میں تعینات سفیروں کو طلب کرکے ان کے خلاف تحقیقات کا فیصلہ کیا ہے۔
خیال رہے کہ ہیوسٹن کے قونصل خانے میں 2 عہدیداران وائس قونصل ویزا ساجدہ الطاف قاضی اور قونصل جنرل افضل محمود مرزا نے امریکی شہری کو 4 سالہ ملٹی پل ویزا جاری کرنے کی اجازت دی تھی۔ایف آئی اے نے ساجدہ الطاف قاضی کو بھی بلیک لسٹ امریکی شہری کو ویزا جاری کرنے پر مقدمے میں نامزد کیا ہے تاہم وہ تبادلے کے بعد ہیوسٹن سے منیلا پہنچ گئیں ہیں۔ایف آئی اے نے 2011 میں پاکستان پینل کوڈ آف سیکشن 123 کے تحت میتھیو بریٹ کا نام بلیک لسٹ میں ڈالا تھا، تاہم رواں سال 22 جون کو امریکی شہری کو ویزا جاری کیا گیا لیکن ان کو 30 جون سے قبل پاکستان میں داخلے کی اجازت نہیں تھی۔گزشتہ ہفتے 6 اگست کو قانون نافذ کرنے والے اداروں نے اسلام آباد کے ایک گیسٹ ہاوٴس سے پابندی کے باوجود پاکستان کے داخلے پر امریکی شہری کو گرفتار کیا۔میتھیو کریگ بیرٹ نے وفاقی تحقیقاتی ایجنسی (ایف آئی اے) کو بیان دیا تھا کہ وہ پاکستان میں مستقل قیام کرنے کی غرض سے امریکا سے واپس آیا تھا۔ذرائع کے مطابق تفتیش کاروں نے امریکی شہری کو ویزا جاری کرنے کے معاملے میں کئی ممکنات پر غور کرنا شروع کردیا ہے، جیسے کہ پاکستانی سفارت کاروں نے بلیک لسٹ کو اپ ڈیٹ ہی نہ کیا ہو،اور یہ بھی ہوسکتا ہے کہ پاکستانی سفارتخانے کے کسی افسر نے رشوت لینے یا بلیک لسٹ کو دیکھے بغیر ہی ویزا جاری کردیا ہو۔تیسری چیز انسانی غلطی بھی ہوسکتی ہے کیونکہ میتھیو بیرٹ نے ایک پاکستانی خاتون بنوشا خان سے شادی کی اور جن میں سے ان کے دو بچے ہیں، جس کی وجہ قونصلیٹ کے عہدیداران نے بلیک لسٹ کو دیکھے بغیر 4 سالہ ویزا جاری کرنے کی اجازت دے دی ہو۔ذرائع کا کہنا ہے کہ ابتدائی تحقیقات سے یہ ظاہر ہوتا ہے کہ پاکستان سفارتکاروں کی غفلت کے باعث پابندی کے باوجود امریکی شہری کو دوبارہ پاکستان میں داخل کی اجازت دیا گیا ہو۔امریکی شہری کو ویزا جاری کرنے کے مقدمے میں نامزد اس وقت ساجدہ الطاف قاضی منیلا میں موجود ہیں، دفتر خارجہ نے ان کو جلد از جلد اسلام آباد پہنچنے کی ہدایت کی ہے۔ذرائع کے مطابق ساجدہ الطاف قاضی کی آئندہ ہفتے دارالحکومت اسلام آباد آمد متوقع ہے، ان کو اس کیس کے حوالے سے متعلقہ دستاویزات ساتھ لانے کی بھی ہدایت کی گئی ہے۔ساجدہ الطاف قاضی سے بلیک لسٹ امریکی شہری کو کیسے پاکستان کا دوبارہ ویزا جاری کرنے کے حوالے سے پوچھ گچھ کی جائے گی، ان کو ویزا جاری کرنے سے قبل ان کا نام بلیک لسٹ میں چیک کیوں نہیں کیا گیا اور کس کی اجازت سے پر ان کو ویزے کا اجراء کیا گیا۔ایف آئی اے امریکی شہری کو اسلام ائیرپورٹ سے کلئیر کرنے والے ایف آئی اے ملازمین کے خلاف بھی تحقیقات کررہا ہے۔امریکی شہری متھیو بریٹ کا دعویٰ ہے کہ سپریم کورٹ نے اس کو 2011 میں دو مقدمے سے بری قرار دیا تھا۔اگر یہ سچ بھی مان لیا جائے تو تجزیہ نگاروں کا خیال ہے کہ امریکی شہری کو دوبارہ ملک بدر کرنے کی سزا مل سکتی ہے، ان کا کہنا ہے کہ امریکی شہری کا جرم صرف پاکستان میں دوبارہ واپسی کا ہے جو ہیوسٹن میں تعینات پاکستانی سفارتکاروں کی غفلت برتنے کی وجہ سے کہ واقعہ پیش آسکتا ہے۔متعلقہ عنوان :
مزید اہم خبریں
-
وزیر اعلیٰ پنجاب مریم نواز شریف کی ہدایت پر ستھرا پنجاب مہم کا آخری مرحلہ بھرپور انداز میں جاری
-
قومی ائیر لائن پی آئی اے کی نجکاری میں بڑی رکاوٹ دور ہوگئی
-
صدرمملکت سے برطانوی ہائی کمشنر کی ملاقات ، دوطرفہ تعلقات پر گفتگو
-
وفاقی حکومت کا ججزکے خط پر انکوائری کمیشن بنانے کااعلان
-
ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، ویلیو ایڈڈ مصنوعات کی برآمد سے قیمتی زرمبادلہ کمانے میں مدد مل سکتی ہے، صدر مملکت آصف علی زرداری
-
وزیر اعظم کا نیول ہیڈ کوارٹرز کا دورہ، امیر بحر سے ملاقات ،پاک بحریہ کی آپریشنل تیاریوں سے متعلق امور پر تبادلہ خیال
-
ججزکا خط ، وزیرِاعظم شہبازشریف کی چیف جسٹس پاکستان قاضی فائز عیسیٰ سے ملاقات
-
پاکستان اوربرطانیہ کے مابین تجارتی اوراقتصادی تعلقات مزید مضبوط بنانے کی ضرورت ہے، صدرمملکت
-
چیلنجز سے نمٹنے کیلئے مضبوط معیشت کلیدی حیثیت رکھتی ہے، وزیراعظم
-
عمران خان سے اڈیالہ جیل میں 11پی ٹی آئی رہنماﺅں کو ملاقات کی اجازت
-
اسلام آباد سمیت مختلف علاقوں میں زلزلے کے شدید جھٹکے
-
ایچی سن کالج کے پرنسپل مائیکل تھامسن کو استعفیٰ واپس لینے پر قائل کر لیاگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.