تعلیمی اداروں کی ناقص سکیورٹی کی وجہ سے بچوں کے اغوا ء کے واقعات سے متعلق درخواست خارج
جمعہ 12 اگست 2016 20:55
لاہور( اُردو پوائنٹ اخبارتازہ ترین - این این آئی۔12 اگست ۔2016ء) لاہور ہائیکورٹ نے تعلیمی اداروں کی ناقص سکیورٹی کی وجہ سے بچوں کے اغوا ء کے واقعات سے متعلق درخواست خارج کر دی۔گزشتہ روز چیف جسٹس لاہور ہائیکورٹ سید منصور علی شاہ نے اظہر صدیق ایڈووکیٹ کی جانب سے دائر درخواست پر سماعت کی۔ درخواست گزار کی جانب سے موقف اختیار کیا گیا کہ حکومتی نااہلی اور غفلت کی وجہ سے معصوم بچے اغوا ء ہورہے ہیں،بچوں کے اغوا ء کے معاملے پر ایڈووکیٹ جنرل پنجاب عدالت عظمی میں 2011 سے 2016 تک پولیس کی ناقص کارکردگی کا اعتراف کر چکے ہیں۔
حکومت تعلیمی اداروں کی سکیورٹی میں بھی ناکام ہو چکی ہے، ضلعی انتظامیہ کی مانیٹرنگ ٹیمیں صرف کاغذی کاروائی کر رہی ہیں اوراربوں روپے کے فنڈز کے باوجود پولیس اغوا ء کے واقعات روکنے میں بری طرح ناکام رہی ہے۔(جاری ہے)
درخواست گزار نے موقف اپنایا کہ معصوم طالب علم ملک کا مستقبل ہیں اور انکی جان و مال کی حفاظت حکومت کا فرض ہے، عدالت عالیہ گزشتہ سال زین سکندر کے کیس میں تعلیمی اداروں کی سکیورٹی سے متعلق حکم دے چکی ہے، تعلیمی اداروں کی ناقص سکیورٹی توہین عدالت کے مترادف ہے۔
درخواست گزار نے عدالت سے استدعا کی کہ تعلیمی اداروں کی سکیورٹی سے متعلق رپورٹ طلب کی جائے اور تعلیمی اداروں کی سکیورٹی فول پروف بنانے اور اغوا ء کے واقعات کی روک تھام کا حکم دیا جائے۔ سماعت کے دوران فاضل چیف جسٹس لاہورہائیکورٹ جسٹس سید منصور علی شاہ نے کہا کہ عدالت کو آگاہ کیا جائے کہ کس، کس تعلیمی ادارے کی سکیورٹی ناقص ہے۔سرکاری وکیل نے عدالت سے کہا کہ درخواست گزار کی جانب سے ناقص سکیورٹی سے کوئی بھی ریکارڈ فراہم نہیں کیا گیا۔فریقین کے دلائل سننے کے بعد عدالت نے تعلیمی اداروں کی ناقص سکیورٹی کی وجہ سے بچوں کے اغوا کے واقعات سے متعلق درخواست خارج کر دی۔متعلقہ عنوان :
مزید قومی خبریں
-
جوڈیشل کمپلیکس توڑ پھوڑ کیس میں بانی پی ٹی آئی، پرویز الہی سمیت 172 افراد کے موبائل سے متعلق رپورٹ طلب
-
موسم بہار کی شجر کاری مہم ،سپیکر قومی اسمبلی نے پارلیمنٹ ہاؤس کے سبزہ زار میں میگنولیا گرینڈی فلورا کا پودا لگایا
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.