اوول ٹیسٹ : یاسر شاہ کا گوروں سے بدترین انتقام ،انگلینڈ نے 4وکٹوں پر 88رنز بنا لیے
محمد علی ہفتہ 13 اگست 2016 22:35
اوول (اردو پوائنٹ تازہ ترین اخبار 13اگست ۔2016ء) اوول ٹیسٹ کے تیسرے روز پاکستان نے یاسر شاہ کی شاندار باﺅلنگ کی بدولت میچ پر اپنی گرفت مضبوط کرلی ، میزبان ٹیم نے کھیل کے اختتام پر 4وکٹیں کھو کر 88رنز بنالیے ۔ تیسرے دن کا کھیل شروع ہوا تو وکٹ کیپر سرفراز احمد نے یونس خان کے ہمراہ سکور کو آگے بڑھاتے ہوئے ساتویں وکٹ کے لیے 77رنز کی شراکت داری قائم کی جس کے بعد سرفراز 44رنز بنا کر پوویلین لوٹ گئے ،وہاب ریاض بھی زیادہ دیر یونس خان کا ساتھ نہ دے پائے اور 4رنز بنا کر معین علی کی گیند پر سٹمپ ہوگئے ۔ اس موقع پر پاکستانی اننگز کی بساط جلد لپٹی نظر آرہی تھی تاہم محمد عامر نے یونس خان کے ہمراہ 9ویں وکٹ کے لیے 97قیمتی رنز کا اضافہ کرکے میچ پر پاکستان کی گرفت مضبوط کردی،اس دوران یونس خان نے اپنے ٹیسٹ کیریئر کی چھٹی ڈبل سنچری بھی مکمل کی ، وہ 218رنز بنا کر اینڈرسن کا شکار بنے ۔
(جاری ہے)
پاکستان کے آخری آﺅٹ ہونے والے کھلاڑی سہیل خان تھے جو 2رنز بنا کر آﺅٹ ہوئے ۔
محمد عامر 39رنز پر ناٹ آﺅٹ رہے۔انگلینڈ کیلئے فن اور ووکس نے تین ، تین ،معین علی نے دو جبکہ اینڈرسن اور براڈ نے ایک ، ایک آﺅ ٹ کیا۔ انگلینڈ کی اننگز کا آغاز بھی کچھ زیاد ہ اچھا نہ رہا اور سیریز کے کامیاب ترین بلے باز الیسٹر کک اس بار کچھ خاص کیے بغیر 7رنز بناکر پوویلین لوٹ گئے، روٹ اور ہیلز نے انگلینڈ کو سہارا دینے کی کوشش کی تاہم ہیلز بھی 12رنز بنا کر یاسر شاہ کا پہلا شکار بن گئے،جیمز ونس کی خراب سیریز کا اختتام بغیر کوئی رن بنائے ہوا ،دن کے اختتامی اوورز میں یاسر شاہ نے روٹ کو ایل بی ڈبلیو کرکے پاکستان کی میچ پر گرفت مضبوط بنادی ۔ کھیل کے اختتام پر انگلینڈ نے 4وکٹوں پر 88رنز بنالیے تھے اور اسے پاکستان کی پہلی اننگز کا سکور برابر کرنے کے لیے ابھی مزید 126رنز درکار ہیں،بیلنس 4اور بیئر سٹو 14رنز کیساتھ ناٹ آﺅٹ ہیں۔پاکستان کے لیے یاسر شاہ نے 3جبکہ وہاب ریاض نے 1وکٹ لی۔مزید کھیلوں کی خبریں
-
بابر اعظم سوشل میڈیا پر شاہین آفریدی کے ساتھ اختلافات کی خبروں پر ’حیران‘
-
محمد حفیظ نے بابر اعظم کو کپتانی واپس ملنے پر سخت سوالات اٹھا دیئے
-
شاہین آفریدی اوپننگ کے معاملے پر رضوان اور بابر سے بات کرنے سے گریزاں تھے: محمد حفیظ کا دعویٰ
-
راشد خان نے دوہرے معیار کی وجہ سے آسٹریلین لیگ بی بی ایل کے بائیکاٹ کی دھمکی دے دی
-
اللہ کے بعد مجھے شریف خاندان پر بھروسہ ہے، عمر اکمل کی ٹیم میں واپسی کی کوششیں تیز
-
ویرات کوہلی کی ٹی ٹونٹی ورلڈ کپ میں شرکت کا فیصلہ ہوگیا
-
پہلے ٹی ٹونٹی سے قبل موسم کی تازہ ترین اپ ڈیٹ آگئی
-
سوشل میڈیا پر میرا کوئی اکائونٹ نہیں، سابق کرکٹر سعید انور
-
پاکستان کرکٹ ٹیم کی آئی سی سی ٹی ٹوئنٹی ورلڈ کپ کی تیاریوں کا آغاز
-
شاہین آفری سے تعلق پرانا اور مضبوط ہے ، بابر اعظم
-
پاکستان کرکٹ بورڈ کی جانب سے فاسٹ بولر محمد عامر کو تنبیہ
-
اذلان شاہ ہاکی ٹورنامنٹ کیلئے کراچی کے بعد اسلام آباد میں بھی پاکستان ہاکی ٹیم کے کیمپ کا آغاز ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.