ملک سے دہشت گردی و انتہا پسندی کے جڑ سے خاتمے کے لیے ہماری انٹیلی جنس ایجنسیوں اور مسلح افواج کے کردار کو ہمیشہ یاد رکھا جائے گا،سینیٹر لیفٹیننٹ جنرل ( ر ) عبدالقیوم کی نجی ٹی وی چینل سے گفتگو
جمعرات 8 ستمبر 2016 23:12
اسلام آباد ۔ 08 ستمبر (اُردو پوائنٹ اخبارتازہ ترین - اے پی پی۔8 ستمبر ۔2016ء) پاکستان مسلم لیگ ن کے رہنما و سینیٹر لیفٹیننٹ جنرل ( ر ) عبدالقیوم نے کہا ہے کہ ملک کی بہتر ہوتی صورتحال کا کریڈٹ ہماری انٹیلی جنس ایجنسیوں کو جاتا ہے، ملک سے دہشت گردی و انتہا پسندی کے جڑ سے خاتمے کے لیے ہماری انٹیلی جنس ایجنسیوں اور مسلح افواج کے کردار کو ہمیشہ یاد رکھا جائے گا، ان خیالات کا اظہار انہوں نے جمعرات کو ایک نجی ٹی وی چینل سے بات چیت کرتے ہوئے کیا، ہمیں ان چیزوں سے اجتناب کرنا چاہیے جس سے ہمارے دشمن کے ہاتھ مضبوط ہوتے ہوں، انہوں نے کہا کہ پاکستان مسلم لیگ ن کی موجودہ حکومت ملک سے دہشت گردی و انتہا پسندی کے خاتمے کے لیے سنجیدہ ہے اور اس ضمن میں اہم اقدامات بھی کر رہی ہے، دہشت گردی کے خلاف جاری جنگ میں ہمیں بہت اہم کامیابیاں بھی حاصل ہوئی ہیں لیکن ابھی ہمیں مزید اہم اور موثر اقدامات کی بھی ضرورت ہے جو کیے جا رہے ہیں، دہشت گردوں کوکیفر کردار تک پہنچانے کے لیے ہر ممکن کوشش کی جائے گی اور ان سے کسی قسم کی کوئی رعایت نہیں برتی جائے گی، سینیٹر عبدالقیوم کا کہنا تھا کہ ملک میں امن و امان کی بہتر صورتحال کے لیے بارڈر مینجمنٹ بہت ضروری ہے جسے بہتر بنانے کے لیے بھی حکومتی سطح پر مناسب اقدامات کیے جا رہے ہیں تا کہ بغیر دستاویزات کے پاکستان میں داخلے کو روکا جا سکے، بہلے بڑے بڑے علاقوں کو کلیر کریں گے اور پھر دیگر علاقوں میں بھی بارڈر مینجمنٹ کو بہتر بنایا جائے گا، بارڈر مینجمنٹ ہماری اور افغانستان دونوں کی ضرورت ہے جس سے نہ صرف پاکستان بلکہ افغانستان کو بھی فائدہ ہوگا، ایک سوال کے جواب میں انہوں نے کہا کہ افغانستان ہماری اسٹریٹجک ڈیپتھ نہیں بلکہ افغانستان ہماری اسٹریٹجک سیکیورٹی کا معاملہ ہے اور ویسے بھی کسی اور ملک کو ہم اپنی اسٹریٹجک ڈیپتھ کیسے کہہ سکتے ہیں، انہوں نے کہا کہ عوام کے جان و مال کا تحفظ حکومت کی ذمہ داری ہے جسے پورا کرنے کی پوری پوری کوشش کی جا رہی ہے، آپریشن ضرب عضب سے دہشت گردوں کا خاتمہ، کراچی کا آپریشن، بارڈر مینجمنٹ کی بہتری اور مہاجرین کی واپسی سمیت اہم اقدامات عوام کے جان و مال کے تحفظ کے لیے ہی کیے جا رہے ہیں۔
متعلقہ عنوان :
مزید اہم خبریں
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
-
پاکستانی کمپنی کو یو اے ای کی کمپنی سے بڑا آرڈر مل گیا
-
جوڈیشل عدالت نے محمود خان اچکزئی کے ناقابل ضمانت وارنٹ گرفتاری جاری کر دئیے
-
غزہ پالیسی: امریکی محکمہ خارجہ کی ایک ترجمان مستعفٰی
-
نادرا کی جانب سے 3 کروڑ اسمارٹ کارڈز کی خریداری میں بے ضابطگیوں کا انکشاف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.