مقبوضہ کشمیر میں بھارتی مظالم اور انسانی حقوق کی خلاف ورزیوں کے حقوق امریکا کے حوالے کردیئے گئے-امریکا میںپاکستانی سفیر کی رچرڈ اولسن سے ملاقات-عالمی برادری مقبوضہ کشمیر میں بے گناہ شہریوں کے ساتھ روا رکھے جانے والے غیر انسانی اور ناروا سلوک کا نوٹس لے۔ اقوام متحدہ کی سلامتی کونسل کا مستقل رکن ہونے کی حیثیت سے امریکا کو چاہیے کہ وہ بھارت پر زور دے کہ وہ اپنی فوج کی جانب سے بے گناہ کشمیریوں کے خلاف ریاستی دہشت گردی کا سلسلہ فوری طور پر بند کرے۔پاکستان کا مطالبہ
میاں محمد ندیم منگل 4 اکتوبر 2016 18:27
واشنگٹن(اردو پوائنٹ اخبارتازہ ترین-انٹرنیشنل پریس ایجنسی۔04اکتوبر۔2016ء) امریکا میں تعینات پاکستانی سفیر جلیل عباس جیلانی نے مقبوضہ کشمیر میں بھارتی فورسز کے ہاتھوں انسانی حقوق کی خلاف ورزیوں کے ’شواہد‘ پر مبنی جامع دستاویز امریکی نمائندہ خصوصی برائے افغانستان و پاکستان رچرڈ اولسن کے حوالے کردیے۔پاکستانی سفیر نے امریکی محکمہ خارجہ میں امریکی نمائندہ خصوصی برائے افغانستان و پاکستان رچرڈ اولسن سے ملاقات کی اور انہیں وہ ڈوزیئر دیا جس میں ہندوستانی فوج کی جانب سے کشمیر میں کی جانے والی انسانی حقوق کی خلاف ورزیوں کی تفصیلات درج ہیں۔
اس موقع پر پاکستانی سفیر نے عالمی برادری اور خاص طور پر امریکا پر زور دیا کہ وہ مقبوضہ کشمیر میں بے گناہ شہریوں جن میں خواتین، بچے، بزرگ اور بیمار افراد بھی شامل ہیں، ان کے ساتھ روا رکھے جانے والے غیر انسانی اور ناروا سلوک کا نوٹس لے۔(جاری ہے)
انہوں نے موقف اختیار کیا کہ اقوام متحدہ کی سلامتی کونسل کا مستقل رکن ہونے کی حیثیت سے امریکا کو چاہیے کہ وہ بھارت پر زور دے کہ وہ اپنی فوج کی جانب سے بے گناہ کشمیریوں کے خلاف ریاستی دہشت گردی کا سلسلہ فوری طور پر بند کرے۔
ان کا یہ بھی کہنا تھا کہ اقوام متحدہ کی جانب سے کشمیریوں کو حق خود ارادیت دیا گیا تھا اور بھارت یکطرفہ طور پر انہیں اس حق سے محروم نہیں کرسکتا۔پاکستانی سفیر نے کہا کہ عالمی برادری کو یہ بات یقینی بنانی چاہیے کہ بھارت بطور اقوام متحدہ رکن، انسانی حقوق کی بین الاقوامی تنظیموں اور انسانیت کی مدد کرنے والے اداروں کو کشمیر تک رسائی دے تاکہ وہ حقائق کا اندازہ لگاسکیں۔جلیل عباس جیلانی نے وزیر اعظم نواز شریف کے کشمیریوں کے حوالے سے حالیہ بیان کا حوالہ دیتے ہوئے اس بات کا اعادہ کیا کہ پاکستان حق خودارادیت حاصل کرنے کی جدوجہد میں جموں و کشمیر کے لوگوں کی ہر ممکن اخلاقی، سیاسی اور سفارتی حمایت جاری رکھے گا۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.