لاہور ہائیکورٹ سے سلمان تاثیر کی برسی پر حملہ کرنے والے 5مجرموں کی سزاؤں کے خلاف اپیلیں خارج
ٹرائل کے دوران مجرموں کے وکلانے کیس صحیح طریقے سے نہیں لڑا، ججوں کے باندھے ہوئے ملزم تو کسی جگہ پر چھوٹ سکتے ہیں وکلاء کے نہیں ‘عدالتی ریماکس
منگل 4 اکتوبر 2016 23:22
لاہور(اُردو پوائنٹ تازہ ترین اخبار۔ 4 اکتوبر- 2016ء) لاہور ہائیکورٹ نے سلمان تاثیر کی برسی پر حملہ کرنے والے 5مجرموں کی سزاں کے خلاف اپیلیں خارج کر دیں۔
(جاری ہے)
منگل کے روز لاہور ہائیکورٹ میں جسٹس عبدالسمیع خان کی سربراہی میں دو رکنی بنچ نے 5مجرموں فرقان، افتخار، وزیر علی، عدیل اور کاشف کی اپیلوں پر سماعت شروع کی تو مجرموں کے وکیل عثمان نسیم نے موقف اختیار کیا کہ ٹرائل کورٹ نے مجرموں کو سلمان تاثیر کی برسی کے شرکاپر حملہ کرنے کے الزام میں حقائق کے منافی اور ناکافی شواہد کے باوجود سزائیں سنائی ہیں ، انہوں نے عدالت کو آگاہ کیا کہ اس وقوعہ میں کوئی زخمی بھی نہیں ہوا، زخمی نہ ہونے کے باوجود دہشت گردی ایکٹ کی دفعات کے تحت سزا دی گئی ،مجرموں کی سزا کالعدم کر کے بری کیا جائے عدالتی حکم پر ملٹی میڈیا پروجیکٹر لگائے گئے تاکہ وقوعہ کی سی ڈیز دیکھی جا سکیں تاہم سی ڈیز ٹوٹی ہوئی ہونے کی وجہ سے نہ چل سکیں جس کے بعد محکمہ پراسکیوشن نے کیس کے حقائق پر دلائل دیتے ہوئے موقف اختیار کیا کہ ٹرائل میں پانچوں مجرموں پر ٹھوس شہادتوں کے ذریعے جرم ثابت کیا ، عدالت نے تمام دلائل سننے کے بعد پانچوں مجرموں کی بریت کی اپیلیں خارج کر دیں عدالت نے ریمارکس دیئے کہ ٹرائل کے دوران مجرموں کے وکلانے کیس صحیح طریقے سے نہیں لڑا، ججوں کے باندھے ہوئے ملزم تو کسی جگہ پر چھوٹ سکتے ہیں لیکن وکلاکا باندھا ہوا ملزم چھوٹنا آسان نہیں ہوتا۔
متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.