ملک کے 90 فیصد سے زائد کیبل آپریٹرز نے بھارتی مواد کی نشریات روک دی٬احکامات پر عملدرآمد نہ کرنے والے 107 کیبل آپریٹرز کے خلاف کارروائی
اتوار 16 اکتوبر 2016 22:30
اسلام آباد ۔ (اُردو پوائنٹ اخبارتازہ ترین - اے پی پی۔ 16 اکتوبر2016ء) پاکستان الیکٹرانک میڈیا ریگولیٹری اتھارٹی (پیمرا) نے اتوار کو کہا ہے کہ پیمرا کی ہدایات کے مطابق ملک کے 90 فیصد سے زائد کیبل آپریٹرز نے بھارتی مواد کی نشریات روک دی ہیں۔ پیمرا کی طرف سے جاری پریس ریلیز میں کہا گیا ہے کہ پیمرا نے 15 اکتوبر کی درمیانی شب کی ڈیڈ لائن مقرر کرتے ہوئے ٹی وی چینلز کو بھارتی مواد دکھانے سے منع کیا تھا اور کہا تھا کہ جو چینل ان حکامات پر عملدرآمد نہیں کرے گا اس کے خلاف کارروائی عمل میں لائی جائے گی۔
پیمرا کی ٹیم نے پولیس کے ہمراہ مختلف شہروں کے دورے کئے تاکہ کیبل آپریٹرز کی جانب سے پیمرا احکامات پر عملدرآمد کرنے یا نہ کرنے کاجائزہ لیا جاسکے۔ پیمرا نے کہا ہے کہ ملک کے 90 فیصد سے زائد کیبل آپریٹرز نے احکامات پر عمل کیا اور دس فیصد سے بھی کم غیرملکی مواد ایف ایم ریڈیو پر پایا گیا۔(جاری ہے)
بعض کیبل آپریٹرز نے جو پیمرا کے احکامات پر عمل نہیں کر رہے تھے ان کے غیرقانونی آلات ضبط کرلئے گئے۔
اگر کیبل آپریٹرز حکامات پر عمل نہیں کریں گے تو ان کے لائسنس منسوخ کردیئے جائیں گے۔ پیمرا کی ٹیموں نے عملدرآمد کے جائزہ کیلئے جن شہروں کے دورے کئے ان میں پشاور٬ نوشہرہ٬ مردان٬ چارسدہ٬ کوہاٹ٬ ڈی آئی خان٬ ہزارہ ریجن٬ کراچی٬ لاہور٬ حیدرآباد٬ سکھر٬ لاڑکانہ٬ ٹنڈو اللہ یار٬ میرپور خاص٬ سیالکوٹ٬ نارووال٬ گجرات٬ حافظ آباد٬ شیخوپورہ٬ فیصل آباد٬ ملتان٬ بہاولپور٬ لیہ٬ لودھراں٬ مظفرگڑھ٬ جہلم٬ اٹک٬ راولپنڈی٬ چکوال٬ اوکاڑہ اور قصور شامل ہیں۔ ہزاروں کیبل آپریٹرز کے دفاتر کا معائنہ کیا گیا اور احکامات پر عملدرآمد نہ کرنے والے 107 کیبل آپریٹرز کے خلاف کارروائی عمل میں لائی گئی اور ان مقامات کو جزوی یا مکمل طور پر سربہمر کردیا گیا۔ پیمرا کی ٹیم نے مارکیٹوں کا بھی دورہ کیا جہاں مبینہ طور پر بھارتی ڈی ٹی ایچ فروخت کرنے کی اطلاعات تھیں تاہم کوئی ثبوت نہیں ملے۔ پیمرا کے چیئرمین نے صوبائی وزراء سے ملاقات میں تعاون کی درخواست کی تھی اور انہوں نے بھرپور تعاون کیا۔ پیمرا قوانین کا اطلاق تمام ٹیلی ویژن چینلز پر ہوتا ہے اور ان ہدایات کی روشنی میںوہ دس فیصد سے زائد (چھ فیصد بھارتی اور چار فیصد دیگر غیرملکی) غیرملکی مواد نہیں دکھا سکتے۔ پیمرا تمام ٹی وی چینلز کی مانیٹرنگ کر رہا ہے اور خلاف ورزی پر ان کے خلاف سخت کارروائی عمل میں لائی جائے گی۔متعلقہ عنوان :
مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.