سپیکراور ڈپٹی سپیکر قومی اسمبلی کا جہانگیر بدر کی وفات پر گہرے دکھ اور افسوس کا اظہار

پیر 14 نومبر 2016 12:09

ٓاسلام آباد (اُردو پوائنٹ اخبارتازہ ترین - آئی این پی۔ 14 نومبر2016ء) سپیکر قومی اسمبلی سردار ایازصادق اور ڈپٹی سپیکر نے جہانگیر بدر کی وفات پر گہرے دکھ اور افسوس کا اظہار کیا،گورنر نے مرحوم کے درجات بلندی اور لواحقین کیلئے صبر و جمیل کی دعا کی،سپیکر قومی اسمبلی سردار ایازصادق نے کہا کہ پاکستانی سیاست میں ان کی کمی ہمیشہ بڑی شدت سے محسوس کی جائے گی۔

(جاری ہے)

پیر کو سپیکر قومی اسمبلی سردار ایازصادق اور ڈپٹی سپیکر نے جہانگیر بدر کی وفات پر گہرے دکھ اور افسوس کا اظہار کرتے ہوئے کہا کہ جہانگیر بدر ایک نڈر اور عوام دوست رہنما تھے۔جہانگیر بدر کی وفات سے ملکی سیاست میں ایک خلاء پیدا ہوگا،مارشل لاء کے ادوار میں انہوں نے تمام تر صعبوتوں کا مردانہ وار مقابلہ کیا،جہانگیر بدر نے پاکستان کی سیاست میں ناقابل فراموش نقوش چھوڑے ہیں۔انہوں نے کہاکہ پاکستان کی سیاست میں ان کی کمی ہمیشہ بڑی شدت سے محسوس کی جائے گی