کراچی،رینجرز اور پولیس کی مختلف علاقوں میں کارووائی، 4ٹارگٹ کلر سمیت 11افراد گرفتار، اسلحہ و گولہ بارود برآمد

پیر 14 نومبر 2016 14:34

کراچی(اُردو پوائنٹ اخبارتازہ ترین - آئی این پی۔ 14 نومبر2016ء) رینجرز اور پولیس نے کراچی شہر کے مختلف علاقوں میں کارووائی کرتے ہوئے عسکری ونگ اور کالعدم تنظیم کے 4ٹارگٹ کلر سمیت 11افراد کو گرفتار کرکے بھاری مقدار میں اسلحہ و گولہ بارود مواد برآمد کرلیا ہے۔

(جاری ہے)

ترجمان رینجرز کے مطابق پیر کو رینجرز اور پولیس نے شہر کے مختلف علاقوں میں کارووائیاں کرتے ہوئے 11ملزمان کو گرفتار کرلیا،کارووائیاں شاہ فیصل،ملیر،نیوکراچی،اورنگی اور گلشن اقبال میں کی گئیں،گرفتار ملزمان میں عسکری ونگ کے 2ٹارگٹ کلرز شال ہیں۔

ترجمان رینجرز کے مطابق کالعدم تنظیم کے 2کارندے بھی گرفتار کرلئے گئے ہیں۔کارووائی کے دوران تین ڈکیت اور تین اغوار کاروں کو بھی گرفتار کیا گیا،گرفتار ملزمان سے اسلحہ بھی برآمد کیا گیا ہے۔رینجرز نے اسنیپ چیکنگ میں ملیر،جمشید ٹائون،گلشن اقبال سے بھی 5ملزمان کو حرات میں لے لیا ہے