پاکستان کے ایوان بالا اور کمبوڈیا کی سینیٹ کے مابین باہمی مفاہمت کی یادداشت پر دستخط
منگل 15 نومبر 2016 22:03
(جاری ہے)
دونوں جانب سے اس بات پر زور دیا گیا کہ پارلیمانی امور میں تعاون کو مزید مستحکم کرنے کی اشد ضرورت ہے اور پارلیمانی ،حکومتی اور عوامی سطح پر دو طرفہ روابط اور دوستانہ تعلقات کو مزید فروغ دیا جائے۔
یاد رہے کہ کمبوڈیا کا چھ رکنی وفد کمبوڈین سینیٹ کے سیکرٹری جنرل کی سربراہی میں پاکستان کے دو روزہ دورے پر ہیں جس کی دعوت سیکرٹری سینیٹ امجد پرویز ملک نے دی تھی۔ اپنے خیالات کا اظہار کرتے ہوئے سیکرٹری سینیٹ نے اس امید کا اظہار کیا کہ اس دو طرفہ سمجھوتے کی بدولت دونوں ممالک ایک دوسرے سے پارلیمانی روایات اور تجربات سے فائدہ اٹھا سکیں گے ۔سیکرٹری سینیٹ نے وفد کو پاکستان کی آئینی تاریخ، وفاق کے خدو خال اور دو ایوانی مقننہ کے بارے میں تفصیلاً آگاہ کیا اور چیئرمین سینیٹ میاں رضا ربانی کی سربراہی میں اٹھائے گئے حالیہ اقدامات پر تفصیلی بریفنگ دی۔ انہوں نے کہا کہ کمیٹیوں کے نظام کو قواعد و ضوابط و ترامیم کے ذریعے ذیادہ مؤثر بنایا گیا ہے جبکہ پارلیمان کے وقار کو بحال کرنے کیلئے موثر اقدامات کئے گئے ہیں، عوام کے ساتھ بہتر رابطہ کاری کے لئے عوامی عرضداشتوں کے علاوہ ادارہ جاتی روابط اور کلرکس پارلیمنٹ کے تحت نوجوان نسل کو پارلیمان کے کام کے طریقہ کار اور پارلیمانی نظام سے آگاہی دلانے کیلئے اقدامات کئے گئے ہیں۔انہوں نے کہا کہ بین الپارلیمانی روابط کو ترجیح دی گئی ہے اور سینیٹ آف پاکستان ایشیائی پارلیمانی اسمبلی کو مزید مضبوط کرنے کے سلسلے میںکمبوڈیا کی سینیٹ کی جانب سے دی جانے والی حمایت اور تعاون کو سراہتا ہے۔ انہوں نے کہا کہ ایشیائی پارلیمانی اسمبلی ایشیا کی عوام کی آواز کے طور پر سامنے آئے گی کیونکہ ایشیائی خطہ نہ صرف سیکورٹی کے مسائل سے دوچار ہے بلکہ غربت، بے روزگاری اور دیگر سماجی مسائل بھی درپیش ہیں۔ انہوں نے کہا کہ پاکستان نے دہشت گردی کے خلاف کامیاب ملٹری آپریشن شروع کیا جبکہ لائن آف کنٹرول کے ساتھ بھی صورتحال کافی پریشان کن ہے اور اہم موقع ہے کہ تمام مسائل کو پر امن طریقے سے حل کر کے امن کو پھلنے پھولنے کا موقع دیا جائے اورایشیائی خطے کی سماجی و اقتصادی ترقی کیلئے ملک جل کر کوششیں کی جائیں۔ کمبوڈیا کے سینیٹ کے سیکرٹری جنرل نے باہمی مفاہمت کی یادداشت کو انتہائی اہم قرار دیا ور کہا کہ اس سے دو طرفہ پارلیمانی روابط کو مزید فروغ میں مدد ملے گی اور یہ ایک بہت بڑا موقع ہو گا کہ ایک ودسرے کے تجربات سے فائدہ اٹھایا جا سکے گا۔انہوںنے سیکرٹری سینیٹ کو کمبوڈیا کی سینیٹ کو دورہ کرنے کی دعوت بھی دی۔ وفد کو کمیٹیوں کے نظام ،سینیٹ کے کام کے طریقہ کار،قانون سازی کے مختلف پہلوئوں اور سیکرٹریٹ کے مختلف شعبوں کے کام کے طریقہ کار کے بارے میں آگاہ کیا گیا۔ بعد ازاں وفد نے سینیٹ ،قومی اسمبلی ہالز اور گلی دستور کا دورہ بھی کیا جہاں انہیں دونوں ایوانوں کے کام کے طریقہ کار اور قانون سازی میں کردار کے علاوہ پاکستان کی پارلیمانی اور جمہوری تاریخ کے بارے میں بتایا گیا۔ وفد نے لوک ورثہ کا بھی دورہ کیا جہاں انہیں پاکستان کی ثقافت اور تاریخی ورثے کے بارے میں آگاہ کیا گیا۔مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
خیبر پختونخوا بار کونسل کی ڈسپلنری کمیٹی نے مشعال یوسفزئی کو طلب کرلیا
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.