ہیپاٹائٹس اور ایڈز جیسی بیماریوں کی روک تھام کیلئے دوبارہ استعمال نہ ہونیوالی سرنجزمتعارف کرانے کا فیصلہ

آٹوڈ سٹرکٹوسرنجیں جلد سرکاری ہسپتالوں میں شروع کی جائیںگی ‘مشیر وزیراعلیٰ پنجاب برائے صحت خواجہ سلمان رفیق

بدھ 16 نومبر 2016 16:24

ہیپاٹائٹس اور ایڈز جیسی بیماریوں کی روک تھام کیلئے دوبارہ استعمال ..

لاہور (اُردو پوائنٹ اخبارتازہ ترین - این این آئی۔ 16 نومبر2016ء) مشیر وزیراعلی پنجاب برائے صحت خواجہ سلمان رفیق نے کہاہے کہ ہیپاٹائٹس اور ایڈز جیسی متعدی بیماریوں کی روک تھام اور انہیں پھیلنے سے روکنے کے لئے دوبارہ استعمال نہ ہوسکنے والی سرنجیں متعارف کرائی جا رہی ہیں او رپہلے مرحلہ میں سرکاری ہسپتالوں میں انکا استعمال شروع کیا جائے گا۔

انہوں نے یہ بات یہاں ڈرگ ریگولیٹری اتھارٹی پاکستان کے حکام کے ساتھ اجلاس کے بعد بتائی۔

(جاری ہے)

اجلاس میں ڈی آر اے پی کے چیف ایگزیکٹو آفیسر ڈاکٹر اسلم، ڈپٹی ڈائریکٹر جنرل ڈاکٹر عاصم روف، فیڈرل انسپکٹر ڈرگ ڈاکٹر اجمل سہیل آصف نے شرکت کی ۔خواجہ سلمان رفیق نے بتایاکہ اس سلسلہ میں ایک مشترکہ کمیٹی تشکیل دے دی گئی ہے جو ایک ہفتہ کے اندراپنی سفارشات پیش کرے گی ۔

انہوں نے کہاکہ پاکستان میں ڈسپوزایبل سرنجیں بنانے والے فیکٹری مالکان اور درآمد کرنے والے امپورٹرز کو آن بورڈ لیاجائے گا ۔خواجہ سلمان رفیق کا کہنا تھا کہ ڈسپوزایبل سرنجوں کا دوبارہ استعمال موذی امراض کو تیزی سے پھیلانے کا ایک بڑا سبب ہے جسے دور کرنا وقت کی اہم ضرورت ہے اس سلسلہ میں تیزی سے اقدامات کئے جائیں گے۔