پاکستان کاروبار کیلئے بہت بڑی مارکیٹ ہے، فرانس باہمی تجارت کو فروغ دینے میں گہری دلچسپی رکھتا ہے، فرانس تجارتی و اقتصادی تعلقات کیلئے چین کے بعد اب فرانس تجارتی تعلقات کیلئے جنوبی ایشیائی خطہ کی طرف زیادہ توجہ دے رہا ہے
فرانس کے ریجنل اکنامک ڈیپارٹمنٹ برائے جنوبی ایشیاء کے سربراہ جین مارک فی نیٹ کا اسلام آباد چیمبر آف کامرس میں خطاب
بدھ 16 نومبر 2016 18:52
(جاری ہے)
فرانسیسی سفارتخانہ کے اکنامک ڈیپارٹمنٹ کے ہیڈ فیلپ فوئٹ بھی اس موقع پر ان کے ہمراہ تھے۔ جین مارک فی نیٹ نے کہا کہ سی پیک منصوبے کی وجہ سے پاکستان کی مارکیٹ میں فرانس کی دلچسپی میں اضافہ ہوا ہے کیونکہ اس منصوبے سے پاکستان میں کاروبار و سرمایہ کاری کے نئے مواقع پیدا ہوں گے۔
انہوں نے کہا کہ کاروبار کا فروغ باہمی تعلقات کو فروغ دینے کا سب سے بہترین ذریعہ ہے اور اس امید کا اظہار کیا کہ باہمی تجارت کے بہتر ہونے سے فرانس اور پاکستان کے درمیان مضبوط تعلقات قائم ہوں گے۔ انہوں نے کہا کہ فرانس کے پاس جدید ٹیکنالوجی اور اعلیٰ مہارت موجود ہے اور پاکستان فرانس کے ساتھ مختلف شعبوں میں تعاون کو فروغ دے کر اپنی معیشت کیلئے فائدہ مند نتائج حاصل کر سکتا ہے۔ برطانیہ کے یورپی یونین سے انخلا کے معاملے پر تبصرہ کرتے ہوئے انہوں نے کہا کہ برطانیہ یورپ میں داخلے کیلئے ایک گیٹ کا درجہ رکھتا ہے تاہم انہوں نے کہا کہ یورپ سے نکلنے کے فیصلہ سے برطانیہ خود متاثر ہو سکتا ہے لیکن فرانس سمیت یورپی ممالک پر زیادہ فرق نہیں پڑے گا۔ انہوں نے کہا کہ وہ سال میں دو دفعہ پاکستان کا دورہ کیا کریں گے تا کہ دونوں ممالک کو تجارتی و اقتصادی شعبوں میں مزید قریب لانے کیلئے اپنا کردار ادا کر سکیں۔ انہوں نے تجویز دی کہ اسلام آباد چیمبر آف کامرس کا وفد فرانس کا دورہ کرکے باہمی تعاون کے نئے مواقع تلاش کرنے کی کوشش کرے۔ اس موقع پر اپنے خیالات کا اظہار کرتے ہوئے اسلام آباد چیمبر آف کامرس اینڈ انڈسٹری کے صدر خالد اقبال ملک نے کہا کہ پاکستان اور فرانس کے درمیان 2015ء میں باہمی تجارت تقریباً 1.1 ارب یورو تھی جو دونوںکی اصل صلاحیت سے بہت کم ہے۔ انہوں نے کہا کہ پاکستان اور فرانس کیلئے توانائی، زراعت، فوڈ پراسسنگ، ایوی ایشن، انفارمیشن ٹیکنالوجی، آٹوموبائل اور انجینئرنگ سمیت دیگر شعبوں میں باہمی تعاون کو فروغ دینے کی عمدہ صلاحیت موجود ہے لہذا دونوں اپنے نجی شعبوں کے درمیان براہ راست روابط کو فروغ دینے کی کوشش کریں جس سے دوطرفہ تجارت مزید بہتر ہو گی۔ انہوں نے کہا کہ پاکستان کا کھیلوں کا سامان، آلات جراحی، چمڑے اور ٹیکسٹائل کی مصنوعات سمیت متعدد اشیاء فرانس کی مارکیٹ میں مقبولیت حاصل کر سکتی ہیں لہذا فرانس کا سفارتخانہ فرانس کے ساتھ برآمدات کو فروغ دینے کی کوششوں میں پاکستان کی تاجر برادری کے ساتھ بھرپور تعاون کرے۔انہوں نے کہا کہ پاکستان کے توانائی، ٹرانسپورٹ، پبلک ورکس، سول انجینئرنگ، ماحولیات، فارماسوٹیکلز، کمزیومر گڈز اورسروسز کے شعبوں میں فرانس کی تقریبا 44کمپنیاں کام کر رہی ہیں جو اس بات کا ثبوت ہے کہ پاکستان غیر ملکی سرمایہ کاری کیلئے پرکشش مارکیٹ ہے۔ انہوں نے اس بات پر زور دیا کہ فرانس کی مزید کمپنیاں پاکستان میں کاروبار کے مواقع تلاش کریں اور فرانس کے سرمایہ کار ہمارے ملک میں سرمایہ کاری و جوائنٹ وینچرز قائم کرنے پر توجہ دیں۔ اسلام آباد چیمبر آف کامرس اینڈ انڈسٹری کے سینئر نائب صدر خالد ملک، نائب صدر طاہر ایوب، فیڈریشن کے نائب صدر ظفر بختاوری، محمد زکریا اے ضیا، شیخ عامر وحید، راجہ عبدالمجید اور دیگر نے بھی اپنے خیالات کا اظہار کیا اور فرانس و پاکستان کے مابین تجارتی و اقتصادی تعلقات کو بہتر کرنے کیلئے دونوں ممالک کے نجی شعبوں کے درمیان براہ راست پائیدار روابط قائم کرنے پر زور دیا۔متعلقہ عنوان :
مزید قومی خبریں
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
-
خواجہ سلمان رفیق کا عزیز بھٹی شہید ہسپتال گجرات میں چھت گرنے کے واقعہ کا نوٹس،رپورٹ طلب
-
وزیراعلی ٰ پنجاب کا گجرات میں عزیز بھٹی شہید ٹیچنگ ہسپتال میں چھت گرنے کے واقعہ کا نوٹس
-
میں نے خود بانی پی ٹی آئی کو کہتے سنا ہے کہ اپوزیشن کو پھانسی لگا دیتے ہیں، ندیم افضل چن
-
وزیراعلیٰ مریم نوازشریف کا گجرات میں عزیزبھٹی شہید ٹیچنگ ہسپتال میں چھت گرنے کے واقعہ کا نوٹس
-
لڑکے اورلڑکی کی کم ازکم شادی کی عمر 18سال قرار ، چائلڈ میرج بل سیکرٹری ہوم ڈیپارٹمنٹ کو ارسال
-
آئی جی پنجاب ڈاکٹر عثمان انور کا مظفر گڑھ میں شادی کا جھانسہ دے کر طالبہ سے زیادتی کے واقعہ کا نوٹس
-
پولیس نے چارملزمان کوگرفتارکرکے 38 لٹر دیسی شراب برآمد کرلی
-
پی ٹی آئی کے نئے انٹرا پارٹی انتخابات پر بھی اعتراضات عائد، 30 اپریل کو پیشی کا نوٹس جاری
-
پی ٹی آئی کی پانچ فرنچائز ہیں ہر کسی کا اپنا مؤقف ہے،ندیم فضل چن ، فیصل کریم کنڈی
-
گزشتہ 4سال نئی اسکیمز میں وفاق نے سندھ کو نظر انداز کیا، وزیر اعلی سندھ کا وزیراعظم سے شکوہ
-
تیز رفتار کار فٹ پاتھ پر سوئے افراد پر چڑھ گئی، 6 افراد زخمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.