بھارتی فوج مردانگی کامظاہرہ کرکے فوجی ہلاکتیں بتایا کرے۔آرمی چیف

ہمارے7جوانوں کی شہادت کے دن بھارت کے11فوجی مارے گئے،ہمیں معلوم ہے کہ بھارت کے اب تک 40سے 44فوجی مارے جاچکے ہیں،مودی کوہماری بات سمجھ آگئی کہ جارحیت سے کچھ نہیں ملے گا،فوج نے ملکی دفاع کیلئے بہترین نتائج دیے ہیں۔جنرل راحیل شریف کی غیررسمی گفتگو

ثنااللہ ناگرہ بدھ 16 نومبر 2016 20:42

بھارتی فوج مردانگی کامظاہرہ کرکے فوجی ہلاکتیں بتایا کرے۔آرمی چیف

لاہور(اردوپوائنٹ اخبارتازہ ترین۔16نومبر2016ء) :چیف آف آرمی سٹاف جنرل راحیل شریف نے بھارتی فوج کوللکارتے ہوئے کہا ہے کہ بھارتی فوج مردانگی کامظاہرہ کرتے ہوئے ہلاک فوجیوں کابتایا کرے،ہم اپنے ہرفوجی کی شہادت کواون کرتے ہیں،سرجیکل اسٹرائیک کے معاملے پرمیں خود بولاتھا،لیکن بھارتی فوج کومردبننے کی ضرورت ہے۔ نجی ٹی وی کے مطابق آرمی چیف جنرل راحیل شریف نے آج ایوان صدر میں غیررسمی گفتگوکرتے ہوئے کہا کہ ایل اوسی پربھارتی فوج کی بلااشتعال فائرنگ کے نتیجہ میں ہمارے 7جوانوں کی شہادت کے دن بھارت کے 11فوجی مارے گئے تھے۔

انہوں نے ایک سوال پرکہا کہ مودی کوسمجھ ہے کہ ہم کیاکررہے ہیں،کیا کرسکتے ہیں اور کیاقابلیت ہے۔انہوں نے کہا کہ مودی کوہماری بات سمجھ آگئی ہے کہ جارحیت سے کچھ نہیں ملے گا۔

(جاری ہے)

جنرل راحیل شریف نے کہا کہ سرجیکل اسٹرائیک کے معاملے پرمیں خود بولاتھا۔بھارتی فوج کومردبننے کی ضرورت ہے۔ بھارتی فوج وردی میں مارے جانیوالے فوجیوں کی ہلاکت کوتسلیم نہیں کرتی۔

لیکن ہم اپنے ہرفوجی کی شہادت کواون کرتے ہیں۔انہوں نے کہاکہ ہمیں معلوم ہے کہ بھارت کے اب تک 40سے 44فوجی مارے جاچکے ہیں۔انہوں نے ناصرجنجوعہ کی طرف اشارہ کرتے ہوئے کہاکہ بلوچستان میں اچھا کام کیا۔انہوں نے ایک سوال ”فریش رہنے کاکیارازہے“پرجواب دیتے ہوئے کہا کہ مجھ پراللہ کاخاص کرم اورمہربانی ہے۔آرمی چیف نے کہا کہ فوج نے ملکی دفاع کیلئے بہترین نتائج دیے ہیں۔بہترین دفاع کاسہرافوج کے ٹیم ورک کانتیجہ ہے۔انہوں نے کہا کہ آج رعدالبرق مشقوں میں 6کلومیٹرتک مارکرنیوالاملکی ساختہ میزائل استعمال کیا۔مغربی سائیڈپربھی یہ میزائل استعمال کرچکے ہیں۔مغربی بارڈرپرجوحاصل اس کوضائع نہیں کرسکتے۔