معروف رائٹرامین اقبال کا فلم ’’رہبرا‘‘ بنانے کا اعلان

لاہور(اُردو پوائنٹ اخبارتازہ ترین - این این آئی۔ 17 نومبر2016ء) معروف ٹی وی رائٹر ڈائریکٹر امین اقبال فلم بنانے کا اعلان کرتے ہوئے اس کا پوسٹر لانچ کردیا۔ پوسٹرلانچ کرنے کی تقریب کے مہمان خصوصی معروف دانشور اور سماجی شخصیت آئی اے رحمان تھے۔اس موقع پر امین اقبال نے بتایا کہ ڈرامہ انڈسٹری نے فلم کی بحالی میں اہم کردار ادا کیا اور 3 سال میں فلم انڈسٹری میں بہتری آئی ہے۔

سارہ افضل کیساتھ مل کر ایس اے انٹریٹمنٹ کے بنیر تلے ’’رہبرا‘‘ بنا رہے ہیں جس میں سنتوش کمار اور صبحیہ خانم کی نواسی سحرش خان مرکزی کردار نبھائیں گی دیگر فنکاروں میں احسن خان، عائشہ عمر، غلام محی الدین، سہیل سمیر، حنا خواجہ شامل ہیں۔پانچ کروڑ روپے سے بنائی جانیوالی اس فلم کی عکسبندی 21 دسمبرسے شروع ہوگی جو لاہور، اسلام آباد،کراچی، رحیم یار خان اور پہاڑی علاقہ جات میں کی جائے گی اوراسے عیدالاضحیٰ پر ریلیزکیا جائے گا۔

(جاری ہے)

امین اقبال نے کہا کہ فلم کے گانوں کے لیے عاطف اسلم سے رابطہ کیا تو ان کا کہنا تھا کہ میں مختلف قسم کا گیت گانا چاہتا ہوں، مجھے سمجھ نہیں آتی کہ وہ کون سا مختلف قسم کا گانا گانے چاہتے ہیں البتہ راحت فتح علی سمیت دیگر معروف گلوکاروں کی آواز میں گانے ریکارڈکیے جائیں گے۔آئی اے رحمان نے کہا کہ فلم صرف تفریح نہیں تعلیم اور معلومات کا ذریعہ بھی ہے۔ نوجوان فلم میکر آج کے دور کی فلم بنار ہے ہیں اور امکانات نظر آرہے ہیں کہ فلم اب اپنا راستہ بنالے گی۔