اقبال ٹائون میںانڈور اور آئوٹ سپاٹ اور کنٹینرزکی چیکینگ کے د وران65 مقاما ت پر ایڈ یس لاروے کو فوری تلف کیا گیا

گھر،پلاٹ ،فیکٹریوں،ورکشاپوں ، گوداموں اور ہسپتالوں میں لاروا کی موجودگی پر مالکان کیخلاف مقدمات کروائے جائیں‘ نثار حسن زیدی

جمعرات 17 نومبر 2016 12:47

لاہور (اُردو پوائنٹ اخبارتازہ ترین - این این آئی۔ 17 نومبر2016ء)محکمہ کو آپریٹو کے جوائنٹ رجسٹرار نثار حسن زیدی نے کہا ہے کہ ٹائون بھر واقع تمام گھروں میں ڈینگی کے سلسلہ میں چیکنگ کے عمل کو مذید تیز تر کیا جائے تعاو ن نہ کرنے والے مکینوں کے خلاف قانونی چارہ جوئی کی جائے ،جس گھر،پلاٹ ،فیکٹریوں،ورکشاپوں ،اور گوداموں کے علاوہ ہسپتالوں میں لاروا پایا جائے کے مالکان کے خلاف مقدمات کروائے جائیں، تمام سرکاری و پرائیویٹ ہسپتالوں میں ڈینگی کے حوالے سے کئے جانے والے انتظامات کی چیکنگ کی جائے۔

ٹائونایڈمنسٹریشن اقبال ٹائون میں منعقدہ انسداد ڈینگی اجلاس سے خطاب کرتے ہوئے انہوں نے کہا کہ حکومتی ہدایت پر عمل نہ کرنے والے ہسپتالوں کے خلاف سخت اقدامات عمل میں لائے جائیں۔

(جاری ہے)

تمام قبرستانوں میں صفائی کے عمل کو مزید تیز کیا جائے۔سرویلینس ٹیموں کی کارکردگی کے لئے اچانک دورے کئے جائیں۔ انسداد ڈینگی کے سلسلے میںماہانہ ما ئیکرو پلان پر عملدر آمد نہ کرنے والے ٹائون ا فسران،متعلقہ محکمہ جات اور یونین کونسلوں کے سیکرٹریوں کے خلاف سخت اقدامات عمل میں لائے جائیں گے۔

اس سلسلے میںتمام افسران کے باقاعدہ مانیٹرنگ کی جائے گی تاکہ کام نہ کرنے والوں کا قبلہ درست کیا جا سکے۔ جن افسران کی ڈینگی کے حوالے سے کارکردگی غیر تسلی بخش پائی گئی کے خلاف متعلقہ محکموں کو سخت ایکشن لینے کی ہدایت کی جائے گی۔ عوام میں اس بات کا بھی شعور اجاگر کرنے کی ضرورت ہے کہ وہ ڈینگی سرویلینس ٹیموں کے ساتھ مکمل تعاو ن کریں تاکہ ڈینگی لاروے کے ٹھکانوں اور پرورش گاہوں کا فوری خاتمہ ہو سکے۔اس موقع پر اسسٹنٹ کمشنر علی شہزاد نے بتایا کہ مختلف ٹیموں نے ٹائون بھر میںآئوٹ ڈور اور انڈور کی سطح پربھی ہزاروں سپاٹ اور کنٹینرز چیک کئے۔چیکنگ کے دوران65 مقامات پر ایڈیس لاروا پایا گیا جسے فوری تلف کر دیا گیا۔