باکردار اور باصلاحیت قیادت کو آگے لائے بغیر ملکی ترقی کا خواب شرمندہ تعبیر نہیں ہوسکتا، سی پیک گیم چینجر ہے، یہ منصوبہ پاکستان کی بقاء کا منصوبہ ہے۔ بلوچستان پاکستان کا مستقبل ہے ہمیں اس منصوبہ کو قومی سرمایہ سمجھتے ہوئے اس کی کامیابی کے لیے متحد ہوکر کام کرنا ہوگا
سابق سپیکر قومی اسمبلی پاکستان سید فخر امام کا تقریب سے خطاب
جمعرات 17 نومبر 2016 22:16
(جاری ہے)
اس موقع پر سید فخر امام نے مزید کہا ہم اپنا محاسبہ نہیں کرتے، لیڈرزکے احتساب کی بات کرتے ہیں ان لیڈرز کو منتخب کون کرتا ہے اور انہیں لیڈرز کون بناتا ہے۔
ہمیں خود احتسابی کے عمل کو فروغ دینا ہوگا۔ جب پاکستان معرض وجود میں آیا تب پاکستان کا ایسٹ اور ویسٹ کا ٹوٹل بجٹ 69 کروڑ کا تھا مگر آج ہمارا بجٹ 44کھرب تک پہنچ گیا ہے مگر اس کا بڑا حصہ قرضوں کی ادائیگی اور پھر دوسرے نمبرپر دفاع پر خرچ ہوتا ہے۔ ساڑھے چھ سو ارب ہم ڈویلپمنٹ پر جبکہ عوام پر صرف چھ سو ارب خرچ کرتے ہیں۔ ہمیں دیکھنا ہوگا ہم عوام پر کیا خرچ کررہے ہیں۔ اور ہماری آمدن کیا ہے۔ سید فخر امام نے مزید کہا کہ سی پیک گیم چینجر ہے۔ یہ منصوبہ پاکستان کی بقاء کا منصوبہ ہے۔ بلوچستان پاکستان کا مستقبل ہے ہمیں اس منصوبہ کو قومی سرمایہ سمجھتے ہوئے اس کی کامیابی کے لیے متحد ہوکر کام کرنا ہوگا۔ سید فخر امام نے مزید کہا کہ لوگ ہم سے پوچھتے ہیں کہ آپ کب صوبے بنائیں گے، ہم چاہتے ہیں، مگر آئین رکاوٹ ہے۔ جب تک تینوں ایوانوں میں دو تہائی اکثریت نہیں ملتی صوبہ نہیں بن سکتا۔ ریفرنڈم کی اجازت ہے مگر وہ پاکستان میں آج تک صرف تین دفعہ فوجی حکمرانوں کے ادوار میں ہو۔اجنوبی پنجاب کو پچھلی60سالوں کے بجٹ میں اپنا پورا حق نہیں ملا۔ اس کی بڑی وجہ یہاں کی آواز میں وہ قوت ہی نہیں تھی، ہم ذاتی مفادات کی سیاست کرتے ہیں ، خطہ کے بارے میں نہ کبھی سوچا نہ کبھی بات کی ۔پاکستان کی معیشت مضبوطی کے لیے ضرورت ہے کہ جنوبی پنجاب کو خود مختار صوبہ بنایا جائے گا۔ اور اس کے علاوہ پاکستان کا سب سے بڑا مسئلہ پانی کا ہوگا۔ افسوس 1975ء کے بعد ایک بھی ڈیم نہیں بنا۔ کالا باغ ڈیم کی بحث ہمارے 40سال کھا گئی ۔کوئی حکومت ڈیم نہیں بناتی۔ ہم نے 23سی150 یونیورسٹیاں بنائیں مگر ان کا معیار دیکھنے کی کبھی زحمت بھی نہیں کی۔ دنیا کی ٹاپ 500 یونیورسٹیوں میں پاکستان کی صرف ایک یونیورسٹی ہے۔ جو ہمارے لیے لمحہ فکریہ ہے اور ہمارے تعلیمی استعداد پر سوالیہ نشان ہے۔ ہمیں ملکی وسائل بڑھانے ہوںگے۔ اور میرٹ کو پروموٹ کرنا ہوگا۔ اس موقع پر میٹنگ میں سابق ڈسٹرکٹ گورنر لائنز کلب انٹرنیشنل پاکستان محمد افضل سپرا ، محمد اعظم چوہدری، سید اعجاز احمد شاہ، سعیداللہ خان، فرخ عمر چوہدری، شہزاد انور شیخ، عبدالمحسن شاہین، ساجد مجید ہاشمی، نجم الاسلام، ملک ریاض احمد، پروفیسر حمید رضا صدیقی، ملک شکیل، سہیل عمران ، چوہدری ذوالفقار علی، پرویز احمد سلہری، چوہدری وحید، چوہدری الطاف شاہد، سیف اللہ چوہدری، زاہد صدیق، ڈاکٹر ابوبکر سعد، احمد سعید خان، عمران خالد، الیاس محمود، عبدالجبار قریشی، محمد زاہد، افتخار قادری شریک تھے۔متعلقہ عنوان :
مزید قومی خبریں
-
وزیر اعلی ٰبلوچستان میر سرفراز بگٹی سے سیکرٹری ویلفیئر فنڈ منسٹری آف اوورسیز پاکستانی ذوالفقار خان کی ملاقات
-
ملک بھر میں این ایچ اے روڈ انفراسٹرکچر کو بڑھانے کے لئے پرعزم ہیں ،نئی پالیسی لائیں گے، عبدالعلیم خان
-
گوجرخان پولیس کی موثر کارروائی، سکولوں اور کالجوں میں منشیات سپلائی کرنے والا منشیات فروش گرفتار
-
سوات ،نوجوان نے خودکو گولی مارکر خودکشی کرلی
-
وزیراعلی سندھ نے کابینہ میں توسیع کرتے ہوئے مزید 8وزرا کو شامل کرلیا
-
گورنرسندھ کے زیر صدارت سندھ انڈسٹریل لائڑن کمیٹی کا اعلیٰ سطح اجلاس
-
پی ٹی آئی نے مزار قائد پر حاضری دیکر کراچی جلسہ کی تیاریاں شروع کر دی،
-
ایم کیو ایم کا وزیر اعلیٰ ہائوس کا گھیرائوکرنے کا فیصلہ
-
سندھ ہائی کورٹ : پی ٹی اے کو ایکس کی بندش کی معقول وجہ بتانے کا حکم
-
چارسدہ، پولیس نے رمضان میں دکان سے چوری کرنے والا ملزم گرفتارکرلیا
-
موجودہ نظام میں کسی بھی شفاف اور قابل لیڈر کی کوئی جگہ نہیں،علی امین گنڈاپور
-
800 لیٹر ایرانی تیل برآمد،ملزمان گرفتار،مقدمہ درج
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.