چوہدری اسلم کی تیسری برسی (آج )منائی جائے گی

اتوار 8 جنوری 2017 11:20

کراچی (اُردو پوائنٹ اخبارتازہ ترین - آئی این پی۔ 08 جنوری2017ء) کراچی میں دہشت گردوں اور جرائم پیشہ عناصر کے خلاف کامیاب کارروائیوں میں چوہدری اسلم کا نام ہمیشہ یاد رکھا جائے گادہشت گردی کے خلاف جنگ میں کراچی پولیس کی فرنٹ لائن شخصیت ایس پی چوہدری اسلم شہید کی تیسری برسی (آج )9جنوری کو منائی جائے گی۔

(جاری ہے)

تحریک طالبان پاکستان نے ان پرحملے کی ذمہ داری قبول کی تھی ا نیس سو تریسٹھ میں ایبٹ آباد کے محلے ارغشال میں پیدا ہونے والے ایس پی سی آئی ڈی چوہدری اسلم نے ابتدائی تعلیم آبائی علاقے میں حاصل کی، انیس سو چوراسی میں بطوراسسٹنٹ سب انسپکٹرپولیس میں بھرتی ہو ئے، اسلم خان کا تعلق خیبرپختونخوا کے سیاحتی و فوجی شہرایبٹ آباد سے تھا لیکن دوستوں نے ان کے لباس اورچال ڈھال کی وجہ سے انہیں چو ہدری کہنا شروع کیا اور پھر یہ نام ان کے ساتھ ایسا جڑا کہ وہ چو ہدری اسلم کے نام سے ہی پہچانے جانے لگے۔

کراچی کے علاقے گلشن اقبال کے قریب لیاری ایکسپریس وے پردہشت گرد کارروائی میں ایس پی سی آئی ڈی چوہدری اسلم اوران کے ساتھیوں کی شہادت کی خبر کو بین الاقوامی میڈیا میں نمایاں جگہ دی گئی ۔

متعلقہ عنوان :