پارلیمانی کمیٹی کے قیام کے بعدنیب آرڈیننس جاری کیا جانا سمجھ سے بالاتر ہے ،ْ پی ٹی آئی کا آرڈیننس واپس لینے کا مطالبہ
نیب ترمیمی آرڈیننس پارلیمانی کمیٹی کی توہین ہے ،ْ شاہ محمود قریشی کی پارلیمانی کمیٹی کے اجلاس کے دوران گفتگو حکومت نے جلد بازی میں نیب ترمیمی آرڈیننس جاری کیا ،ْ بہت سی خامیاں ہیں ،ْآفتاب احمد خان شیر پائو اپوزیشن نے نیب ترمیمی آرڈیننس سے اتفاق نہ کیا تو تبدیلی کی جاسکتی ہے ،ْ نیب قانون پر اپوزیشن کی تمام تجاویز کا جائزہ لیا جائیگا ،ْزاہد حامد آرڈیننس کے ذریعے پلی بارگین اور رضا کارانہ واپسی کے قانون کا خاتمہ وقت کی ضرورت تھی،نیب آرڈیننس کو متنازع نہ بنایا جائے ،ْعبد القادر بلوچ
بدھ 11 جنوری 2017 17:36
(جاری ہے)
انہوں نے کہا کہ اگر حکومت نیب ترمیمی آرڈیننس پر نظرثانی کے لئے تیار ہے تو پھر اسے واپس لے لیا جائے۔
انہوںنے کہاکہ نیب ترمیمی آرڈیننس پارلیمانی کمیٹی کی توہین ہے۔اس موقع پر آفتاب شیرپاؤ نے کہا کہ حکومت نے جلد بازی میں نیب ترمیمی آرڈیننس جاری کیا، اس میں بہت سی خامیاں ہیں، اگر ہمت ہے تو احتساب قانون میں ججز اور جرنیلوں کو بھی شامل کیا جائے۔اس پر شاہ محمود قریشی نے کہا کہ اگر ہمت نہیں ہے تو پھر فاتحہ پڑھ لیتے ہیں۔کمیٹی کے اجلاس میں وزیر قانون زاہد حامد ترمیمی آرڈیننس کا دفاع کرتے ہوئے موقف اپنایا کہ پلی بارگین کے معاملے پر بہت زیادہ تنقید ہورہی تھی،سپریم کورٹ نے رقم کی رضاکارانہ واپسی کے عمل کو بھی معطل کردیا تھا۔انہوں نے کہا کہ چیئرمین سینیٹ نے احتساب کے معاملے پر عوام کے نام کھلا خط لکھا ،ْاپوزیشن نے نیب ترمیمی آرڈیننس سے اتفاق نہ کیا تو اس میں تبدیلی کی جاسکتی ہی،ْ نیب قانون پر اپوزیشن کی تمام تجاویز کا جائزہ لیا جائے گا۔انہوں نے کہا کہ پلی بارگین اور رضا کارانہ واپسی پر پہلے سے اتفاق ہوگیا تھا ،ْیہ غلط قانون تھا جس کے خاتمہ کے لئے آرڈیننس لائے ،ْ سپریم کورٹ میں بھی اس قانون پر تنقید ہوئی اور واضح موقف اختیار کرنے کا کہا گیا۔زاہد حامد نے بتایا کہ سپریم کورٹ کے آبزرویشن اور احکامات وزیراعظم کے نوٹس میں لائے اور پھر کابینہ کی منظوری کے بعد آرڈیننس لایا گیا۔پاکستان پیپلز پارٹی سے تعلق رکھنے والے کمیٹی کے رکن نوید قمر نے آرڈیننس پر اعتراض اٹھاتے ہوئے کہا کہ جب کمیٹی بن گئی تھی تو پھر آرڈیننس کیوں لایا گیا۔اس پر زاہد حامد نے کہا کہ کمیٹی کو مکمل اختیارات ہوں گے اگر کمیٹی کو کچھ پسند نہ آیا تو ترمیم کی جاسکتی ہے،اپوزیشن نیب ترمیمی آرڈیننس میں ترامیم کرنا چاہے تو ہم تیار ہیں۔کمیٹی کے رکن عبدالقادر بلوچ نے موقف اپنایا کہ نیب قوانین پر نظرثانی میں وقت لگتا لیکن آرڈیننس کے ذریعے پلی بارگین اور رضا کارانہ واپسی کے قانون کا خاتمہ وقت کی ضرورت تھی،نیب آرڈیننس کو متنازع نہ بنایا جائے۔سینیٹر جاوید عباسی نے کہا کہ اب وقت آگیا ہے کہ احتساب کے عمل سے کسی کو بالاتر نہیں ہونا چاہیے ،ْکوئی سیاسی جماعت ہو یا ادارہ احتساب سب کا ہونا چاہئے۔سینیٹر فرحت اللہ بابر نے جاوید عباسی کی تائید کرتے ہوئے کہا کہ جرنیلوں اور عدلیہ کا بھی احتساب ہونا چاہئے ،ْصرف سیاستدانوں اور بیوروکریسی کے احتساب سے قانون مکمل نہیں ہوگا۔انہوں نے نیب قانون پر نظر ثانی کیلئے بنائی گئی پارلیمانی کمیٹی کے ضابطہ کار (ٹی او آرز) پر نظرثانی کا بھی مطالبہ کردیا اور کہا کہ ٹی او آرز پر نظرثانی کرتے ہوئے اداروں کا احتساب بھی ہونا چاہئے۔پارلیمانی کمیٹی کمیٹی کا آئندہ اجلاس 17 جنوری کو ہوگا جو ان کیمرہ ہوگا۔اجلاس کے بعد میڈیا سے گفتگو کرتے ہوئے شاہ محمود قریشی نے کہا کہ بلاامتیاز احتساب کا قانون لانیکی کوشش کریں گے، ہم چاہتے ہیں کہ احتساب قانون میں عوامی رائے بھی لی جائے، احتساب پر نیا قانون لانے کی ضرورت ہے۔انہوںنے کہاکہ اجلاس میں اس بات پر اتفاق ہوا ہے کہ احتساب کمیٹی نیب آرڈیننس کی پابند نہیں ہوگی اور فیصلہ کیا گیا کہ کمیٹی اٹھارویں ترمیم کے طرز پر کام کرے گی۔انہوں نے کہا کہ پارلیمانی احتساب کمیٹی کی تشکیل کیساتھ ہی نیب آرڈیننس لانیکی کیا ضرورت تھی ،ْکرپشن آج قومی ایشو ہے جس پر بحث جاری ہے، نیب و دیگر قوانین کے باوجود کرپشن کم نہیں ہوئی۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.